細細個飲開嘅好立克變做蛋糕會係點？最近香港就有連鎖餅店推出好立克軟心脆味蛋糕，同好立克軟心胚芽甜品杯，幾有好立克香味又層次豐富，最重要係想開心Share定自私食都得！
 

聖安娜餅屋今次推出兩款好立克甜品，好立克軟心脆味蛋糕一打開已經聞到淡淡好立克香味，出面係好立克慕斯，切開入面仲有一層層好立克軟心、海綿蛋糕，同朱古力薄脆。
 

好立克慕斯食落口感夠滑，而且好立克味道啱啱好唔太甜。軟心醬中間有少少麥粒，亦最富好立克香味。朱古力薄脆比較甜，配埋鬆軟嘅海綿蛋糕味道平衡而且口感豐富。
 

想自私食亦有好立克軟心胚芽甜品杯，頂部係好立克慕斯同胚芽，然後下面分別係好立克軟心、朱古力蛋糕同原味奶凍。好立克慕斯加入胚芽後更有咬口，好立克軟心依然係最富好立克香味。連埋朱古力蛋糕同原味奶凍一齊食嘅話味道比較甜，食一杯都可以當Tea喇。

文、相、片：Cathy