正所謂「時光可變世界可變」，玩懷舊是不死的，夠共鳴！最近開飯仔留意到有3間懷舊主題小店開張，大賣三種不同本土情懷，有茶餐廳前身的舊式冰室、亦有模仿逐漸消失的街邊茶檔，還有利用港式地道食材製成的土炮飲品，各有特色！
麥包係老闆 六樓後座冰室
由澳門做到嚟香港開店，雖然食物款式都係茶餐廳常見的，但裝修就完全不同，明顯花咗啲心思。以白綠做主色配上70、80年代的復古款式磚，營造出冰室風格。天花掛滿以前街市常見的紅燈罩，仲擺放舊皮喼、打字機以及細部兼厚身的電視機做裝飾添！
麥包麥長青都係老闆之一，仲推介咗經典陳皮鴨腿湯飯、干炒牛河、磚頭咖喱雞飯等美食！
卡位旁邊貼咗張假窗圖片，見到以前香港舊公屋的面貌。
圖：addadd15
門口仲有道鐵閘以及 6 個寫上紅字的銀包信箱，食客們見到都會心微笑。
圖：addadd15
更多開飯專題： |
70 年代街頭風味 港嘢茶檔
從前的茶檔建於室外露天地方，客人一邊等食，一邊可望到街外的景物，好有風味。（當然，嗰陣的人仲未成為低頭族玩電話啦！）縱使今日的茶檔好似餐廳咁搬入地舖，但風味依然。食物都好多選擇，有雞髀魚蛋腸粉西多等小食類，又有通粉一丁的粉麵類，當然都有小菜跟白飯的飽肚餐啦！
茶記常見的地道美食：(左) 鹹牛肉滑蛋三文治、(右) 咖喱魚蛋。
圖：喺室內用餐，抬頭都會見到密麻麻的招牌，都係仿照九龍城名店設計，仲有大大隻「茶記」霓紅燈招牌添！
圖：門口都幾似民初劇會出現的場景。
圖：土炮當潮物 土炮懷舊特飲
山楂、陳皮、話梅，呢啲仲唔係港式土炮食材？呢間位於屯門的飲品店就係用呢啲涼果，製作一系列土炮飲品，好似山楂梳打、陳皮話梅梳打、K 房雜果賓治等，別具特色。香港人，咪掛住支持台式飲品店啦，有時都要撐下本土飲品的！
山楂梳打 (左) 用山楂加水煲過後，再將山楂打成山楂蓉，並加入泰國泰象牌的梳打水而成，味道酸甜，好解渴。(右) 柑桔檸檬梳打，凡購買無特式梳打，都會跟送 3 粒啫喱仔。
圖：紅底白字的餐牌，夠 classic！你未見過？咁你咪當潮物咁睇囉，有型！
圖：小店亦有小食供應，最有特色的就係呢隻蝦醬雞翼，用蝦醬醃製雞翼，鹹香味濃。
圖：(左) 迷你炸饅頭 、(右) 炸雞皮。
圖：文：Joy