Lúa (已結業)

銅鑼灣呢間越南餐廳嘅裝修參考咗越南會安嘅特色，佈滿色彩繽紛嘅燈籠，好啱大家去打卡，而我星期六晚去仲有人唱歌，好好氣氛我同朋友由於唔太肚餓，所以今次只係去咗試佢啲小食同甜品，估唔到都有啲驚喜🌟街頭小食滋味拼盤呢個拼盤有好多款小食，有越式炸春卷、甘蔗蝦串、甘蔗豬串、魚札肉、柑桔汁雞翼、迷你春卷魚札肉有啲胡椒味，辣辣地幾惹味蔗蝦同蔗豬我都少喺香港食，呢到都整得唔錯，蝦膠同豬肉都索到甘蔗嘅甜味最特別係迷你春卷，因為將米紙炸到薯條咁原來好正，食落好脆🌟班蘭布甸法包配自家製椰子雪糕見到有好多人推薦呢個甜品，所以我都試下，都真係幾正，椰子雪糕嘅椰子味夠哂香濃，法包烤到外脆內軟，上面鋪滿班蘭布甸醬，味道香，而且份量多到直頭湧出黎，成個法包點少少椰子雪糕一齊食更加有層次🌟D24榴槤芭菲配荔枝雪糕呢個芭菲都非常豐富，有蝴蝶酥、荔枝雪糕、玉米片、自家製荔枝班蘭蒟蒻、D24榴槤肉、榴槤忌廉、原味寒天晶球榴槤肉份量都唔少，而且又甜又濃味，連埋其他配料一齊食好夾🌟原隻椰青沙冰我叫咗呢個沙冰同朋友share，原個椰青裝滿沙冰，甜度啱啱好，仲可以刮埋啲嫩滑椰肉黎食今次食嘅呢幾樣都冇令我失望，相信佢啲主食都應該唔錯，下

@kan.teen呢間餐廳有個小閣樓幾搶眼 佈滿左好多燈籠🏮充滿越式風情。不過天氣太熱 我哋就坐翻室內位置。Menu有好多食物種類選擇，飲品方面我哋揀左原隻椰青沙冰，打卡啱曬🥥又好飲 清甜涼爽💚仲有越南都岀名嘅滴漏咖啡，呢杯啡都好高質，帶微酸 有回甘。主食就係 河內檬粉拼盤，有豬腩肉串燒同炸蝦波，加埋個酸酸地嘅汁幾開胃，依家夏天食好啱！不過檬粉煮完應該無過冷河，就咁放上碟變左一餅野，食落有啲唔方便。甜品有好多熱帶水果選擇🥭🍌🍉我就試左我本身就好中意食嘅芒果糯米飯！份量幾多，有兩塊芒果 都好甜！糯米飯有兩層 外面係紫米入面係糯米 都幾煙韌。不過我覺得椰汁味唔夠香。💸$500內-📍Lúa (銅鑼灣) @lua.hk 銅鑼灣東角道26號怡安大廈1樓13-15號舖及地下13-16號舖#kanteen銅鑼灣 #kanteen越南菜

🍭Lúa🍭餐廳裝修特別, 樓高兩層, 掛上各色燈籠極搶眼奪目🏮今次就同朋友來打打卡, 食下綠色食物😝🌿生牛肉雜錦湯河 ($119)越南餐廳必點一定係牛肉湯河🐮湯底清甜, 唔太夠牛味, 好彩有芫荽, 即刻香十倍🤣可惜河粉煮得太熟, 一夾就散😅🌿潘切直送小墨魚春撈檬 ($168)而個撈檬應該唔係個個接受到🙈小墨魚食落去口感比較黏黏地, 有d食刺身既感覺🦑撈檬本身已經撈左汁, 酸酸甜甜, 開頭食都幾開胃,食食下就會夾雜住小墨魚既墨汁同魚春, 有dd腥既感覺, 個人就覺得一般般🙈🙈🙈🌿酸甜蒜香茄子粒 ($148)茄子外皮煎炒得香口, 肉質軟腍, 而且入曬味🍆酸酸甜甜, 仲有勁多蒜粒, 超香口超開胃😋🌿原隻椰青沙冰 ($118)個沙冰勁高, 份量好足, 打卡一流😂椰子味好濃且清甜, 都唔錯, 不過就貴左少少🙈🙈🙈🌿拉椰糕配手作蛋白餅 ($78)拉椰糕煙煙韌韌, 仲好香斑蘭味☺️自家製既蛋白餅好脆, 配埋拉椰糕一齊食, 口感豐富🥰環境的確係唔錯既, 不過價錢偏貴, 性價比唔太高如果for打卡既話, 可以試一次既~評分: 🍀🍀🍀