手卷駅

營業中

休息中

高質小店，隱藏於旺角中心內每次經過都忍不住買黎食火炙芝士蟹棒手卷🌸🌸🌸🌸🌸好足料啖啖肉，都只係$20，抵食！厚燒玉子🌼🌼🌼🌼🌼$13，又係大大件，熱辣辣！玉子入面有飯的，食完好飽好滿足

最近好中意食壽司，但又唔食得元氣為左支持黃色經濟圈，當然要拒絕藍店支持黃色小店！呢間小店貼左好多不同既文宣，當然要懲罰下佢！今次一個人叫左個厚燒玉子，燒左口魚手卷。個厚燒玉子真係好厚，中間仲夾左少少飯，面頭配上特製醬汁，簡直想食完一啖再一啖，叫得一件都唔係好夠😂再黎就係燒左口魚手卷，望落去十分足料，應該有4塊左口魚，$26有咁多件左口魚的確抵食！食落口油脂味十足，當然同日本既冇得比，但呢個價錢我絕對收貨🤣🤣

#雪雪茄大滿足 😋🈵 味道：🔴🔴🔴🔴🔴🔴🔴⚪️⚪️⚪️👁‍🗨 環境：🔴🔴🔴🔴🔴⚪️⚪️⚪️⚪️⚪️💰CP值：🔴🔴🔴🔴🔴🔴🔴🔴⚪️⚪️🔙 番撻 : 🔴🔴🔴🔴🔴🔴🔴🔴🔴🔴掃貨掃到手軟肚軟時,等籌入座等到腳軟時,整野學野前後頂肚時,行幾步入旺中 🔜2/F 🔜右巷直入就見到喇 ～ 🎶💕例牌叫 「厚燒玉子」😍 $12👉🏻 好濃既蛋黃香 😋👉🏻 內有飯粒 ⋯ 增加口感？🤔👉🏻 超燙口夠滑夠嫩 ～ 第2最愛 「火炙特大帆立貝手卷」$22 加價至 $24👉🏻 呢個價錢食到4大粒帆立貝 ☺️👉🏻 芝士鋪面仲要火炙⋯ 無得輸呀 ！再試另一款 「芝士蟹籽手卷」👉🏻 芝士too much ... 完全蓋過蟹籽香 👉🏻 口感不太好⋯ 不推 😅食過幾款反卷, 個人唔太鍾意 ⋯現存圖片只有 「芝士鰻魚反卷4件」$25👉🏻 卷得好唔紮實, 一夾就散左大半👉🏻 鰻魚好多骨 🙊👉🏻 食手卷會滿足啲 😜

旺中對於大部份人來說，必須充滿著中學的回憶。中學時期開始有多點的零用錢可以同朋友行街消遣，而旺中地理位置方便，消費亦能負擔，所以成為年青人的聚腳地。但隨著大型的品牌進駐旺角，而旺中的貨品開始變得倒模式，故此人流漸漸減少。為了讓旺中能夠提升人流，所以在二樓增設小食店舖，有望帶動人流，當中的小食店的確令人驚喜。圖中是手卷駅的玉子燒($12)，除了賣相吸引、味道富有微甜的蛋香之外，玉子的中間是包裹著飯粒，蛋槳剛熟的軟滑配合飯粒形成柔和的口感，十分推薦(9/10) !芝士鰻魚反卷($22)充滿了誠意，鰻魚份量大，肉質爽口，芝士並不是用上普通片裝的車打芝士，而是PIZZA芝士。壽司飯帶著微溫，正好能夠利用熱力把飯粒、鰻魚和芝士結合(8/10)!以上分別為南瓜餅($12)和紫薯餅($15)，炸物的靈魂，必需冒煙、辣口方是合格，這兩款都做到此標準，而且沒有死甜的味道(7.5/10)。值得一提紫薯餅內有紫薯外，還有栗子粒粒!味道十分配合，誠意十足。希望日後人流漸多亦能保持水準!在旺中附近行街、返工的朋友，可以去試試!