出街食飯點先最抵？即刻跟實每月至抵優惠 Book 枱食飯、用抵食餐飲券堂食／外賣自取，就可以擸盡著數啦！
$28今時今日喺香港仲可以食到咩？今期外賣自取$28齊齊食優惠又返嚟啦，有港式茶餐廳、西式外賣店，健康午餐、米線店及點心專門店，留意返有指定優惠日子，唔好錯過啦！
人氣港式茶餐廳，最出名就係佢哋嘅叉燒炒蛋飯配秘製豉油汁！首先炒蛋味香滑嫩，叉燒數量都好多，肉質軟腍肥瘦適中。秘製豉油汁味道甜甜哋，配埋粒粒分明嘅飯真係一流，$28超抵食～另外仲有滑牛炒蛋飯配秘製豉油汁、黑松露蝦仁滑蛋飯同南洋咖喱豬扒飯都值得一試。
推廣日期: 2024年4月22日至4月26日
T.Co（全線分店）指定食品$28
來自菲律賓嘅超強人氣連鎖烤卷品牌，以高質食材及秘製滋味醬汁製成烤卷，喺菲律賓開逾600間分店㗎！香嫩雞肉烤卷選用雞腿肉，滑嫩多汁，雞肉有事先炒過所以好香，配埋惹味嘅醬汁同新鮮蔬菜，味道好豐富。秘製滋味牛肉烤卷採用上乘美國牛肉，配上芝士就更惹味，啱晒想簡單食個lunch嘅朋友～
推廣日期：2024年4月22日至4月26日及5月6日至5月10日
港楓味（鰂魚涌）指定食品$28
位於鰂魚涌主打健康飯盒嘅外賣小店，啱晒想瘦身嘅人～主要供應唔同嘅健康飯餐及沙律，如香煎慢煮黑椒雞胸肉，雖然係雞胸肉但因為慢煮嘅關係仲保留到肉汁，帶有淡淡嘅黑椒香，配埋蔬菜健康又好味。另有醬燒挪威三文魚柳、無骨海南雞、泰式香茅豬頸肉及香煎慢煮牛柳沙律等選擇～
推廣日期：2024年4月22日至4月26日
雲香園小鍋米線（尖沙咀）指定食品$28
呢間米線店湯底每日新鮮熬製，用咗豬大骨老火慢煮熬足6個鐘，每啖都係心機，食完都唔會口渴！幾推介小鍋紅薯粉，紅薯粉煙煙韌韌，配料已有芽菜、酸菜、韭菜、蔥及芫茜，可選酸辣或麻辣湯底，辣度由BB辣到勁辣都有，餸嘅選擇都有成四十幾款，如豬軟骨、豬大腸、台灣腸等都好受歡迎。特式小食如麻辣金錢肚、秘製豬頸肉及涼拌墨魚頭等都唔錯㗎。
推廣日期：2024年4月10日至5月10日
豪隍點心工房（觀塘）指定食品$28
觀塘區人氣點心店，大件夾抵食，難怪全日都咁多人食！基本嘅蝦餃同燒賣都大大粒，蝦肉爽彈，最貼心係一份只係兩粒，啱晒想叫多兩個唔同點心嘅朋友仔。蒸飯類都唔錯，鳳爪排骨飯肉嘅香氣滲晒入飯粒中，香濃惹味。另有唔少煎炸點心都出色，好似墨西哥叉燒包及蒜香芝士鮮蝦長春卷，附近上班族可以一試。
推廣日期：2024年4月22日至4月26日
2024年5月10日或之前於「$28齊齊食」指定餐廳落單實付金額滿$50，仲可以用埋優惠碼「EAT28」，額外減$10!
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？（按此立即落單）
EAT28：https://www.openrice.com/info/takeaway/tc-EAT28.html
$28齊齊食第一擊！今期外賣自取優惠有人氣韓國菜、水餃麵店、台式茶飲、港式粉麵店及新式燒味外賣店，睇吓邊間啱心水！
CHIMAC（全線分店）指定食品$28
主要供應韓式炸雞、主食及小食嘅餐廳，喺多區都有分店，夠晒方便。今次$28優惠包括佢哋嘅魚糕串，熱辣辣嘅魚糕湯加上彈牙入味嘅魚糕，真係好似去咗韓國街頭咁；另外炸薯條+粒粒蜜桃汁都好值得一試。佢哋嘅炸雞香脆唔油膩，仲有好多口味添，如經典甜辣、洋蔥芝士、蜂蜜焦糖及蔥蒜醬油都好受歡迎。
一間幾地道嘅餃子店，除咗餃子亦有供應粉麵及小食。推介招牌菜花生醬拌麵，簡單又美味，麵條煮得啱啱好口感彈牙，配上濃郁嘅花生醬，花生醬嘅香濃同麵條嘅嫩滑相輔相成，風味獨特。酥炸小餛飩都唔錯，外層香口餡料惹味而且唔油膩。
花斑茶社（全線分店）指定飲品$28
人氣台式飲品店，飲品選擇都好多元化，有招牌黑糖系列、鮮奶系列、水果系列及益力多系列等。黑糖珍珠岩鹽厚鮮奶將岩鹽加入鮮奶蓋， 軟滑嘅奶蓋甜中帶鹹， 對比之下層次感更豐富，黑糖珍珠煙煙韌韌而且甜度剛好！黑糖珍珠可可鮮奶就多咗陣可可香氣，鍾意奶香可以揀返鮮奶系列，好似焙茶鮮奶嘅焙茶香幾突出。
主打藥膳米線及多款港式小食嘅粉麵店，啱晒買返屋企加餸～如蘿蔔柱侯牛筋腩，牛筋腩炆得軟腍入味，蘿蔔味都好鮮甜無渣；香菇五花腩肥瘦層次分明，肉質爽彈。另外麻辣花雕雞卷都幾特別，同時有酒香及麻香，比起一般醉雞更惹味。米線方面有好多湯底選擇，如花膠鮑魚椰奶雞湯、胡椒豬肚湯、馬拉肉骨茶湯及藥膳紅棗雞湯等。
燒洒一族（指定分店）指定食品$28
以「燒得嘅，都係燒味」為口號嘅燒味外賣店，不過就唔係主打燒鵝叉燒等燒味，而係燒豬手、燒春雞及燒豬肋骨等西式烤焗食品，又幾有新鮮感。醬燒豬肋骨飯軟腍厚肉，唔會只得骨，醬汁香濃惹味，又唔會太鹹，送飯一流！招牌燒豬手飯外皮香脆，味道鹹香，另外仲有古法土窰燒春雞、蒜香南乳燒春雞、黑糖烤豬頸肉同蜜糖黑椒煙鴨胸等都好啱加餸呀！
2024年5月10日或之前於「$28齊齊食」指定餐廳落單實付金額滿$50，仲可以用埋優惠碼「EAT28」，額外減$10!
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？（按此立即落單）
EAT28：https://www.openrice.com/info/takeaway/tc-EAT28.html
美食有咁多款，想試多啲梗係要精打細算用盡優惠啦～今期精選推介有24折起嘅片皮鴨、壽喜燒等，啱你口味就咪錯過喇～
陶源酒家（全線分店） 京式片皮鴨一隻 24折
一般食片皮鴨都要二、三百蚊，但呢間酒家推出激抵優惠，外賣自取有24折，即係$108咋！鴨肉香口惹味，買嚟加餸，甚至留起啲煲粥，一味兩食，或者做午餐盒餸料都唔錯～
24折餐飲券：（按此）
九丁目燒肉料理（元朗）燒肉海鮮一人前套餐 4折
午市同晚市都有供應嘅燒肉海鮮一人前套餐，包括元貝、日本蠔外，仲可以自選燒肉款式，如牛胸腹、薩摩雞腿肉等，配埋溫泉玉子紫菜飯等都幾豐富。
4折餐飲券：（按此）
壽兵衛 - 壽喜燒專門店（銅鑼灣）午市壽喜燒套餐 52折
圖：午餐想食好啲？不妨食壽喜燒套餐，呢間專門店供應關西口味，套餐包括刺身三點、三文魚籽茶碗蒸、香煎牛舌、美國熟成肉眼等餸料，更可加$98升級為日本A5和牛肉眼，入口溝嫩富油香。
52折餐飲券：（按此）
更多餐飲券優惠：（按此）
預早訂座可以慳返等位嘅時間外，仲可以有額外訂座優惠！今個月為大家精選幾間激抵優惠，有5折起嘅西餐、日式燒肉，以及任飲優惠，睇啱，撳個掣就可以訂座喇～
MR & MRS FOX（鰂魚涌） 單點餐牌 半價 
餐廳佔地兩層，地下偏向酒吧餐廳風格，一樓則為精緻西餐。店內以年輕藝術家嘅作品同綠植作佈置，裝潢時尚，氣氛輕鬆寫意。菜品以歐陸菜為主，如和牛漢堡、烤牛肝菌燴飯、烤法式鴨胸肉等，配上手調雞尾酒夠晒chill～
半價折訂座優惠：（按此）
ROJO（天后） 任飲Free Flow $90
聚餐鍾意飲返杯嘅你，呢間西班牙菜餐廳午市同Happy Hour時段推出訂座優惠，嚟臨惠顧任何食品，都可以每位加$90任飲杯裝House White Wine、House Red Wine、Cava同Moscato，輕鬆飲兩杯就已經回本喇。
$90訂座優惠：（按此）
燒肉臻（尖沙咀）主菜餐牌 7折起
圖：主打日式燒肉兼設有專人燒肉服務，確保食客可以品嚐到最juicy嘅肉質，包括嚟自岩手縣同鹿兒島嘅高質和牛。而牛肉以外，亦供應白鱔、甲羅燒、日式蒜蓉龍蝦等燒物，一餐試到唔同嘅鮮味。
7折起訂座優惠：（按此）
更多網上訂座優惠餐廳：（按此）
