香港餐廳來得快去得快，近來越來越多餐廳及老店都因為種種原因而結業，可能係租金壓力、欠缺繼承人接班等等，即使有幾十年歷史及故事，終有一天都可能要退下火線，對一眾食客來講相當可惜。例子包括雍雅山房、楓林小館等，都係當年著名但今天已消失於飲食界嘅老店。以下三間餐廳都係少數歷史悠久嘅老字號，無論係港人及遊客，都值得去支持，及時留下珍貴回憶呀。
沙田首間園林酒店 龍華酒店
建於1938年開業，為戰後沙田首間園林式酒店，當年真係設有客房，而且租金不菲，入住都是上流名人，粵劇藝人及明星包括紅線女、任劍輝及金庸。環境優美，不少電影曾喺度取景，包括李小龍《唐山大兄》。1985年停辦酒店業務只做餐廳，食家唯靈稱的沙田三寶，乳鴿、雞粥和豆腐花亦可於龍華食到。以紅燒乳鴿馳名，高峰期日賣超過6,000隻！乳鴿亦有多款煮法，如豉油皇、滷水鹽焗、陳年花雕浸等，甚至幾近失傳嘅手工菜仙鶴神針都有。
圖：
圖：世界最大水上餐廳 珍寶王國
於1976年建成，由珍寶海鮮舫和太白海鮮舫組成，停泊於香港仔深灣，係香港著名地標之一，英女皇伊莉莎白二世及湯告魯斯亦曾到訪，亦係李小龍《龍爭虎鬥》、周星馳電影《食神》取景地。珍寶海鮮舫可容納超過二千名食客，為全世界最大水上餐廳之一，設有多個宴會廳及用餐區，環境裝修以傳統中國宮廷設計，壁畫、皇帝龍椅等相當奢華。餐廳供應海鮮、傳統粵式小菜及點心燒味為主，招牌菜包括火焰醉仙蝦、禮哥炒蟹。
圖：
圖：更多開飯專題： |
80年海鮮專家 容龍海鮮酒家
位於屯門近青山灣，連續8年獲米芝蓮推介，原本為一座豪華渡假別墅，更設游泳池及小型動物園，新馬師曾、白燕及張活游亦曾係座上客。1993年改建為海鮮酒家，附近三聖灣有不少海鮮檔，可以自行選購再加工。手勢唔錯，海鮮調味適中又保持鮮味，受歡迎菜式包括海龍皇湯、缽酒焗蠔及金銀蒜肉蟹糯米飯，招牌芝士牛油焗龍蝦並非芝士汁，而係焗至乾身香脆，肉質卻保持juicy爽彈。收費唔平但值，開飯仔都不時去幫襯架。
圖：
圖：文：Perrins