在商場消費滿$3,000先可以換到的限定版戲院三寶，包括汽水杯、爆谷桶、3D眼鏡，換到今個星期六、日就完，仍然未入手的話唯有飲恨。
除了一日限量廿五套的戲院三寶，其實商場亦有與帝京酒店合作，推出兩款香蕉味蛋糕，其中包括焦糖香蕉杯子蛋糕，材料由法國進口，蛋糕上放了吸睛的白朱古力立體香蕉，造型滿分；迷你香蕉朱古力蛋糕，以AMEDEI 黑朱古力製成的朱古力慕斯和朱古力海綿蛋糕包著新鮮的蕉肉和香蕉醬。每件需消費滿$500才可換領，絕不要看輕它的價值啊。
蛋糕之外，早前於銅鑼灣開幕的手工雪條店ISEE ISEE其實會在商場4樓開Pop-up Store，為期三個月至10月底，大家在室內食就不用擔心雪條極速溶化。配合Minions進駐商場，ISEE ISEE其實都有推出限定版雪條，名為BA-BA-BA-BA-BA-NA-NA($42)的香蕉味雪條(個名真係咁長)，用了新鮮香蕉肉及奶做，口感滑就不用多說，香蕉味不太濃得來又夠自然，非常適合夏天食。
文：vin
圖：C.K.
讚好OpenRice專頁！
