$52 車仔麵+小食任食放題60分鐘逾60款餸料選擇

任飲任食嘅放題，唔一定淨係得日韓餐廳或甜品嘅，就連車仔麵都有得做！最近有間車仔麵店推出推60分鐘任飲任食放題，仲有超過50款餸同12款小食選擇！

餸料除咗常見嘅豬紅、咖喱豬皮、咖喱魚蛋、墨魚丸、蟹柳、蘿蔔等等外，更有坊間少見嘅蠔皇花膠！煙煙韌韌，都炆得幾入味。

另外推介泰式魚餅同炸魚肉雲吞，前者加入香料喺魚餅中，味道香濃；後者更係每日人手包製手打魚肉雲吞，炸香至脆卜卜。

食車仔麵梗係唔少得豬大腸同豬紅；鍾意吮骨嘅朋友仲可以揀雞翼尖或者蒜香雞翼尖，砌到成碗滿一滿係滿足嘅，不過千祈唔好眼闊肚窄，叫晒又食唔晒咁浪費啊！

至於小食方面，首推柚子雞翼，啲柚子醬加入咗真‧柚子肉自家調製，酸酸甜甜。

想要重味少少嘅，有蒜泥白肉同麻辣豬耳，前者蒜香濃郁惹味，後者微辣爽口。

其餘小食仲包括酥炸鹽酥雞、孜然雞翼、香炸韭菜餃、七味雞翼、蜆芥鯪魚球、炸雞肝、黑椒蜜糖咸牛舌、五香牛腩同秘製牛筋等，所有飲品同台式飲品都係任飲呢~ 而家至4月底前，經OpenRice購買餐飲券仲有額外折扣添啊！

文、相、片：Kar