阿佳拌麵

營業中

休息中

時間過得飛快，對上一次最近去台灣已經係3年前了，手指數數已經咁耐冇去過旅行q_q你話唔掛住就假既，但興幸係，香港有美食天堂之稱，你想食乜就食乜，而台灣夜市，葵廣三樓就有一間。佢就係阿佳拌麵，聽個名已經有幾分台味，裝修亦都同樣，以鮮明紅色字作招來。有圖有真相，不自於幻想遠睇以為係台灣腸，但其實佢係人氣最高既貴妃雞卷，充滿夜市味道！烤完仲可以撒上調味粉，三種口味選擇，我就揀左紫菜味~外皮非常香口，內裡既雞肉嫩滑，如果中意食雞皮就一定要嗌啦！古早現燙魷魚，口感同玻璃魷魚差唔多，香滑彈牙，調味好出色，香濃帶少少麻辣感，滋味又惹味！台醬牛肉拌麵，嗌左麻辣味再加左份夜市魚蛋，麻辣拌麵勁香口，好有後勁，嗜辣人士必嗌，麵質偏軟身可以掛到汁，牛肉煙韌，醃得幾好，魚蛋頗有驚喜，入口好彈牙，而且好鮮香，下次黎一定嗌一份！肉燥拌麵配沙茶醫，另加鹽水雞，雞絲份量多，味道冇咩驚喜，豆腐超軟滑，帶微微咸香，而肉燥幾出色，肥肉唔多而且咨香味十足，令整個拌麵更豐富，而沙茶醬岩晒中意濃味人士～2份拌麵望落雖細份，但食落好飽肚，性價比好高！

今日同朋友嚟到葵涌廣場掃街食小食見到好多間都係賣緊韓式同日式炸物另類小小嘅就嚟到呢間雅佳拌麵可以食到台灣夜市嘅小食同美食遠遠已經聞到雞肉卷嘅味道生煎包同埋台式香腸樣樣望落都好吸引即刻揀下嘢食先同朋友叫咗幾樣嘢食再買埋飲品就去到草地野餐囉先食嘅係小食古早燙魷魚 醬油汁魷魚咬落爽口 醬油汁食落鹹鹹地同魷魚好夾 當中仲要係有魷魚頭嘅非常之美味份量亦都算多大概有10塊夜市魚蛋 海苔味平時就食得太多咖喱味同麻辣味嘅魚蛋今次就試吓加海苔粉味道就清淡啲 但就可以食到魚蛋嘅魚味$10有八粒 性價比高台南生煎包呢個size可以一口一個生煎包嘅肉汁完全鎖住喺皮入邊好鍾意呢個包嘅質感食落類似厚少少嘅酥皮餃子皮咁貴妃烤雞卷呢個真係必食嘅 遠處已經聞到佢嘅香味食落口熱辣辣佢嘅外皮係一層雞皮入邊包住厚厚嘅雞肉雞皮鎖住咗啲雞肉汁同油脂所以一咬落去就食到雞油雞肉嘅味道烤到香嘅雞皮仲煙煙靭靭咁鹽水雞拌麵芝麻味呢個麵其實勁大盒面頭鋪滿鹽水雞絲 仲有啲配菜店員已經幫我哋撈好晒啲芝麻醬入麵度所以食起上嚟非常方便唔使自己再撈麵係粗麵所以都好掛得起啲醬汁烏來烤豬肉腸拌麵 沙茶醬烤香腸食落甜甜地 仲有少少酒香 並唔係外邊買到嘅現成

魷魚係我最愛嘅海鮮，幾乎任何類型同任何煮法嘅魷魚我都唔會放過，因為佢獨特嘅質感同味道實在令我難以自拔～呢款古早現燙魷魚，淨係個賣相已經好吸引，沙茶醬薄薄一層咁掛嚮魷魚表面，鹹中帶甜，味道好濃郁，食落特別鮮美。除此之外，魷魚嘅質感亦都好爽滑，尤其係魷魚鬚，好正！雖然唔知嚮台灣嘅夜市，係咪真係有呢款沙茶醬魷魚，亦都唔係好清楚正宗嘅台灣風味，係應該有咩元素嚮入面，但無可否認既係，呢碗魷魚的確係整得好好，好想再買多碗食！

葵廣3樓越來越多美食，這間拌麵第一次試，但因為太飽的關係所以沒有點到拌麵，反而點了一些小食。魷子現燙，選了沙茶醬，份量比想像中多，魷魚不是稔身而是爽口，沙茶醬的味道帶出魷魚鮮味，$25來說相當抵食！