百芳池上便當 (希慎廣場)

營業中

休息中

喺希慎廣場個food court嗰度兜咗一圈，見到呢間都好多人排隊，冇得去台灣都想食下台灣嘢食，就諗住試吓啦！排隊真係排長龍咁，同埋等嘢食都等咗15分鐘。我就嗌咗一個百芳牛肉麵，台灣嘅紅燒牛肉麵真係我嘅最愛，呢間啲牛肉麵食完都會諗翻起台灣嘅味道，上面仲有蘿蔔、白蘿蔔同埋滷蛋，非常足料，同埋呢一間值得稱讚嘅係，牛肉夠足料，同埋食落口感啱啱好。食台灣野點少得手搖飲品，叫咗一杯珍珠奶茶，珍珠好多好多，但係冰都好多，奶茶都OK。整體來講都唔會太貴。

今天在銅鑼灣希慎廣場行街，行到夜晚肚子餓了便想去美食廣場看看有什麼吃。見到這間百芳池上便當，挺有台灣特色，而且價錢不貴，便決定吃這間了。食物選擇都挺多，有各種不同的便當及小食。豬扒便當比想像中大份，豬扒外表炸得香脆，內裏肉質軟嫩，一點也不「鞋」口，而且十分入味。飯的份量也很多，配料有粟米，菜，半隻恰蛋，相當豐富的便當。餐飲是芝士奶蓋金萓青茶，奶蓋濃郁厚身，適量鹹味，而茶味清新易入口。牛肉麵湯底酸酸微辣，入味濃郁，配料也非常豐富，感覺很有營養。牛肉部份有牛腩及牛展，一部分香軟嫩滑，一部分口感略帶煙韌，非常入味，好吃。麵條身較粗有彈性，掛湯美味。這個餐飲是芝士奶蓋玫瑰鐵觀音，奶蓋差不多佔了半杯，對喜歡喝奶蓋的人來說實在太幸福了，茶身帶有淡淡玫瑰清香味，混合奶蓋一起喝，非常配。台式香腸切得夠薄，一片片容易入口，口感紮實，肥膏適中。不過份量比較少。整體來說，這間台式餐廳都算不錯的。

這個禮拜真的不太敢出街，所以趁去銅鑼灣約朋友見面，順道在希慎廣場食一頓早dinner😋——————————🔹台灣牛肉麵 $66每次食台灣菜，一定會叫台灣牛肉麵食😋這個牛肉麵真的很大碗，肉和麵一樣很多👍🏼當中有牛腩和牛𦟌，煮得好入味和軟腍；麵是我喜歡的質地，可以索湯汁的精華，濃郁美味😍🔸香酥炸雞腿便當 $63這裏的便當都有不少款式，今次朋友就叫了最貴的香酥炸雞腿便當🍗賣相非常吸引，有隻大大炸雞腿、粉絲、粟米、半隻滷蛋和菜，超豐富😍😍這隻香酥炸雞腿，味道一啲都唔馬虎，炸到外層很酥脆，但不算很油膩👍🏼粉絲和粟米都簡單炒過，不是簡單煮熟就算，所以每啖飯都很豐富，不會只有肉跟飯🥳好食！🔹台灣夜市香腸 $25一直以來都不是很喜歡食台灣香腸，因為太肥太膩，但食完這個就改觀了🥰因為這裏的台灣夜市香腸外皮烤得很脆，味道很甜，裏面的肥肉食起來不會很油很膩👍🏼食完想再食~~🔸芝士奶蓋金萱青茶二重奏 這裏的飲料都不算太貴，金萱青茶二重奏，茶味很香，搭配厚重的芝士奶蓋，味道剛好😚🔹黑糖珍珠仙草鮮奶朋友是黑糖珍奶控，所以他叫了黑糖珍珠仙草鮮奶，味道偏甜，奶味被黑糖搶去了，但滑滑的仙草和煙韌的珍珠，令人超有飽足感🤪

主打台式料理嘅餐廳🍴餐牌大部份嘢食都有圖片說明，每一個系列嘅選擇都唔少🤪台式滷雞扒便當嘅材料多樣，分別有唔少得嘅滷蛋、粟米、雜菜、仲有最好味嘅粉絲😚亦有啖啖的滷水汁味道🤪台式店食牛肉麵就最能夠分辨到餐廳嘅質素，呢度嘅牛肉炆得幾腍之餘冇筋，其他配料都好豐富，面底屬於扁麵，頗有咬口。小食有唔少選擇我就食咗皮蛋豆腐，係會食上癮嘅味道啊！佢個汁屬於甜豉油嗰類，最緊要係配上好多乾木魚絲，令人忍唔住一啖接一啖，再配埋半隻皮蛋啱啱好呢一杯係黑糖布丁鮮奶，本身諗住叫少甜，但係佢冇得改甜度，出嚟嘅黑糖甜度適中，再配埋布丁🍮兩個配搭好夾😋另一杯係金桔檸檬🍋，第一啖飲落去已經覺得佢好似平時食嘅金桔味糖，甜多過酸~ 但份量非常大杯，可以一路行一路飲😚

最近每星期都要去銅鑼灣上堂，所以都多左去嗰頭飯，趕嘅時候通常就會去希慎food court🤣貪佢位夠多，食物選擇亦多😛今日就試左台灣野-百芳池上便當🍱便當好有台鐵便當嘅感覺，真係好掛住台灣嘅一草一木，幾時開關啊😭台灣鹽酥雞便當🍗除左鹽酥雞仲有撈粉絲、青菜、粟米、滷蛋同菜甫🙌🏻菜甫撈飯一流啊😆台灣牛肉麵🍜用上牛筋牛肉牛丸❤️一次滿足3個願望紅燒湯底亦不錯皮蛋豆腐🍥喜歡皮蛋嘅咬勁，配合沾滿醬油膏同木魚嘅豆腐都好有趣，係我比較少食嘅野芝士奶蓋茶🧀里個差不多係我揀里間小店嘅唯一原因🤣尤其eye catching係有洋甘菊成份嘅芝士奶蓋洋甘菊金萱烏龍🥳奶蓋濃郁，尾段帶菊花嘅甘香👍🏻

希慎開咗咁耐其實都無咩去過，今晚約埋朋友過去搵位食飯傾嘢，食肆選擇不少但人都多，結果在11樓的一角找到呢間百芳池代，剛好對出有枱可以慢慢傾慢慢食。呢間係食台灣菜，有飯（便當）、有麵又有台式小食和飲品，價錢都好大眾化，不錯呀！我們叫左個「台式滷雞扒便當」（$63）和「台灣牛肉麵」（$66），再加左「台灣夜市香腸」（$25）。雞扒便當有一大塊滷水雞扒，非常入味，另外有半隻蛋、粉絲、粟米、椰菜等配料，整體味道ok牛肉麵賣相都吸引，有牛𦟌和牛腩都好腍，而且份量都幾多，加埋其他配料，我覺得比便當更出色！香腸嘅表皮甜甜地又有咬口，味道幾好，好有台灣夜市嘅風味。另外我哋都有加錢轉台式飲品，朋友要芝士奶蓋茉莉綠茶，我就要仙草奶茶加芋圓珍珠，奶茶味剛剛好，仙草既滑加埋芋圓和珍珠的彈牙口感，正！

好想好想去台灣! 百芳真係俾到我台灣既感覺!台灣牛肉麵 $66濃濃既牛肉湯加上熱辣辣既雜菜同滷蛋，仲有大大舊又林又有筋既牛腩 ☺️ 麵條係粗麵有咬口，索左少少湯食到流晒口水。台灣夜市香腸 $25熱辣辣，同埋係脆皮嫁！甜甜地既台灣腸真係好好既小食😌 $25份量都好多！芝士奶蓋茉莉綠茶 $20 湯麵跟餐 減左$5叫左走甜少冰，茶味香，奶蓋唔漏。台灣焢肉便當 $59肥豬肉好正☺️ 呢個價有兩大塊真係超抵，肥瘦超分明所以啲瘦肉有少少乾，但飯底多汁同埋有台灣粉絲又令個balance ok。黑糖布丁鮮奶 $23啲黑糖花係白雪雪既奶上面浮下浮下好靚。

是日在疫情期間，到food court食個便飯，出入都有量體溫，以及分隔座位，都算安心。既然想簡單就買個便當好了，殊不知一D都唔簡單，便當幾有台灣風味，係food court算係高質出品了。如果打算去food court食個便餐，不失為一個好選擇。當中驚喜既位，雖然唔係奶茶專賣店，我點既黑糖珍珠鮮奶係出奇咁好飲！！真係值得試下。台灣牛肉麵 紅燒湯麵呷一啖湯，都幾香濃，牛肉味好香，牛肉分量都多，係食之前快快趣分D俾朋友，而蘿蔔都好入味。台灣夜市香腸太想念台灣夜市，點左咗分腸仔分享，就係台灣既味道，哈哈 XD滷肉飯便當滷肉飯用料都豐富，鋪滿飯上面。我試咗少少，滷肉飯都幾惹味，最後朋友係成個飯食曬呢~黑糖珍珠鮮奶就係佢！真係好飲！攪勻之後飲，黑糖既味道係好出，不過唔會甜得緊要，我覺得係啱啱好，真係贏到出面既專賣店呢芋圓奶茶黃色果杯，好難影到入面，朋友話好多芋泥，到飲完奶茶，仲有好多芋泥，佢係撕開包裝紙來食XD

今日到希慎廣場食晚餐，見這間排長龍的台式美食好吸引的地道台式便當，好耐無食過台灣嘢，個癮起咗，所以想品嚐一下這個正宗台式小店；這間有台灣麵、飯選擇，可配豬、雞、牛，價錢合理！喜歡這個美食廣場，明亮的環境，又寬躺又乾淨又多座位，有姐姐幫忙變收碟清楚枱面，有效率！點餐的服務員們態度不錯，有禮有耐性又友善，快速整飲品！即點即煮食物好香噴噴！是叫號碼取餐，有外賣或堂食選擇，見客人外賣都包得好靚又衛生！1. 新出的台灣牛肉麵見有牛似牛筋選擇，選了正宗台灣牛肉麵，牛肉份量唔少又濃郁又軟滑又易咬，好入味喔！台灣麵好軟好滑，連湯底同食更香口又唔會太咸，再加上配料好豐富，有：半隻入味滷水蛋、粒粒黃金粟米粒、青綠小唐菜、香辣薺菜、軟腍紅蘿蔔，真的好健康又好好味！2. 黑糖冬瓜檸檬台式飲品好多選擇，有珍珠、冬瓜、黑糖不同配搭等，點了熱黑糖冬瓜檸檬，既清新開胃又酸酸甜甜，好滋潤又暖胃！好滿足！