呢間人氣餃子專門店最近破天荒於太子總店及中環店推出指定時段堂食買一送一優惠，包括所有煎餃及湯餃，而且兩份餃子仲可以揀唔同口味，真係前所未有咁抵！另外餐廳仲有新出嘅壽喜燒牛肉味餃子及大滿貫素餃，鐘意嘅朋友快啲去「餃」吓！優惠日期由6月4日至6月18，餃子每日新鮮包製，數量有限，售完即止。
太子店優惠時段: 星期一至五15:00- 20:00
中環店優惠時段: 星期六至日12:00- 20:30
香煎軟心芝士餃
加入三種唔同嘅芝士，包括車打芝士、巴馬臣芝士同mozzarella，「芝」味香濃，香甜嘅粟米同時增添口感。
龍鳳松茸雙灼餃配狀元九鼎湯
呢款龍鳳松茸雙灼餃啱晒鐘意食松露嘅朋友，可以同時試晒黑松露同白松露口味，松露味突出。跟配嘅狀元九鼎湯一啲都唔馬虎，加入粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗及鮮排骨，鮮香味濃。
另外仲推出兩款新口味嘅餃子，壽喜燒牛肉餃加入牛肉、日本燒汁、芹菜、芫荽及馬蹄；而食素嘅朋友都有選擇，可以揀大滿貫素餃，皮薄超足料！
小食四川涼皮都係新出，味道香辣惹味，而且涼皮口感煙韌，麻辣控啱晒～
地址: 中環威靈頓街55號地下
地址: 太子界限街30號地下
文: Yanica
相、片: Tom Li