潮州鹵漢大飯店 (已結業)

今日同朋友去旺角買嘢食飯，就諗到去瓊華搵食，見新開呢間潮州鹵漢大飯店，我哋又想打邊爐，所以就決定試吓。我哋七點入座，當時未算多人，但越食越多人入嚟幫襯，可見食物質素都應該有返咁上下。呢度標明無上限仲全日免加一，真係幾抵食。另外亦都有單點餐牌。每張枱旁邊都會放置一個木架，上面已經擺放咗各款餐具、紙巾、牙籤等，而且仲可以擺放火鍋配料，設計同服務都非常貼心。呢度係食潮式打邊爐，重點係佢哋嘅湯底，相信都係全港首創，我同朋友糾結咗好耐究竟試招牌鹵水鍋底定潮汕沙茶鍋底好，最後都係決定加$48要鴛鴦鍋，咁就可以一次過試晒呢兩款咁特別嘅鍋底 。鹵水鍋底味道調得啱啱好，唔會過鹹，亦令火鍋配料唔需要再點豉油就食得，鍋底已經配有鴨血同鹵水豆腐，真心抵讚。而沙茶鍋底就有啲似沙嗲湯底，不過佢嘅味道更濃更香，兩款我都好欣賞。打邊爐食牛肉是常識吧！我哋最近食牛肉都食得越來越刁鑽，今次就揀咗封門柳，貪佢脂肪不多但肉味最濃，估唔到都幾大碟，而且脂肪分布平均，性價比非常高！另外佢都有預設嘅火鍋拼盤叫九宮格，全部都係大路嘅食材，有蔬菜有肉類，營養均衡，份量適中，我哋兩個人叫一個份量剛剛好。菊花蜜非常清甜，打邊爐飲就啱晒喇，

冬天嘅延續dabinro係未停過ԅ(♡﹃♡ԅ)但係用鹵水汁打邊爐真係第一次，呢間潮洲菜獨創鹵水汁湯底都係全港第一，當然湯底調味會淡少少但係香料酒香味足，相對其他湯底，鹵水湯底會惹味啲食材鮮味突出啲。蘿白，腐竹，魚滑呢啲吸湯汁嘅我揀落鹵水湯底，可以完全吸哂啲味入哂食材入面。另一個湯底係沙嗲湯底，呢個沙嗲好濃郁，仲有粒粒花生口感，封門柳淥一淥都掛哂湯，入口濃香嘅沙嗲味，最尾用嚟整埋個潮洲伊麵，最perfect！仲有我最驚喜係佢哋整嘅反沙芋，呢個材料最普通但最講究烹調功夫嘅甜品，糖液係完美包住芋頭，咬一啖係外脆入面鬆化軟糯，好少好少仲有地方整到咁正宗嘅反沙芋㗎啦

即日臨時決定夜晚同未婚夫屋企人去打邊爐，但揾左三四間都無得book位，全部要walk-in ，上網睇就揾到依間👀👀睇落係新開無耐，環境裝修幾特別，應該係新式中國古代風feel？坐位闊落，坐得舒服唔洗迫，傾計都唔洗大聲叫到喉嚨又沙又痛😂😂😂牛肉相當唔錯，連唔中意食肉嘅我都食唔少，鴨血滷汁湯底絕對要最後加個公仔麵🍜做Ending，無得輸👍🏻四個人埋單大概$1400蚊左右，但係以食物質素同環境都係值，相信會再覆焯🤤🤤