La Famille (已結業)

同3個姊妹行完銅鑼灣，行到腳攰，搵個地方坐低抖抖。其中一個姊妹提議過耀華街食cake。呢間cake shop有堂食位置，裝修靚，座位舒適，餐具又靚，好適合我地影相打咭🥰呢到主打嘅戚風蛋糕，賣相精美，每款都好有特色，質感鬆軟無比，極有彈性，食落蛋糕水潤香軟，一啲都唔會乾身痴喉。本身一切開蛋糕見到入面有咁多忌廉，怕食完會好漏，點知入面嘅忌廉味道清甜，奶香味濃，好滑溜，感覺輕盈，食落一啲都唔覺漏！我地每人叫咗一個味道，每款都各有特色，味道天然，甜度適中。💁🏻‍♀️宇治抹茶日本柚子皇牌士多啤梨英國伯爵茶北海道忌廉芝士巴伐利亞賣相精緻嘅水晶水果蛋糕，隸屬外貌協會嘅我地一見到，點都要叫個嚟share。上層係花花鮮果啫喱，晶凝通透，質感Q彈，下層係慕絲蛋糕，口感creamy，一款蛋糕兩種口感。

🍰La famille 戚風蛋糕🌹其實我未食過戚風蛋糕😚近排見好多人整 就想買嚟試吓好無味揀咗呢間專食戚風蛋糕嘅cafe cake shop佢地有超多味揀 件件都好靚花多眼亂🤩由於戚風蛋糕中間有個洞 係好好嘅位置放入涵料 個人比較愛伯爵茶味 Cream都係淡淡伯爵茶香🍵 蛋糕超鬆軟 唔會好似cheese cake咁heavy如果想食light啲嘅甜品 呢個係首選💞仲有一個個好似水泡jelly造型嘅甜品叫 巴伐利亞Bavarois 係19世紀歐洲甜品上層jelly晶瑩剔透 鋪滿花花同水果好似花環咁🌸下層就係軟滑奶凍慕絲蛋糕口感不同口味主要嚟自下層嘅蛋糕變化Jelly令甜品有清爽口感 微甜口味食落清新-🍰英國伯爵茶戚風蛋糕$54🍰法國玫瑰戚風蛋糕$54🧀北海道忌廉芝士巴伐利亞$42💗荔枝紅桑莓巴伐利亞$42