近來唔少餐廳都搞搞新意思對抗「疫」市，尖沙咀呢間西京燒専門店就推出以和牛及海膽為主題嘅夏日菜單，啱晒鍾意食日本菜嘅香港人！
鹿兒島A4和牛究極蛋丼飯 ($198)
將鹿兒島A4級和牛輕輕炙燒後鋪於飯面上，配上打至企身、白雲狀般嘅蛋白，再加上蔥花、新鮮蛋黃及特製的醬油，啱晒相機食先！食嘅時候先將蛋黃戮穿，混入蔥花同蛋白，加埋沾滿蛋汁嘅和牛片，味道同口感都好滿足！
牛肉火山燒($228)
牛肉火山燒係創新嘅壽喜燒，外觀有如火山狀，食法就好free嘅，
食法一：將牛肉放喺壽喜燒湯汁燙一燙即可撈起，再蘸上生蛋汁食用。
食法二：將雞蛋打發後加入鍋裡，連同壽喜燒湯汁一起煮成滑蛋牛肉。
海膽三文魚籽茶碗蒸($138)
滑捋捋嘅茶碗蒸上鋪上滿滿嘅三文魚籽，再加入新鮮的北海道海膽，一入口嫩滑充滿鹹香。
火灸和牛海膽壽司($168)
上枱後廚師會用火槍快速咁於和牛片上炙燒，再隨即放上新鮮北海道海膽。會先感受到和牛油脂香，然後到海膽嘅鮮味。
海膽小船壽司($218)
由京都富小路やま岸米芝蓮一星主廚山岸隆博先生嘅招牌海膽熱狗演變而成嘅海膽小船壽司！為保新鮮海膽會另外奉上，等食客可以親自將海膽放到飯上食用，刺身均由日本新鮮空運到港～
燒海膽飯團($138)
日本人用餐時通常都會以飯糰作結，呢度嘅燒飯糰由廚師用小火慢慢烤至金黃外脆，再配上稍微灸燒過嘅北海道海膽，飯糰帶淡淡焦香。
地址: 尖沙咀廣東道5號海港城海洋中心4樓402號舖
文: Yanica
相、片: Tom Li