龍華軒咖啡室 (已結業)

去開旺角睇戲～順便去試下save 左好耐既呢間cafe~位置都算幾難搵因為要入條小巷先見到棟大廈既門口果棟大廈成棟都係cafe ~上到17樓 好似入到懷舊餐廳咁 可能6點幾時間尚早冇咩人 好似包左場咁肚仔餓即刻點返返個佢最出名既卡邦尼意粉一上台真係好鬼死香 好濃既cheese 味意粉好夠爽～如果愛好濃味既呢個岩曬你～醬汁唔會太稀係我食過既最好味既卡邦尼！難怪佢門口寫住世界第一卡邦尼😁不過如果再大碟d就好嚕-3-我同朋友每人再叫杯朱古力～特濃朱古力唔算話好濃呢度靜靜地～好適合傾計～

完全是lowa fans,平均一個月去一次，每次都會帶唔同既朋友去，每個食完都會愛上。由最初開鋪，無咩人識唔洗訂位，到現在要訂，walk in都無位，就個佢地食物既實力，可以吸引到人，一去再去。👍👍食物既份量夠大，多啲朋友一齊share食都無問題，店鋪設計特別，環境休靜，又有玩具可玩放鬆心情一流，係我最鍾意既原因。

位於旺角登打士街恆威商業中心17樓，呢間CAFE夠晒就腳，雖然得10幾20個位，但係只要早幾日上網BOOK定，應該唔怕無位，我地一行4人7點鐘上到黎，因為唔係太肚餓既關係，叫左2個套餐再另外加多2杯野飲。呢間CAFE無同區既咁大，所以遊戲都唔係太多，但最常玩既都有，最有趣既係牆上掛左好幾個結他，如果有埋夏威夷結他玩就好啦。我地成晚只係玩左大富翁，呢個係新版黎架，唔洗數錢，有張好似八達通既卡入錢扣錢。以下係四杯野飲，其中2杯係青蘋果綠茶同紅茶，有淨果2杯唔記得左啦。呢個卡邦尼意粉好好味，意粉軟硬適中，個汁又夠濃，料又落足。以下呢個係白汁海鮮焗飯，海鮮夠多，白汁夠味同夠多，唔會話食到尾有D飯係無汁掂到既，唯一唔好處既係芝士太多，下次應該叫佢走芝士，旨因本人唔多好。總括黎講今晚無論食物遊戲環境服務我都好滿意，唯一美中不足既就係10點鐘要走人，因為有人BOOK左位，但係坐左成3個鐘，都夠架啦。

自從1月份開張,呢次已經係我第2次幫襯龍華軒卡邦尼意粉保持一貫水準,意大利麵條軟硬適中,白汁味道剛剛好.咖啡室地方雖小,但係坐係陽光充沛,聽住音樂,同老闆吹下水. 咁就hea左一個晏就識食一定食龍華軒!

因為book 左位既關係，唔使等位。登打士街新開的樓上cafe,一試便愛上。環境非常特別，好多裝飾品都係由店主同朋友DIY 出黎，好有藝術氣息。大部分座位都係邊，用餐時好舒服，好開揚，唔會有一般cafe 焗束的感覺。點了卡邦尼意粉和oreo 朱古力試試，一試愛上，之後會再食! 下次亦會試其他菜式。杯oreo 朱古力亦都好好飲!超濃朱古力香味!