嚟緊冬天想烚吓烚吓但又有啲新意思，可以試吓香濃嘅芝士火鍋呀，而且聖誕節食就夠晒有氣氛啦！

目錄

正宗瑞士芝士火鍋  瑞樵閣 

圖: foooodrabbit

分別係瑞士芝士火鍋伴法式麵包及特式煙肉芝士火鍋配通心粉及馬鈴薯。幾推介後者，芝士火鍋加入煙肉碎多一份鹹香，除咗濃濃芝士味仲好重酒香，唔會太膩。啱晒想體驗正宗瑞士風味嘅朋友們。溫提呢間餐廳嘅服裝要求係 Smart Causal 喔。

洋溢瑞士風情  瑞士餐廳 

圖: tonialai1994

另外一間地道嘅瑞士餐廳，價錢就經濟啲，不過由裝修佈置到菜式一樣處處洋溢瑞士風情。呢度嘅芝士火鍋選擇就多好多，包括有最傳統嘅瑞士芝士火鍋配櫻桃酒跟法包，清新啲嘅有番茄芝士口味同什菌芝士，想食肉嘅就有牛仔肉丸芝士火鍋及農夫芝士火鍋配牛柳粒或雞粒，款款酒味都好出～如果唔飲酒嘅朋友都有無酒精芝士火鍋選擇，好貼心呀。

黑松露芝士火鍋  Pillowtalk Restaurant & Bar 

圖: yoli_lky_0115

屯門一間西餐小店，供應多款西式美食，黑松露芝士火鍋就係其中一款人氣菜式！配料好豐富，有麵包、長通粉、炸雞粒及薯角，芝士濃而不膩，加埋大量黑松露，配上芝士真係完美配搭，如果酒味稍為香濃少少就更正啦！有埋沙律伴碟又可以減輕啲罪惡感。

黃金芝士雞煲  米走雞 

圖: hk.good.food

如果唔想食西餐，香港都有啲地道嘅芝士鍋食㗎。好似呢間人氣火鍋專門店招牌黃金芝士雞煲，雞件啖啖肉，芝士份量多到可以拉絲，又唔會太鹹。食完雞煲就可以加芝士雞湯打邊爐，成個湯會甜甜地變到好 Creamy，用嚟配公仔麵同烏冬都一流呀。配料呢就推薦手切霜降牛頸脊、手打五寶拼盤及鮮製五拼餃等，餃子都係自家製㗎。

文: Yanica