泰式食

營業中

休息中

3個女仔食生日飯，座位闊落又唔嘈(我地訂左枱被安排坐卡位)，啱傾計。叫左個佢好多人推介既皇宮蝦蛋網炒貴刁，賣相好靚(同佢餐牌一樣既)，同埋真係好好味，份量足，三個女仔分大家都飽既。椰青荔枝雞湯有驚喜，我超鍾意！平時出面食泰國菜淨係見椰子雞湯，有荔枝我係第一次見，做唔到個味好夾，同埋令個湯清新又唔會好油膩，值得一試生菜包有得揀微微辣，啱我呢啲完全唔食辣咁滯既人既口味。蝦醬炒通菜都好惹味，不過嫌份量少左啲。嘢飲就普通，朋友既芒果沙冰幾吸引，我自己杯椰汁冰普通，另一個朋友叫椰青都係同出面既差唔多。

今日經過銅鑼灣金百利一到中午時間就會有好多人係門口派傳單介紹樓上餐廳,咁啱隔左段時間無食泰菜就上樓上食下.入到去睇得出餐廳既裝修都放左唔少心機,放左好多泰國特色擺設,內裏空間都幾大.午餐$50-$60係銅鑼灣地段黎講差唔多,原來呢到除左午餐包一份主食同餐飲外仲有自餐形式係出面緊以任食沙律,蝦片同泰式/中式餐湯.泰式濕炒牛河粉有好多蔬菜做配料,河粉底用寬河粉更易吸到濕炒河既芡汁,牛肉用鮮牛肉有肉既質感,真材實料.原個椰青荔枝湯好足料內裏掘晒椰青入面既椰肉再放上釀左豬肉既荔枝同雪耳原個燉,出黎個湯好清甜又唔會因爲有豬肉而好濁,反而豬肉有助調味有少少肉香無咁齋.椰青大大個椰青水清甜又解渇夏天飲一流.

門面同餐廳內部裝修都十分有泰國風情員工都有好多泰國人套餐好抵食, 選擇都唔少不過今日唔太肚餓, 所以冇揀到套餐飲品選擇都好多, 唎到係其中一頁我地揀左芒果沙冰同埋青檸梳打青檸梳打($35)青檸味十足, 好夠氣, 十分清新芒果沙冰($38)似用果汁打, 好大杯,都不錯椰菜苗每次食泰國菜都會叫蒜味好香,夠熱!泰式乾炒河好多配料,肉都唔少,味道唔會太鹹原個椰青荔枝湯好熱,好味!湯好香濃椰子味荔枝唔太出, 但比起就咁椰子湯既分別係會多左種甜味荔枝包住d豬肉同蝦肉碎, 荔枝肉仲有少少甜味好多椰子肉係湯到芒果牛肉咖哩咖哩幾甜口, 應該係因為加左芒果中和左咖哩既辣味連唔食得辣既女朋友都話好味牛肉都好滑用黎點咖哩食好正

今晚帶大家來到泰國吃一頓豐富又美味的泰國菜，咦！還以為在泰國，原來是裝潢甚有泰國風味的泰國餐館，內進發現一部未載客的泰國的士，紅磚牆隔間每張枱，泰國彿像怎可少，算是走地道親民路線，定還是店主投放了思鄉情懷在此。 有大伙兒開派對的空間，還有兩小口共享美食的座位，悠然自在。 生菜包 生菜包是我每嚐泰國菜必點的，這裡的辣算是數一數二，嗜辣的我更是中正下懷，精神爽利總需要點辣來刺激一下，眼見有洋蔥絲、乾蔥、香茅、辣椒，九層塔，酸酸辣辣豬肉碎被生菜包著同吃，辣度是我認為最能反映泰國菜獨有一面。 原個椰青荔枝湯 每次吃泰國菜，務必一定要來個冬蔭功湯，似乎沒一點新意，今次選了原個椰青荔枝湯，確實有點喜出望外，椰青內不單只有切片椰子肉、雪耳，還有每顆荔枝果肉裹著雞肉，清潤不在下話，肉味不多不少正好起著提味作用。 黃咖哩焗土兵雞(原隻) 士兵雞亦即是咖哩春雞，顧名思義用的雞都要年輕一點，所以油脂分布較少又薄，雞肉嫩滑得不似如期，咖哩味甜多於辣，充滿泛泛椰香，很多人都嚷著為何沒有盛飯伴吃呢！ 明爐青檸烤魚 整整一條的烏頭魚放在鍋爐上，熱哄哄的吃起來特別覺得溫暖，芫茜、香茅、指天椒、青檸、紅椒

相隔一排無食泰國嘢, 早前便與友人去了位於銅鑼灣的泰式食食嘢. 先點了杯芒果沙冰飲下. 好大杯, 飲完透心涼. 小食點了蝦麵卷. 外脆幾香脆, 但又唔會覺得好油膩. 蝦肉的肉質幾彈牙, 味道調教不錯. 湯點了原個椰青荔枝湯. 個湯夠清甜, 入口有淡淡的荔枝味道. 可以滋潤喉嚨, 好適合依加天氣飲用. 主菜點了紅咖喱焗南瓜海鮮和盲槽魚. 紅咖喱焗南瓜海鮮. 原個南瓜上枱, 賣相幾精緻. 咖喱只是微辣, 唔食得辣的我也覺得可接受, 夠惹味. 盲槽魚. 平日較少機會食這款魚. 估唔到幾好味, 肉質也不錯. 甜品點了椰汁千層糕. 夠煙煙韌韌, 甜度又適中, 作為結尾最適合不過.