不籽是咖啡 (文豪閣)

營業中

休息中

Cafe位於油麻地佐敦交界的一條橫巷角落，本身已遠離繁囂，自成一角。咖啡廳簡樸裝修坐得幾舒適① 北海道刺身帶子蟹籽忌廉扁意粉 $128帶子好大隻，輕輕煎過口感唔錯，扁意粉幾Creamy，不過食落好似無乜料咁。② 龍蝦湯配牛油果大蝦稻庭烏冬 $128一壺超濃的龍蝦湯，彈牙烏冬，加埋牛油果同大蝦，無論口感同味道都豐富，好食！③ Hazelnut Latte $47④ 野莓梳打 $50飲品賣相唔錯，不過味道唔算特別。留意返，飲品無得跟餐，我本身想唔叫野飲叫小食，因為價錢差唔多，不過朋友唔大食，所以叫杯飲品慢慢嘆，傾下偈～賣相唔錯，不過味道唔算特別。留意返，飲品無得跟餐，我本身想唔叫野飲叫小食，因為價錢差唔多。

上網睇過依間餐廳介紹 話野食質素吾錯 而且水泥牆風格幾岩朋友聚會傾計💬 所以今次都帶埋朋友一齊黎試下☺️🍀軟殼蟹卡邦尼扁意粉軟殼蟹外觀非常完整 色澤相對較深色🤣 口感酥脆 味道香濃🦀 卡邦尼醬汁黏稠度岩岩好 有少少掛身👍🏽 味道濃郁 配扁意粉好夾🍝🍀北海道刺身帶子蟹籽忌廉扁意粉由於我地吾食全生野 所以店員幫我地整左做北海道炙燒帶子 口感軟嫩😛 蟹籽鋪滿左係意粉表面 增加左口感😉 醬汁同樣做到掛身效果😋🍀海鹽甜蕃薯條鹹甜交替令味道更加突出 好開胃🤩 份量岩岩好夠兩個人食 又吾會太多😊🍀Iced Mocha咖啡底夠濃 飲落幾順滑🤭

呢間餐廳頭兩次想黎試都要等好多張枱🥲唔想餓親個肚..唯有下次再試～今次平日Lunch Time黎.唔洗等就入得🤭餐廳自助形式-落單.斟水都係出面Lunch Time 我同朋友決定兩份Share龍蝦湯配牛油果大蝦稻庭烏冬-龍蝦湯超濃郁！仲熱辣辣可以自己倒！大蝦雖然唔係新鮮蝦.但一樣Q口！北海道刺身帶子蟹籽忌廉扁意粉-帶子有鮮味意粉唔會太杰身.忌廉份量適中整體都唔錯😏唔洗排隊既話可以再番黎再食！仲想試下佢既咖啡同甜品～

年尾總是壞消息連連，連公事也不太順利，除了要抽空學習新系統，還要加班幫其他同事工作。只能珍惜當下時光，跟同事享受餘下短暫寧靜的日子。這間CAFÉ位於油麻地和佐敦交界，店內裝修好精緻，好有文青風。龍蝦湯配牛油果大蝦稻庭烏冬 - $128三隻大蝦好鮮甜彈牙，半件牛油果好細膩，還有絲絲甘甜的蟹肉，龍蝦湯更以靚靚鐵壺另上，充滿鮮味。北海道刺身帶子蟹籽忌廉扁意粉 - $128肉厚雪白的刺身帶子好彈牙鮮嫩，軟硬適中的扁意粉掛滿爽口的蟹籽，忌廉好順滑。海鹽焦糖雞翼 - $68即叫即炸的單骨雞翼，方便食用之餘，又酥脆不油膩，淋滿焦糖和海鹽，好特別。野莓梳打 - $48好濃郁的酸酸甜甜野莓味，有冰糖士多啤梨和藍莓，有陣陣碳酸爽口感。Chocolate - $38用上天然法國可可粉，朱古力味好濃郁，拉花圖案是肥嘟嘟的鸚鵡。