出街食飯點先最抵？即刻跟實每月至抵優惠Book枱食飯、用抵食餐飲券堂食同外賣自取，就可以擸盡著數啦！

聖誕唔想出街食叫外賣同一班朋友喺屋企食都唔錯，方便又唔使煮～有西餐有日本菜，甚至打邊爐都得，一齊睇吓有咩啱食啦，早啲訂仲有早鳥優惠𠻹！

Outback Steakhouse（全線分店）早鳥優惠88折（4/12-18/12） / 早鳥優惠9折（19/12-1/1）

聖誕節派對當然少唔到豐富嘅外賣套餐！餐廳今次同 Coca-Cola 合作，推出咗派對套餐A（5-6人）同派對套餐B（10-12人），無論係細聚會定大派對，都幫你輕鬆搞掂。當中包括鮮嫩多汁嘅香草燒蝦，帶有清新香氣；香脆可口嘅牛油果蟹肉薄脆片，將牛油果同蟹肉嘅鮮甜結合；啖啖濃郁燒汁嘅燒肉醬味豬肋骨；煎至外脆內嫩嘅燒美國肉眼牛扒，每啖都係滿滿嘅牛肉香；再加上濃滑嘅 芝士白汁雜菜寬條麵，同軟綿香甜嘅黑糖麥包，餐餐都令人一試難忘。

意堡（觀塘）指定派對套餐9折

主打高質平價嘅意式美食，以正宗意大利烹飪手法，配合新鮮材料，帶嚟多款經典意式菜式，今次聖誕為大家準備咗多款份量十足嘅美食。七味粉炸蒜單骨雞翼外層炸到金黃酥脆，七味粉帶嚟微辣惹味，再配上香蒜味，啖啖肉感，係派對上最受歡迎嘅小食之一；再加上黑松露醬配粗曲薯條，香濃嘅黑松露醬包裹住粗薯條，香氣四溢。主菜方面有鮮甜嘅墨魚汁墨魚仔燴飯同白酒汁蜆肉意粉，忌廉芝士汁燴西蘭花用滑溜嘅芝士醬提升西蘭花嘅風味，健康之餘仲好滿足。

Odelice!（全線分店）指定食品低至48折/ 聖誕特選套餐 85折

聖誕特選套餐一次過滿足你對聖誕美食嘅所有幻想，頭盤選擇有餐湯同經典凱撒沙律，絕對係開胃之選。主菜係聖誕焗火雞胸，外皮烤得香脆，肉質嫩滑多汁，再配上傳統聖誕風味醬汁，每一啖都充滿節日氣氛。最後當然唔少得栗子樹幹蛋糕作為甜蜜結尾，絕對係甜品控嘅最愛！另外多款意粉及飯低至48折，例如大蜆香草醬意粉及西班牙火腿黑松露什菌燴飯，超抵食～

一汁一菜（全線分店）指定食品低至6折

今個聖誕推出二人前聖誕套餐及Family Set，用豐富又暖胃嘅日式美食，陪你同家人朋友慶祝節日！套餐包括多款用心烹調嘅湯、小菜、主菜同主食，小菜部分有軟滑嘅厚燒玉子、溫馨嘅日本馬鈴薯䐁肉煮，以及雞肉同厚揚豆腐完美融合嘅和風雞肉燴厚揚豆腐，款款都滋味無窮。主菜精選亦非常豐富，包括沖繩汁燒大根豬軟骨，入口即溶嘅豬軟骨同吸滿湯汁嘅大根，味道濃郁；自家製野菌醬燒和牛漢堡扒，鮮嫩多汁，加上濃郁野菌醬，叫人一試難忘；仲有野菌味噌豆乳雞扒，清香又惹味。另外，主食選擇亦相當多元化，有鮮甜湯底嘅鰹魚湯稻庭烏冬、鹹香味濃嘅櫻花蝦味噌漬飯，或者滑嫩溏心蛋搭配白飯嘅日本味付溏心蛋飯，簡單又滿足。

湊湊火鍋•茶憩 / 湊湊甄選 / 湊湊‧甄選（全線分店）指定食品低至7折

邊個話聖誕唔可以烚下烚下？餐廳準備咗精緻又暖心嘅聖誕節日套餐，一齊喺熱騰騰嘅火鍋中，感受節日氣氛！提供多款湯底選擇，包括開胃醒神嘅酸菜白肉鍋、香濃麻辣嘅臺式麻辣鍋，以及鮮甜滋補嘅竹笙蟹粉魚湯鍋。套餐仲有一系列節日限定菜式，當中包括層層疊起、滿載節慶氛圍嘅肉肉聖誕樹，以及鮮味爆棚嘅聖誕華麗海鮮拼盤，特別推介黑松露蝦滑，細膩滑嫩，加上黑松露嘅陣陣香氣，絕對係火鍋中嘅一大亮點。

即刻去 OpenRice 預訂派對食物啦！即日到12月23日，輸入優惠碼「EB50」，消費滿$300可以額外減$50。買開外賣嘅可用呢個外賣自取聖誕優惠，輸入優惠碼「ENJOY」，消費滿$50，額外減$10。另有聖誕除夕優惠碼「XMAS」，消費滿$200，額外減$30。

仲等？按此立即落單 

EB50: https://www.openrice.com/info/takeaway/tc-EB50.html 

ENJOY: https://www.openrice.com/info/takeaway/tc-ENJOY.html 

茜廊餐廳（全線分店） 早鳥優惠 75折［12月19日前落單］

餐單精選多款人氣美饌，滿足唔同口味需求。包括水牛城雞翼配沙律，酸辣醬汁均勻包裹酥脆雞翼，配搭清新沙律，為聚餐打開味蕾序幕；醬燒豬肋骨配薯條，豬肋骨以香甜燒汁慢烤至肉質嫩滑，搭配香脆薯條，令人回味無窮。主菜方面有西班牙海鮮炒飯，以新鮮海鮮如大蝦、青口等入饌，米飯吸滿鮮味，口感豐富又滋味十足。亦有供應10-15人及20-25人派對套餐，啱晒多人聚會。

千両 （全線分店） 早鳥優惠85折［12月18日或之前落單］

喺聖誕節期間，千両推出咗多款豪華嘅聖誕派對盛合，當中包括「極上聖誕派對盛」、「特上壽司聖誕盛」同「極上刺身聖誕盛」等。「極上聖誕派對盛」集合咗多款新鮮刺身同壽司，仲有炙燒壽司、海鮮刺身沙律同日本直送嘅特濃芝士蛋糕，豐富多樣，滿足唔同口味嘅朋友。「特上壽司聖誕盛」就有42件精選壽司，包括大吞拿魚腩、三文魚腩、珍寶帶子等優質魚生；至於「極上刺身聖誕盛」，就有11款新鮮刺身，如海膽、鱈場蟹、大吞拿魚腩、珍寶赤海蝦等，保證鮮味十足。

Crepe Delicious（全線分店） 早鳥優惠85折［12月18日前落單］

來自加拿大嘅法式可麗餅專門店，提供多款鹹甜口味嘅可麗餅、手工意式雪糕同其他西式美食。為迎接聖誕節，餐廳推出咗三款節日派對套餐，適合4至12人享用，當中包括美式手撕豬肉法式可麗餅卷，嫩滑嘅手撕豬肉配上香軟嘅可麗餅，口感豐富；北京烤鴨酥皮薄餅酥脆嘅薄餅夾住多汁嘅烤鴨肉，帶有獨特嘅中式風味。慢煮牛頰肉配薯蓉經過長時間烹調嘅牛頰肉嫩滑入味，配上綿密嘅薯蓉，好出色。

鮨樂（全線分店） 早鳥優惠8折［12月20日前落單］

為迎接聖誕佳節，精心推出多款壽司盛合，為你的節日聚會增添一份日式風味。其中包括花之戀盛合，每件壽司都以鮮甜魚生搭配精美造型呈現，入口即感受到魚肉嘅鮮嫩；壽司盛合特別為壽司愛好者準備，32件壽司包括三文魚、油甘魚及珍寶赤蝦等；極上壽司盛合就係豪華版本，有吞拿魚赤身及大吞拿魚腩、金目鯛、深海池魚及時令白身魚及牡丹蝦，全部都好新鮮。

Plato Cafe & Bistro（全線分店） 早鳥優惠 9折［12月15日前落單］

主打意式美食，提供多款意大利麵、薄餅、燉飯及肉類等。聖誕節特別推出適合6至20人嘅到會餐單，包括多款美味菜式，如蜜糖柚子雞翼配上甜美嘅蜜糖同清新嘅柚子醬，酸甜開胃；香煎一口和牛選用優質和牛，煎至外層香脆，內裡嫩滑多汁。香蒜白酒煮蜆以新鮮蜆配上香蒜同白酒烹調，帶出海鮮嘅鮮味同香氣；煙肉卡邦尼意大利粉則以煙肉同忌廉醬汁拌勻，香濃creamy。

即刻去 OpenRice 預訂派對食物啦！即日到12月23日，輸入優惠碼「EB50」，消費滿$300可以額外減$50。2024年12月18日或者之前落單，仲可以享受低至75折嘅派對早鳥優惠！

買開外賣嘅可用呢個外賣自取聖誕優惠，輸入優惠碼「ENJOY」，消費滿$50，額外減$10。另有聖誕除夕優惠碼「XMAS」，消費滿$200，額外減$30。

仲等？按此立即落單 

※上述內容純屬作者個人意見，不代表本網立場。部分文字經由編輯修改※