街坊Cafe (已結業)

星期五晚，難得約到舊同學一齊食飯，就出左去多選擇既旺角睇下有咩好野食～係通菜街行行下，見到有間餐廳叫「街坊cafe」，個名幾特別，野食選擇又多又唔貴，就決定食依間啦！一入到去，見到個裝修幾有特色，有啲淡淡既香港情懷！野食選擇都幾多，中西式都有，普通set dinner同二人餐任君選擇今次我地兩個人都叫左set dinner，一個飯一個意粉！今個set都包一個湯同一杯餐飲個湯一啲都唔細碗！朋友叫左碗仔翅，好足料，夠杰身唔會好稀而我就叫左什菌忌廉湯，一樣好飲！本身既味道已經好足夠，唔洗再加咩調味料～飲得出有好多菇另外飲品我地就分別叫左凍奶茶同「是我的錯」是我的錯個名係咪好搞笑呢！原來係蘋果菠蘿氣泡水，姐係sparkling water! 飲落口好清新，果味都好出，幾特別！到主菜啦！朋友嗌左原隻虎蝦海鮮龍蝦汁意大利飯（＄128）個賣相十分唔錯！可以見到好足料，虎蝦青口隻隻都好大隻，食得出係新鮮既～龍蝦汁意大利飯煮得剛剛好，啲飯入味但唔會太淋而我就嗌左松葉蟹腳蟹肉海鮮意粉（＄118）同樣都係極足料！有三條蟹腳，大大隻青口，底下有硯，仲有啲魷魚圈！意粉煮到al dente，啲汁掛係意粉上面，好食

如果同你講，去咗間街坊餐廳食嘢，即時聯想到嘅喺啲小店呀，賣嘅嘢普普通通呀，環境可能地踎少少呀……等等。但今日 同親友嚟茶聚嘅地點「街坊Cafe 」，雖位處女人街內側，話就話店名叫「街坊」，但就絕對唔「街坊」。鋪面好似啲茶記咁，貼滿晒啲雜誌訪問報導，又掛上唔少餐廳嘅主打餐牌，但入到裡面，裝修唔失禮架，藍色為主調， 燈光柔和，最特別喺幾幅牆畫，畫出本土色彩、香港風情，但就唔喺扮懷舊嘅一類。初初嚟到都未喺咁多人，越坐就越多後生仔女嚟幫襯，確實，環境又幾舒服，尤其坐晌啲梳化椅之上。之前已睇過相關食評，望過吓啲餐牌做參考，專登揀2:30pm嚟，因為午餐仲有供應（12:00-5:30pm），但又開始可以點下午茶餐（2:30-6:00pm），咁我哋想食正餐又得，輕啲點個茶餐都得，皆大歡喜。再者，兩者都選擇不少，尤其下午茶餐，將雞蛋仔、西多士加添新意進行二次創作。結果，我哋點咗一客午餐跟兩客茶餐。餐具、基本調味料早已放好晒晌枱上，而最得意喺啲餐碟仔，隻隻圖案都唔同，印上一啲打氣或祝福字句，如：Good Luck Day、Today is Nice Day，令人睇到心情都正面啲。什菌忌廉湯（午餐）午餐其

街坊Cafe喺女人街近家樂坊嗰邊，食物選擇很多樣化，餐廳播放著大家都耳熟能詳的廣東歌，非常親切！我哋Order咗兩個Lunch Set。先來的是餐湯，什菌忌廉湯非常足料，濃厚的Texture傳來陣陣菇的清香，很好！碗仔翅一樣都好足料，每張枱都有齊碗仔翅必備的醋和胡椒粉，落埋更有街邊檔的感覺！餐飲糖水另上，有得隨自己喜好調較甜度。松葉蟹腳蟹肉意粉 $78賣相很精美，蟹腳大大隻！餐廳很細心，主動提供蟹剪和濕紙巾，方便食用蟹腳，抵讚！有蟹剪就Easy Job，好容易就整到成條蟹柳出黎，蟹肉仲非常鮮味添！估唔到喺街坊Cafe都食到酒店Buffet級數嘅松葉蟹腳！鐵板燒澳洲西冷 $88上菜時 ja ja 聲，落埋個黑椒汁落去 ja 多下，未食已經被香氣吸引。牛扒五成熟，內裡保留嫩紅和勁多肉汁，牛味香濃，肉質頗嫩，很不錯的鐵板餐。朱古力心太軟伴雪糕 $48兩條友食完兩個Lunch Set唔夠喉，嗌多咗份心太軟兩份Share。心太軟用煲仔上，賣相非常特別而且美觀！心太軟做到流心嘅效果，半溶嘅朱古力醬連埋烤到半脆嘅朱古力蛋糕，再Mix埋朱古力雪糕一齊食，三重朱古力和冰火感覺衝擊舌頭和味蕾，滋味難以形容

今日系旺角行街，行行下肚仔有點餓見到間街坊Cafe環境舒適，系鬧市中可以搵到間寧靜的地方。什菌忌廉湯，什菌味香濃又不會太咸。明太子鮮蝦牛油果意粉，蝦大大隻又爽口彈，仲有菇和牛油果，每條意粉都沾上明太子意粉夠煙韌軟熟，味道又香醬汁又夠creamy龍蝦汁海鮮意大利飯，蜆和青口肉質飽滿，仲有菇和蟹子，龍蝦汁醬汁濃厚，每粒飯都沾上龍蝦汁飯又軟熟又不硬。士多啤梨荷蘭班㦸伴雪糕，士多啤梨雪糕濃厚，班㦸又煙韌又軟熟，仲有士多啤梨醬和士多啤梨肉😋

年三十晚提早放工，約了屋企人去旺角附近食午餐。這間街坊cafe在女人街近登打士街那邊，主要食西餐及甜品。什菌忌廉湯有很多粒粒雜菌，有咬口同時有濃郁菇香，不會太濃稠。羅勒醬蜆肉意粉蜆肉新鮮無沙，羅勒醬味道濃郁，意粉整體有香草味，味道較淡，可以自行加些鹽調味，而且不油膩。蒜蓉汁香煎雞扒飯雞扒都幾大塊而且肉厚，肉質不鞋口且無油脂，飯是珍珠米，煙韌有飯香，蒜蓉汁則無咩蒜蓉味。抹茶吉士雞蛋仔伴雪糕甜品真係十分足料，原底雞蛋仔新鮮熱辣，表面灑上綠茶粉及吉士醬，甜度適中，旁邊的綿花糖表面略為燒至微焦，外脆內軟，最後的曲奇雪糕用來點雞蛋仔都幾夾。最後飲埋杯餐飲，非常滿足的一餐。

星期日同老婆家人飲完早茶就去旺角睇細佬打比賽，完場都已經三點，我同老婆都肚仔餓要醫肚喇，行到通菜街經過一間餐廳嘅menu有特色雞蛋仔，見到老婆對眼發晒光，咁我當然識做建議食呢間啦！店內裝修以香港做主題，牆壁油上香港漁村風情，色彩繽紛之餘再以“街坊”兩字作店名，令人倍感親切。店舖面積頗大，每枱都可坐得闊落。😙由於我地飲完早茶未吃過午餐，我倆都決定點Set lunch(跟餐湯/碗仔翅 + 飲品)，而甜品就當然係雞蛋仔啦！😁All Day Breakfast ($72)All Day Breakfast有: 香煎雞扒~豬仔包~抄蛋~茄汁豆~沙律菜~香草腸好豐富。豬仔包烘得又脆又鬆軟，而且牛油味濃郁，老婆一咬就讚。雞扒煎得嫩滑，雞肉彈牙。香草腸味道唔鹹，配上滑蛋吃好夾。👍小柄鐵板烤什扒 ($82)什扒以有柄鐵板上，感覺好似完汁完味，什扒包括: 有骨豬扒~雞扒~雞肉腸~薯條。豬扒好大塊，而且底部有鐵板烤煮留下的坑紋，入口肉質軟淋，微微的焦香味配上醬汁吃更惹味。😋香濃金莎朱古力吉士雞蛋仔伴雪糕 ($78)雞蛋仔就食得多，咁創新嘅手法炮製雞蛋仔就首次嚐試。雞蛋仔的表面被一層厚厚的吉士醬覆蓋，配以溶化