香港人長期飛佛嘅抹茶，長食長有新嘢。最近有間法式餐廳就設計咗幾款以京都抹茶入饌嘅菜式同甜品，睇嚟抹茶控說好的減肥應該遙遙無期。
抹茶榛子三文魚千層酥伴南瓜籽，有啲似拿破崙嘅外形，香香脆脆。
帶子薄片伴抹茶奶凍配脆法包都頗清新，軟滑嘅奶凍微甜，滲出陣陣抹茶香。
更多【飲食潮流】： |
仲有香煎鱈魚伴抹茶荷蘭汁配蘆筍，要特別一提嘅係佢嘅荷蘭汁，係加入咗宇治抹茶粉呀，咁就由平時嘅金黃色變咗做淡綠色喇。食魚都食到抹茶味，都幾開心。
而甜品當然係萬眾期待嘅嘢，新推嘅兩款法式甜品分別係法式抹茶柚子蛋糕、抹茶紅豆法式泡芙。前者由濃郁抹茶忌廉包住入面嘅士多啤梨柚子抹茶醬、白芝麻杏仁餅乾，酸酸甜甜。
Fauchon Paris Le Café
地址：沙田沙田正街18號新城市廣場4樓408及410號舖
文：Kar