出街食飯點先最抵？即刻跟實每月至抵優惠book枱食飯、用抵食餐飲券堂食/外賣自取，就可以擸盡著數啦！
收到消費券梗係要用嚟食好嘢啦～嚟到5月份OpenRice外賣自取又有新優惠喇！今期多間餐廳都有指定食品8折優惠，包括日式丼飯專門店、人氣上海菜、台式茶飲、健康餐廳及台灣菜，用埋齊齊消費食到盡優惠碼仲抵呀～
丼丼屋 （全線分店） 指定食品8折
日式連鎖丼飯專門店，推介唐揚雞便當，唐揚雞外層炸得香脆，雞肉juicy又入晒味。滑蛋吉列豬扒丼都好高質素，同樣將吉列外層做得好好，豬肉有咬口同肉味，配埋滑蛋送飯一流呀。另外其他如十勝帶廣名物豚丼及三河一色產鰻魚三味丼都值得一試。
堅信號上海生煎皇 （全線分店） 指定食品8折
人氣生煎包專門店，佢其他點心同麵食都一樣咁好食～如四川擔擔麵及灌湯小籠包，前者香辣入味麵質啱啱好，仲好掛湯添；後者皮薄多汁帶肉嘅鮮甜，難怪咁受歡迎喇～最近天氣變熱無咩胃口，咁食胡麻醬五彩冷麵就啱啦，胡麻醬香濃惹味又唔太膩，食完零舍精神啲。
不要對我尖叫，日常茶間 （全線分店） 指定食品8折
文青風格台式飲品店，品牌堅持採用台灣老茶莊配方，希望將茶融入大家嘅生活當中。推介佢哋嘅鳳梨系列，包括鳳梨香蕉椰冰沙、鳳梨椰青水冰沙、鳳梨柳橙冰沙同鳳梨柳橙青茶，全部都唔會太甜好清爽，飲完真係透心涼。
The Salfee Bar （鰂魚涌） 指定食品8折
以為沙律一定好清淡同沉悶？呢間西式沙律店應該可以打破你對沙律嘅印象，第一次去嘅可以試試特選沙律試食便當，有齊六款當日指定嘅唔同沙律，如韓式牛肉椰菜花碎沙律、香辣雞肉長通粉沙律及鴨胸紅菜頭羽衣甘藍香橙沙律，選擇多口味又多元，最重要係健康又好味呀！咖啡係自家House Blend，有Fruity同Nutty兩款風味選擇。
玄滷 （九龍灣） 指定食品8折
一間主打台式嘅外賣店，供應主食、小食及甜品等～推介人氣招牌麻辣菜脯肉燥飯，麻辣菜脯辣辣地又有爽脆口感，配埋肉燥簡直係至佳配搭。另外蔥油雞扒煎蛋飯都好受歡迎，雞扒肉質幾嫩滑帶香濃黑椒味，好香口。仲有多款台式特飲及甜品，如綜合仙草凍芋圓及黑糖寒天水晶西米芋圓，好有台灣嘅味道～
買開外賣嘅可用呢個齊齊消費食到盡優惠，輸入優惠碼「HALF」 或 「FLASH」，前者消費滿$60減$30，後者消費滿$50，額外減$10！(優惠期由4月26日至5月24日)
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！ 仲等？(按此立即落單)
齊齊消費食到盡優惠：
HALF: https://www.openrice.com/info/takeaway/tc-half.html
FLASH: https://www.openrice.com/info/takeaway/tc-flash.html
板長壽司（全線分店）指定食品8折
壽司呢香港人就食極都唔厭嘅～今期呢間人氣壽司連鎖店推出指定食品8折優惠，如壽司盛盒有齊三文魚、馬刀貝、厚玉子、三文魚醬油漬、三文魚他他及龍蝦沙律軍艦等，款款都好新鮮呀。另外仲有蝦天婦羅芝士卷，蝦天婦羅香脆彈牙，加埋芝士同醬汁就更惹味啦。
貴緣小鍋米線（紅磡）指定食品8折
紅磡區內人氣米線小店，每日都以大量豬骨熬煮湯底，個湯底濃得嚟帶有淡淡鮮甜味，所以就算唔食得辣都好啱食～推介豬骨鮮濃湯紅薯粉配螺旋藻、辣芛絲、秘製腩肉及炸醬，螺旋藻吸晒湯好正，秘製腩肉肥瘦均勻，炸醬都好香濃呀。食得辣嘅朋友要試吓麻辣濃湯同埋人氣配料甜酸齋同炸魚皮啦～
和順記（油麻地、天后、荃灣）指定食品8折
去得呢間港式茶記，一定要食佢哋嘅神級雞髀皇飯！雞髀大大隻充滿肉汁，可以選炸脾或滷水雞髀，炸髀雞皮好薄好脆冇肥膏，滷水雞髀就入晒味。另外其他菜式都一樣咁高質，好似鹽酥豬扒蛋飯、首創麻辣香煎雞扒飯同避風塘炒豬扒飯等。不過留意返佢哋有三間分店，油麻地分店同埋天后、荃灣分店嘅優惠係唔同，落單嗰陣要留意返呀，
雞滋滋（深水埗）指定食品8折
一間幾fusion嘅小食店，由炸雞、小食到便當都有得食，而且價錢都好經濟實惠添～好似多款便當都係三十令蚊就食到，如京葱燒汁雞扒飯同秘制黑醋豬軟骨飯，前者雞扒都幾嫩滑，配埋甜甜鹹鹹嘅燒汁送飯一流；後者黑醋豬軟骨酸酸甜甜，豬軟骨炆得好入味，出色！
泰玖（荃灣）指定食品7折
由泰籍廚師主理嘅泰國菜，所以菜式都好正宗，荃灣嘅街坊們有福啦！幾推介佢哋嘅炒粉麵類，好似乾炒河粉就炒得乾身有鑊氣，濕炒河醬汁濃淡適中，金不換炒河就香濃惹味，三款炒河都可以自選豬、牛、雞或大蝦㗎。另外金磚蒜蓉包都係必食，香脆蒜味同牛油都好香呀～
買開外賣嘅可用呢個齊齊消費食到盡優惠，輸入優惠碼「HALF」或 「FLASH」，前者消費滿$60減$30，後者消費滿$50，額外減$10！(優惠期由4月26日至5月24日)
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！ 仲等？(按此立即落單)
齊齊消費食到盡優惠：
HALF: https://www.openrice.com/info/takeaway/tc-half.html
FLASH: https://www.openrice.com/info/takeaway/tc-flash.html
用盡外賣自取/堂食餐飲券嘅激抵優惠，精打細算啲分分鐘可以試多幾間餐廳，今期精選推介有44折起嘅海味主題套餐、日韓放題、端午糭早鳥優惠等，啱你口味就咪錯過呀！
陶源酒家（觀塘、尖沙咀、九龍灣、灣仔、荃灣、旺角、將軍澳） 乾撈翅龍蝦宴、鮑魚遼參宴 5折
作為中高檔粵菜酒家，點少得供應鮑參翅肚嘅菜餚呢～酒家以此為題，推出乾撈翅龍蝦宴同鮑魚遼參宴，分別有養顏嘅鮑汁扣極品花膠扒、鮮味嘅蟹肉乾撈翅、補身嘅蠔皇鮑魚伴百靈菇金同金湯小米燴遼參等菜餚。而家2位用套餐有5折，再每位送紅酒或果汁1杯。
5折餐飲券：（按此）
燈籠滷味 T.P.E.（中環） 台灣過江龍滷味 買1送1
圖：來自台灣嘅人氣滷味店，以花椒、甘草等數十種材料製作祖傳滷湯，味道鹹香又帶少少回甘，配牛腱肉、高麗菜、杏鮑菇、花枝丸、白蘿蔔等食材都好夾。而「招牌燈籠滷味推介」有7個組合，分為牛肉、內臟、素食等主題，總有一款啱你口味。
買一送一餐飲券：（按此）
神戶屋日韓放題（旺角） 日韓晚市放題 44折
有時懶得諗食咩，揀放題就夠晒方便，話晒菜式種類多元化～呢間日韓放題餐廳，提供逾200款美食，包刺身、壽司、韓式料理、燒物、免費追加任食火鍋雞煲等；如果你係榴槤控，記得試埋入口甘香嘅D24榴槤炸彈呀！而2位起會送日本生蠔半打，保證食到捧住個肚走。
44折餐飲券：（按此）
超羣麵包西餅（中環、銅鑼灣、太子、九龍灣、觀塘、東涌） 端午節香糉 47折起
圖：品牌（FB）
端午節就到，梗係要買啲糉應節啦！呢間老字號餅店推出47折起早鳥優惠，佢嘅鹹/甜味糉分量足料，鹹味有極品鮑魚日本瑤柱裹蒸糉、台灣醬油鹹肉糉外，亦有特別以新鮮冬葉包裹嘅家鄉冬葉鹹肉糉；甜味則可選擇陳皮豆沙鹼水糉同桂花紅豆鹼水糉，送禮/自用都唔錯。
47折起餐飲券：（按此）
鴻福堂（共106間分店） 端午糭 54折起
5款端午糭標榜無添加味精同防腐劑，今年更新出養生五穀豚肉糭，混合燕麥、蕎麥、紅豆、薏米等健康穀物入黑白糯米之中，配上頂級豚肉、鹹蛋黃，口感層次豐富，亦相對較健康。另外原隻鮑魚瑤柱豚肉裹蒸糭、原粒瑤柱金腿香菇上海糭、黑松露金腿瑤柱冬菇豚肉糭、陳皮豆沙蓮子百合梘水糭都有唔同優惠㗎。
54折起餐飲券：（按此）
更多餐飲券優惠：（按此）
預早訂座可以慳返等位嘅時間外，仲可以有額外訂座優惠！今個月為大家精選幾間激抵優惠，有5折起嘅比利時餐廳、廚師發辦專門店、人氣西式Cafe等，睇啱，撳個掣就可以訂座喇～
FRITES Belgium on Tap（銅鑼灣、中環、灣仔、鰂魚涌、北角、觀塘、大角咀、將軍澳） 指定單點菜單 5折
圖：嚟到呢間比利時餐廳，必定要試招牌之一嘅青口！澳洲Kinkawooka青口鮮嫩多汁，設有忌廉、地中海等口味。另外龍蝦意大利飯以西北大西洋龍蝦、虎蝦做主料，啖啖鮮味彈牙。而多間分店基本走歐陸式裝潢，地方闊落舒服，嚟拍拖、聚餐或happy hour都唔錯。
5折訂座優惠：（按此）
THE HUNTER（將軍澳） 午市套餐 5折
圖：餐廳（FB）
餐廳最近推出全新平日午市套餐，包括前菜、主菜、甜品同凍飲/橙汁；主菜提供烤M5和牛扒、香煎鯛魚、烤粟米餵西班牙雞等地中海菜，款款肉量十足。加上以藍色作主調，凸顯地中海文化同航海主題嘅室內設計，無論喺室內或戶外座位用餐，感覺都好chill。
5折訂座優惠：（按此）
木澗（尖沙咀） 廚師發辦套餐 第二位半價
圖：日式庭院裝潢加上陣陣流水聲，有格調之餘又營造出寫意嘅氛圍，喺度享用廚師發辦意境十足呀～餐廳嚴選高質時令食材，如螢光魷魚、日本舞茸、日本北海道鱈魚、鮫鰈魚等，配合煙燻、慢煮等烹調方式突出食材鮮味。而家惠顧廚師發辦套餐，第2位可享半價優惠，想試就約飯腳起行喇。
第二位半價訂座優惠：（按此）
Hanabi（尖沙咀） 「花火廚師發辦」第二位半價
圖：主打席前廚師發辦嘅樓上餐廳，其主廚有十多年製作日本菜經驗，更曾經跟日本師傅學藝，擅長融合現代烹調手法炮製日式經典美食。餐廳嚴選日本時令食材，包括草履海老、原隻北海道紫海膽、鮟鱇魚肝等製作鮮味菜式。而家包括刺身、和食同壽司嘅「花火廚師發辦」做緊第2位半價，不妨把握優惠試下。
第二位半價折訂座優惠：（按此）
孖啡（旺角） 主菜餐牌 5折/買1送1
旺角呢間人氣西式cafe以特色剪影作裝飾，更提供桌上遊戲，打造充滿玩味同舒適嘅環境。而BBQ烤豬仔骨配薯條、軟殼蟹黑松露意大利粉等菜餚分量十足，配埋以塔羅牌命名嘅塔羅特飲，好啱同朋友嚟邊玩邊食relax下。
更多網上訂座優惠餐廳：（按此）
