【大阪燒】-源自關西
大阪燒又叫御好燒或隨意燒，係源自日本嘅一種鐵板燒小吃。最常見嘅製作方法係喺鐵板上將粉漿加入大量蔬菜、貝類同肉類等食材，煎過後再撒上調味料。辨認方法為將洋白菜改為綠蔥，並加上牛蹄筋，醬油味嘅蔥燒深受食客歡迎。
開飯仔推薦的大阪燒餐廳：てっわん鐵之腕和風鐵板料理
Photos by joan.wu.31呢個綜合大阪燒係最傳統嘅口味。佢同蕃茄大阪燒嘅不同之處係海鮮等配料係煎在入面嘅。而且豬肉煎得香脆，加上豚平燒醬汁，食起嚟多咗一點甜味。
Photos by 老K愛美食呢個蕃茄綜合大阪燒睇起嚟好似Pizza，因為係蕃茄味所以濃郁得嚟帶點酸，裏面還有一層芝士，底層就係椰菜絲加上麵糊煎成，配料方面有豬肉片、蝦、花枝等海鮮，花枝仲有好嚼勁，成個大阪燒就似一個變種嘅Pizza咁。
開飯仔推薦的大阪燒餐廳：鶴橋風月大阪燒
Photos by ship230 鶴橋風月為日本大阪名店，客人可以喺側邊觀看成個料理製作過程。呢個風月摩登燒配料豐富，有花枝、蝦仁、牛肉和豬肉。醬汁偏酸，蛋黄酱偏甜，令整體口味濃郁強烈，裡層椰菜絲口感清脆，配料亦表現唔錯。
【廣島燒】-源自廣島
廣島燒比大阪燒食起上嚟更有層次，因為製作方法係將食材依序堆疊，有椰菜絲、肉、炒麵同煎蛋，並加上海苔、柴魚片同青蔥，因為多了炒麵，所以份量大增，口感都更豐富。
開飯仔推薦的廣島燒餐廳： 御好燒廣島
Photos by 老K愛美食呢個海鮮綜合廣島燒麵嘅份量好足，配上清脆嘅椰菜、豆芽、蛋同麵皮，口感豐富，重口味嘅可以加埋微辣嘅七味粉同酸酸甜甜嘅廣島燒醬，增加味道嘅層次感。
【文字燒】-源自東京
文字燒製作過程同前面兩者唔同，首先將蔬菜同肉等食材經過拌炒後圍成一圈，中間嘅部分倒入以高湯稀釋嘅麵糊，均勻受熱後加以攪拌煎成鍋巴，最後撒上海苔。
小編推薦的文字燒餐廳：月島文字燒
Photos by Nash 神之領域 圖中為店內同名招牌的月島文字燒，有花枝、蝦仁、煙肉、年糕等配料。最正係煎起上嚟會有飯焦，香香脆脆咁好有口感。
隨時接收最新資訊
讚好OpenRice專頁！
關鍵字
台灣
日本
大阪燒
廣島燒
文字燒
複製到剪貼簿