經歷一連串嘅風波，台灣幸福堂終於喺香港重開，今次係真‧幸福堂啦！新店選址旺角，無論餐牌定材料都跟足台灣總店，而且宣傳都係由台灣方面負責，咁就唔駛擔心舊事重演啦～
開飯仔就喺試業日大約正午時間到達，店舖就遲咗少少開門，不過開門前就未見人龍，就算開咗後人流都唔算太多，可以即刻落單，落單後大約等五分鐘飲品就到手啦，都幾難得吓。而且餐廳採用全玻璃設計，飲品製作過程可以一覽無遺㗎～
焰遇幸福‧黑糖珍珠真鮮奶(冷$30/熱$32)
主打黑糖珍珠鮮奶味道同之前差唔多，選用台灣黑糖，鋪上奶霜後再火焰，甜度自然有陣陣黑糖香，珍珠口感都好煙韌。
抹抹暗戀‧抹茶珍珠鮮奶($28)
呢杯抹茶珍珠鮮奶用上士多啤梨珍珠，口感比較腍身，建議鍾意煙韌口感都係揀返普通黑糖珍珠會較好。
一顆葡萄柚鮮榨茶($30)
唔想飲奶類可以飲呢個葡萄柚鮮榨茶，柚子味幾香濃，又唔會蓋過茶嘅味道，好清新～
旺角新店飲品質素同以往差唔多，但人流就未算太多，溫馨一提，如果唔想排隊的話，可以揀啱啱開門嘅時間去～
地址: 旺角登打士街43H號登打士廣場地下7號舖
文、相、片：Yanica