蘇記(茶檔)

營業中

休息中

香港既大排檔自從無出牌之後已經買小見小，想搵一間已經唔易，要好食又有風味既更加係難上加難。上網睇到深水埗竟然有一間，唔洗行到鬼死甘遠，地鐵一出行5分鐘已經到！唔係唔試下掛🤩大排檔都預左要坐街邊食，甘岩坐左係廚房格黎，望住老闆煎豬扒🤤都忍唔住叫黎試下。豬扒唔會太咸，煎得岩岩好又唔會乾曬，老闆中要預先cut開左一小塊一小塊，貼心喎🤪一啖豬扒一啖麵，正！沙嗲汁好夠味，牛肉都好嫩滑，唔會鞋口，d汁撈埋湯同麵一齊食，夠曬滋味🥰多士烘到好夠脆，如果多d奶同醬會更加滿足🙊凍奶茶都好香濃！夠曬滑，不過有小小甜，個人建議小甜更適合😝

天氣轉涼,終於可以坐吓街邊茶檔!一直甚少幫襯的原因,與衛生問題無關,是因自己非常怕熱!要我三十幾度喺街邊食?曾經試過食食吓有人問:你無事呀嘛?睇你好似就暈低咁嘅?(呢件事係以前喺對面馬路的長發食麵果陣俾人問嘅!)來到路邊停低,坐在車中還在掙扎,究竟去長發定這裡好呢?最後....豬排嬴咗牛腩!豬排沙爹牛肉通粉----這裡的通粉比一般茶餐廳優勝的是,用煲仔去將湯及通粉一齊去滚來翻熱(吃起來會較有彈性及比較入味)而不是像淥麵般用滾水去灼(通常淡茂茂及質感霉霉地),沙爹牛肉的汁不算香濃惹味,甚至可以說是怪怪地!不過勝在牛肉質地天然.拍鬆了的豬排醃得非常入味,而且咬落的質感你會知道正在吃的是一件豬肉.凍奶茶----味道一般,奶味比荼重,而且太甜!味道會令人再三回味嗎?未必!只不過係而家唔食,唔知會幾時會消失罷了.