CmOn 柴門西餐廳 (柴灣)
估唔到柴灣都有高質嘅西餐小店！柴門食物水準相當高，由前文華東方酒店出身嘅餐廳經理打理，質素有保證。整間餐廳就好似間迷你博物館，收藏咗好多幅名畫同擺設，星期五、星期六晚仲有live Band演出，係依到用餐簡直係高級西餐嘅享受！雖然係小店，但團隊對餐廳有熱誠，多方面選購優質食材，用心炮製食物，提供各地餐酒，亦引入比利時手工啤酒，仲設有精緻嘅 VIP房，適合親友包場聚會!
午餐頭盤
午餐前菜包括清新嘅柴門沙律、健康嘅自家製麵包、同每星期唔同款嘅餐湯，配埋碟豆花檸檬水，好開胃！沙律食材嚟自優質有機嘅新界農場，店主堅持「Farm-to-Table」概念，將農作物由農地直接運到餐廳烹調，所以連新鮮蘑菇都特別香！
波士頓龍蝦尾配蒸海魚柳 (香檳汁)
選用波士頓龍蝦尾，用牛油煮得剛剛好，入口香鮮嫩滑鮮甜，正呀! 配埋蒸時令海魚，肉質鮮嫩但又唔會腥，加埋香檳汁，更提升鮮味亦減少油膩感！
墨西哥海蝦田園沙律
新鮮嘅沙律菜配埋兩款火龍果、芒果同鮮甜嘅野生海蝦，加上酸酸甜甜嘅是令熱情果醬汁，係前菜嘅好選擇！
焗蠔配鮑魚撻
手掌咁大嘅金黃色芝士焗蠔， 賣相一流，外脆內滑，芝士份量十足，但又唔會掩蓋蠔既鮮味，味道好夾！而鮑魚撻精選一口鮑製作，配上鬆脆撻底，成功製作出別致口味!
炸鹹豬手拼德國腸
豬手肥瘦適中，皮脆肉嫩，豬質軟腍，唔會燒到乾哂! 味道啱啱好，唔會死咸，配埋酸菜、薯蓉同德國腸，再沾上少少德國芥末一齊食，有助減少油膩感!
C.K.Bistro位於九龍城，係一間高私人度嘅隱世私人菜館。嚴選食材，所有食材都經過嚴格處理，保證新鮮同健康。餐廳環境闊落, 氣氛休閒，空間感大，設有vip房，仲設有寬敞嘅室外露台，食客可以由室外露台眺望海岸全景，感覺似逃離咗城巿嘅繁囂，非常適合包場舉辦聚會、婚禮、生日派對等等！
自家制醃刁草三文魚
選用新鮮挪威三文魚，簡單地用上海鹽、黑胡椒、新鮮刁草、椒醃 ，入口有淡淡嘅咸味，同甜甜嘅香草味，鮮味十足！再配埋玉子豆腐，三文魚籽，黑松露，口感豐富，令人回味無窮！
炭燒日本牛舌
大廚話唔靚唔用，所以特意選用厚切日本和牛，一條牛舌只做到三份order，連炭爐上枱，炭烤至外皮焦香、肉質嫩滑，一啖咬落去肉汁係嘴入面散開，充滿微微醬香同炭烤香氣，係必試之選！
牛油果蟹肉塔
餐廳用料十足，自拆新鮮本地蟹肉，每一啖都有滿滿嘅牛油果、鮮甜嘅蟹肉、青瓜同番茄，配埋秘製醬汁同塊烤到脆脆地既麵包食，正呀!
煙燻醬烤有骨牛仔肉配田園蔬菜
選用油花分布均勻嘅美國頂級Prime Grade牛仔骨，慢煮36小時而成， 入口肉質軟爛鮮嫩多汁，配埋新鮮salad，好refreshing! 上抬時仲有煙燻效果，打卡一流！
龍蝦鮑魚意大利飯配干邑龍蝦汁
選用清甜嘅法國玫瑰龍蝦同新鮮鮑魚，配自家製干邑龍蝦汁煮死嘅意大利飯，味道濃郁又creamy，加埋少少龍蝦油一齊食滿足感爆燈！成個意大利飯口感層次勁豐富！
Interval Coffee Bar (中環)
NTERVAL Coffee Bar日頭主打手工咖啡，晚上會搖身一變成優雅嘅酒吧，提供由香港Twins Kitchen設計嘅季節性菜單。店內裝潢時尚別緻，以金色為主，以黃銅、大理石等創造出一個北歐主題嘅空間，讓顧客係商業區中有一個環境優美嘅休閒空間。INTERVAL仲會唔時連同世界著名調酒師舉辦唔同嘅餐飲活動，係城中嘅好去處！
輕盈早午餐之選
新菜單突顯岀Interval Coffee Bar嘅用心，特意加入咗唔少本地特色風味同用料，配合埋豐富嘅自酒單，最啱去同三五知己聚餐！
酒吧小吃和共享型餐點
無論係日與夜，INTERVAL 都會係一個可以為你帶來新驚喜同最獨特餐飲體驗嘅地方!
牛油果多士
牛油果多士配以溫泉蛋、醃漬紅洋葱同細香葱，入口香氣十足，為你開展美好嘅一天!
南乳炸雞配蓮藕片
鹹蛋黃搭以南乳炸雞同蓮藕片 ，係經典中式口味嘅變奏，結合咗一絲懷舊風味，口感酥脆，令人上癮！
烤三文魚配搭意式煙肉汁同香草油，既健康又富有蛋白質，有「營」又健康之選！
*以上圖片只供參考，所有食品以實物為準. 食品供應因餐廳而異
NTERVAL Coffee Bar日頭主打手工咖啡，晚上會搖身一變成優雅嘅酒吧，提供由香港Twins Kitchen設計嘅季節性菜單。店內裝潢時尚別緻，以金色為主，以黃銅、大理石等創造出一個北歐主題嘅空間，讓顧客係商業區中有一個環境優美嘅休閒空間。INTERVAL仲會唔時連同世界著名調酒師舉辦唔同嘅餐飲活動，係城中嘅好去處！
輕盈早午餐之選
新菜單突顯岀Interval Coffee Bar嘅用心，特意加入咗唔少本地特色風味同用料，配合埋豐富嘅自酒單，最啱去同三五知己聚餐！
酒吧小吃和共享型餐點
無論係日與夜，INTERVAL 都會係一個可以為你帶來新驚喜同最獨特餐飲體驗嘅地方!
牛油果多士
牛油果多士配以溫泉蛋、醃漬紅洋葱同細香葱，入口香氣十足，為你開展美好嘅一天!
南乳炸雞配蓮藕片
鹹蛋黃搭以南乳炸雞同蓮藕片 ，係經典中式口味嘅變奏，結合咗一絲懷舊風味，口感酥脆，令人上癮！
烤三文魚配搭意式煙肉汁同香草油，既健康又富有蛋白質，有「營」又健康之選！
*以上圖片只供參考，所有食品以實物為準. 食品供應因餐廳而異
相、文：Tiffany