養心殿台式養生鍋 (已搬遷) 新店位置

聽屋企人講佢地試過呢間的其中一間分店,鍋物好食,而我突然又好想食酸菜白肉鍋,就黎試下。去到好有老家風味,一枱一櫈都好似拍古裝片格局。侍應招呼周到,就算係廂房坐都唔會被忽略。用具乾淨企理。先揀湯底,後揀火鍋料。個鍋都幾大,要等約10分鐘先滾。一打開就見到內有乾坤,左邊麻辣鍋 (小辣),右邊係酸菜白肉鍋。左邊材料除左有一般麻辣材料外,仲有冰豆腐和鴨血右邊材料則有酸菜,腩肉,QQ粉和蕃茄我係台灣試過酸菜白肉鍋,覺得好難一較高下,大家各有千秋,台灣用白肉,呢度用腩肉。呢度酸菜白肉湯鮮甜,鹹鹹地,腩肉都幾肥,但好香,酸菜酸甜帶少少鹹,好開胃。我唔係好食得辣,但麻辣調得好o岩我口味。好似醬爆丸,鵝肝味濃,墨丸彈牙。燙一燙食覺得佢肉質軟滑,有肉味。想食青江菜,但是日冇哂,揀左呢隻菜,好似油麥菜,但有少少苦味,不過同酸菜白肉一齊食就好惹味。火鍋店會送上一碟酸菜白肉,唔好睇小佢份量細細咁,佢會令你有飽肚感覺。其實材料新鮮都唔駛再點其他混醬,不過佢有D特別醬料,所以都混左一碗試試。好like烏梅汁,有甜有酸,生津解渴。唔駛去台灣都食到好味的火鍋!

yeah~今日又可以去打邊爐啦！今次去咗間最近喺銅鑼灣好爆場嘅'養心殿台式養生鍋'出位嘅地方主要係個鍋底用咗唔同嘅藥材制成！例如烏雞/人參/天麻/當歸等等...補住嚟食叫返個麻辣/寧神養生鴛鴦鍋！一滾起超強嘅藥材味已經奔騰咁散發出嚟入面仲有半隻烏雞同半個大魚頭材料十足而麻辣香嘅味道都唔講得笑而麻辣味道帶酸厚脂黑毛豬梅花肉，梅花肉食落會比較爽口雖然見到大大舊肥肉但係梅花肉嘅特性係肥膏都係爽口所以我打親邊爐都會叫如果兩個人食打邊爐都好擔心叫唔到好多嘢食,因為好多都係一份份咁order!但呢間就可以半份咁叫所以可以揀多幾款手打蝦丸，因為手打關係湯底同丸嘅接觸面多咗令到湯味可以完全痴晒喺粒丸度而豬肉水餃嘅餡加咗菜樣薄，呢個我會放喺麻辣嗰面煮因為會更加野味麻辣湯底加埋水晶粉嘅組合，你懂的~QQ口感加埋酸麻辣，食到我感都動埋!而什菜拼盤超新鮮-粟米勁甜（想知佢喺邊入貨)而每條菜都絕對冇話爛!成兜俾我k.o埋!原來養生可以養得咁爽!

今晚約FD 食飯, 出黎傾下 下星期既福崗行程~一路打一路傾~哈~一行入黎已好大陣藥膳味~店內環境都幾暗, 我見佢地D 餐車都要打燈~好搞笑~見到個牌係FB LIKE佢地個PAGE 就可以送咸檸7一杯~~(人頭計)我地叫左2款同價既鍋, 因為唔洗加錢~ 麻辣: 湯內已有鴨血同凍豆腐 呢2款餸. (可免費追加鴨血)酸菜白肉: 湯內已有豬肉同QQ粉~ 我地為左個唔洗叫個QQ粉而叫呢個XD, (可免費追加酸菜白肉)我地揀左追加酸菜白肉既~免費既野個樣有D頹XDDD點完菜就去羅醬料, 其實有麻辣底都唔洗點加醬料既~ 哈~呢個位重會寫埋是日海鮮價.QQ粉~~~~佢都係加麻辣正D~ 厚脂黑毛豬梅花肉 $168, 朋友唔食牛, SO 叫左我好少叫既豬啦~ 霜降肉眼肥牛$178 呢個係我獨食既, 因為我FD 唔食牛...唔好睇佢好似好少咁, 其實佢卷埋左都好大片~~~ 所以最愛掉落去時整返鬆佢先...除非你想個芯係半生熟~老油條$58 呢個有D貴... 不過索湯一流~平時食得太多響玲, 今次轉食呢款~重叫左手工丸類拼盤12粒 $108, 同埋半份魚皮餃 $36呢堆野好好味~ 同埋原來幾有特色既~MEN

今日幾個朋友相約GATHERINGCWB打邊爐,有人提議養生殿,話湯底正所以就約左去食今日我地先叫左個美人鍋拼養生鍋,厚脂黑毛豬梅花肉,海中蝦,日本蠔,鵝肝墨魚丸,黑松露蝦丸自家製鮮蝦雲吞,寬粉條,,,自家製杞子菊花圓肉露美人鍋拼養生鍋--鳥雞好滑,個湯好正仲有桃膠,滋補美味,另一邊有鴨血唔腥仲好正,好多參,真係超補身厚脂黑毛豬梅花肉--唔太肥,入口即融化,同埋隻豚肉味好香口,唔會有臭味海中蝦--好新鮮,生猛既蝦....實肉,彈牙爽口日本蠔,鮮甜三蔬--蠔都好香口,好鮮味,入湯滾上晒味鮮甜三蔬有淮山,秋葵,粟米--淮山連埋湯真係夠晒入味,粉粉地超正鵝肝墨魚丸,黑松露蝦丸,自家製鮮蝦雲吞--各自有各自特色,鵝肝,黑松露真係超香口,基本上一入口唔望都知咩黎而鮮蝦雲吞就好足料超正寬粉條--連埋D正湯底真係吸晒味,慢慢煮到佢淋再食,爽口超正自家製杞子菊花圓肉露--打邊爐熱熱地,飲下佢真係唔錯,個味道都幾好又有益

當一班人諗唔到食咩嘅時候，最好就係打邊爐，好在朋友一早book好餐廳，我哋唔駛等位就有得食啦! 醬料 - 自助形式，比較特別嘅係香醋，令點過嘅食物更香更清爽。美人鍋拼養生鍋 - 打邊爐之前可以先飲湯，2款味道各有不同，美人鍋有烏雞同桃膠，飲落會鮮味啲，同時又好養顏，養生鍋有豆腐同鴨血，有香濃嘅人蔘味，感覺好補氣，飲完啲熱湯，個身都暖晒。日本牡蠣 - 啲蠔好肥美。鮮甜三蔬 - 三蔬有粟米、秋葵、淮山，粟米好甜，秋葵爽口，淮山吸盡湯汁精華又粉糯，好好味! 黑松露蝦丸，鵝肝墨魚丸，自家製鮮蝦雲吞 - 三款都好彈牙，蝦丸嘅黑松露味好香，鵝肝好多油好香，鮮蝦雲吞好鮮味。海中蝦 - 啲蝦嚟到仲識郁，好生猛，食落爽口鮮甜。厚脂黑毛豬梅花肉 - 豬肉食落唔肥嚡，但又唔覺肥，肉味好香濃，好食! 寬粉條 - 呢隻粉要煮耐少少，煮完會變透明同索晒啲湯味，煙煙韌韌咁，大愛! 自家製杞子菊花圓肉露 - 呢款涼茶少甜，但菊花同圓肉味都好濃，飲完即時覺得好清熱。職員見我哋飲完湯，會主動加湯俾我哋打邊爐，好細心。食物同湯底都好有誠意，下次打邊爐會再去呢度~~

今日約左朋友去食晚飯,就去左養心殿台式養生鍋...朋友說湯底正個環境都幾好,古式古鄉咁都有FEEL喎今日叫左以下食物,先講個湯底先湯底係美人鍋加養生鍋,之後再叫左海鮮拼盤--帶子,海蝦,聖子厚脂黑毛豬梅花肉寬粉條美人鍋加養生鍋--入面超足料,烏雞都幾好食,有咬口肉質鮮味,仲有超多桃膠,桃膠係近年新興健康營養食品,好多好好食...鴨血唔腥味仲要好好食,豆腐入晒味,仲有人蔘味好勁,大大枝.....海鮮拼盤--帶子,海蝦,聖子好新鮮,隻蝦仲生猛既,帶子都算大隻,聖子入口鮮味可口厚脂黑毛豬梅花肉--肥瘦識中,唔會太肥肥到個湯勁油,同時都有好有肉香,唔會蘇味寬粉條--隻粉好得意,有咬口又唔會硬,吸下湯超好食,唔似平時D粉咁

「養心」這個名好好聽，好健康，好補身麻辣鍋+寧神養心鍋麻辣鍋：配上多種藥材加入鴨血更加道地好味寧神養心鍋：川芎、白芷、天麻、當歸、黑烏雞、魚頭、豬肉等材料餚成好補啊丸肉質鮮嫩多汁浸一浸湯汁，立即拿起，就可以食豬肉好肥美好嫩口牛肉好滿足一餐