嚟緊6月19號就係父親節，除咗食餐好嘅之外，送返份禮物或者蛋糕都係表達謝意、孝敬爸爸嘅方法。開飯仔今次就幫大家精選各款禮盒同蛋糕，揀啱記得買或者訂定。部分更有折扣優惠，慶祝同時慳返筆。
7折朱古力禮盒 Godiva Chocolatier
呢個比利時著名朱古力品牌即日起至6月19號，四款指定父親節精選朱古力禮盒都有七折優惠！特別推介當中嘅松露朱古力12顆裝禮盒，以傳統工藝糅合唔同口味嘅餡料，入口即融。而金裝朱古力禮盒就有15、18或25顆裝選擇。
威士忌朱古力禮盒 CHOKOHOOD
大坑呢間精品朱古力店同Bar Buonasera酒吧合作，推出限量100套嘅全新威士忌朱古力禮盒，精選三款Old Bottling Whisky配搭三款和風食材（抹茶、栗子、柚子）製作出唔同口味。更可以加配Whisky Pairing Set，飲返三款Whisky嚟配朱古力！
圖: 餐廳IG
89折塘景蛋糕 SP Flower & Tea Room 
呢間以花藝、茶禮為主題嘅餐廳今年就推出結合夏季健康食材嘅父親節限定塘景蛋糕Bravo，係綠茶雪芳蛋糕配搭芝麻黑豆慕絲，加上薏米同芝麻夾心馬卡龍。食材都有唔同功效，例如芝麻含有鈣質同鐵質，有助強健骨骼；黑豆含有花青素，有助抗衰老。
巴斯克蛋糕配紅酒 Arte by Padaria
呢個藝術蛋糕品牌推出全新巴斯克蛋糕系列，包括三款提拉米蘇（原味、抹茶、黑芝麻）口味，同兩款傳統（百利甜酒Oreo、冧酒提子）口味。如果爸爸係愛酒之人，更可以選擇Amazing Cheese Combo Set，配埋波爾多貝爾納多莊園 Fournas 2011年葡萄酒！
全球首發焙茶千層 Lady M
嚟自紐約嘅精品蛋糕店則推出全球首度發售嘅獨家新口味焙茶千層蛋糕，選用京都宇治300年製茶老店丸久小山園出品嘅焙茶，製作成焙茶黑糖忌廉，令千層蛋糕食落啖啖甘甜。蛋糕上再以晶瑩剔透嘅黑糖焙茶啫喱球增加口感層次，甜而不膩。
功夫茶造型蛋糕 GREEN
家中有位鍾意品茶爸爸嘅話，可以留意尖東呢間酒店嘅Tea-rific Time茉香朱古力蛋糕，唔單止以功夫茶具為造型，裡面亦以無軼質蛋糕配搭融入茉莉花茶嘅Valrhona朱古力忌廉、榛子脆脆等，朱古力甜味中帶茶香嘅清幽。另外亦有Spectacles Tiramisu，咖啡同酒香並重。
低糖朱古力伯爵茶蛋糕 富豪餅店
想送蛋糕又怕爸爸唔鍾意食太甜？呢間酒店旗下嘅餅店推出嘅紳士爹哋低糖朱古力伯爵茶蛋糕就啱啦。西裝加煲呔造型典雅之餘，更精選85%委內瑞拉黑朱古力及Twinings伯爵茶葉製作。而且除咗1.5磅原個蛋糕，亦有迷你版，更適合小家庭。
文：Cathy.H
