無論你係有得放暑假嘅學生，定係日日都要返工嘅打工仔，夏天都總要搵個機會好好休息一下嘅。土瓜灣區呢間酒店即將推出嘅抹茶主題下午茶唔單止有各款宇治抹茶茶點，而且仲有套綠茶美容體驗套裝做禮物，值得一試！
 

8度海逸酒店嘅8度餐廳今次同韓國美妝品牌TONYMOLY合作，6月12號開始推出呢Set「抹茶水潤下午茶」，當中包括多款以京都宇治抹茶入饌嘅茶點，包括英式鬆餅配抹茶忌廉、鹽三文魚抹茶蕎麥麵、炸薯條配抹茶鹽等。
 

下午茶當然唔少得一系列精緻甜品！王牌芒果拿破崙同抹茶紅豆忌廉卷係特別推介，而抹茶意大利芝士餅同抹茶法式焦糖燉蛋亦不容錯過。
 

而享用抹茶水潤下午茶嘅每位都可獲贈TONYMOLY「THE CHOK CHOK綠茶水潤系列」體驗套裝一份同$50購物現金券。唔好話開飯仔唔溫馨提示埋你，喺酒店e-shop訂購仲有特超值別優惠價㗎。

8度餐廳 抹茶水潤下午茶
供應日期：2017年6月12日至8月31日
供應時間：15:00 - 17:00

文：Cathy