蔦 (已結業)

其實都聽聞「蔦」好耐, 皆因佢係全球首間日本拉麵店有米芝蓮一星的榮譽。但係奈何自己一直都未有機會去東京旅行朝聖, 唯有食住香港的蔦頂住當先。 尖沙咀的蔦係海港城港威中心, 果日同朋友去完九龍公園玩行過黎都只係5分鐘, 醫肚真係勁方便, 餐廳唔係好大, 但我最喜歡的地方是食客可以「觀看」師傅整個製作的過程, 由生麵煮成熟麵, 再加不同的配料/醬油調味落碗麵到, 至送到你黎面前都可以全部「收睇」。 今日和朋友黎, 叫左兩款拉麵, 分別係味噌味玉拉麵同鹽味味玉拉麵1.    湯底味噌拉麵的味噌來自德島縣，湯底再加上自家製的辣醬作點綴，惹味得黎又唔會太辣, 有多層次的味覺享受。至於鹽味拉麵的湯底, 以雞及新鮮海蜆、魚乾等熬足9小時而成, 湯色清澈, 非常清新, 輕而不淡, 入口帶獨特的海鮮香甜味道。 2.  麵條蔦的麵條混合了麵粉同蕎麥粉，每日係餐廳入面手工新鮮製話，有一陣蕎麥香氣, 而直身麵唔算十分厚身, 可能是因為這個原因, 感覺未算十分掛湯。 3.  溏心蛋是驚喜之作, 入味爆汁 4.  炙燒豚角丼另外我們還叫了炙燒豚角丼, 豚肉粒油脂豐盈, 大小適中, 經過炙燒後更覺香口惹味,  蔦拉

蔦位於海港城海威商場，由尖沙咀沿海防道行過來過馬路，其實都不用5分鐘。這裡的格局像置身日本的拉麵店， 食客都是圍著餐廳的開放式廚房而坐， 可以看到師傅煮麵的整個過程，無論是切叉燒，還是煮拉麵，還是到上菜也一一可以看到每個步驟， 一覽無遺。我和朋友分別叫了醬油味玉拉麵和味噌味玉拉麵，先講湯底，由於蔦行的路線都是清淡風， 佢哋嘅湯底係清澈見底嘅唔會係啲豬骨湯煲到好濃好杰嗰種，無論係醬油定係味噌湯底都唔會太濃杰，又唔會太鹹。 雖然如此但是湯底還是很有層次的， 醬油湯底會加上 黑松露醬， 使味道加添變化。至於味噌湯底， 湯底有股的牛肝菌油味， 與味噌湯底都幾match， 與一般豬骨湯底的拉麵與別不同， 確實值得一試。至於麵底方面，與香港其他拉麵店有啲唔同嘅係 ， 呢度嘅所有拉麵的硬度都係由拉麵師傅發板，雖然拉麵冇得揀硬度， 但係拉麵的韌度都不差，分量也夠一個大男人飽足。而且塊叉燒是經低溫處理的豬肩胛肉，唔會太肥， 粉粉嫩嫩 ， 而叉燒是師傅即席用機器切割的, 沒有一般拉麵店叉燒的肥膩， 但豬肉味仍然充足。 而隻流心蛋係原隻上嘅， 真係食過返尋味。另外我們還叫了一個燒烤梅花丼， 雖然每片都刨得薄

今日去開尖沙咀行街，係附近見到呢個拎左米芝蓮嘅拉麵，時間又尚早見無咩人就入左去食。<醬油味玉拉麵，$113>醬油味玉拉麵由叉燒一片、味玉蛋、筍乾、日本大蔥、松露醬而成。當然先試湯底，味道好清香，鹹左少少但係可以接受。然後將松露醬撈勻，個湯又有另外一番風味，濃郁嘅松露醬令到成個湯底都好香。叉燒整得好腍，味道比較清淡我喜歡。拉麵都算煙韌，唔錯。味玉蛋係十個讚，蛋黃係流心嘅，生熟度岩岩好，超正！<味噌味玉拉麵，$113>味噌味玉拉麵由叉燒一片、紫洋蔥、味玉蛋、粟米、芽菜、辣醬、牛肝菌蘑菇油、西洋菜而成。本身呢個味增湯我覺得太過濃味，但係將辣醬撈勻之後，我湯底帶啲辣就變得好惹味。雖然有辣醬不過唔會太辣，想試但怕辣既朋友都可以一試。<炙熱骰子肉，$28>呢個骰子肉好好味，將叉燒切成粒，再加左啲蒜蓉去燒，好香好好味。夠厚咬落好有口感但係仍然好腍，而且$28有8粒我覺得好抵食！<(凍)麥茶，$15>麥茶嘅味唔係每個人都鐘意，男朋友就覺得唔錯，飲落唔似用水即沖，真係煲過咁。

上次食完北海道過江龍嘅米芝蓮拉麵，今次食東京過江龍嘅米芝蓮拉麵啦😂.蔦係開放式廚房，加上我地坐吧枱位置，所以可以好清楚咁見到師傅們分工合作製作拉麵嘅過程。望住佢地淥麵、瀝麵、整湯底、擺不同食材落碗拉麵到⋯⋯每個人有唔同崗位😂.蔦拉麵採用糅合蕎麥粉及三種唔同麵粉製成嘅幼身麵條，都值得一試。叉燒非常薄身的，雖然肉質偏瘦但食落都幾嫩嘅感覺(可能呢個就係切到叉燒咁薄身嘅原因？🤔)，但可惜一碗拉麵只有一塊叉燒呢🙈追加叉燒的話一塊要$12。特別一提！我好鐘意佢地嘅溏心蛋😍所以一定要叫有溏心蛋嘅拉麵！😆.拉麵可選: 醬油/鹽味/味噌。我揀咗味噌拉麵，同行朋友就揀咗醬油拉麵。味噌湯底味道剛好，唔會太咸。不過我會更喜歡朋友嘅醬油拉麵😛因為醬油拉麵加咗松露油，令到成碗拉麵好香呢😆所以我會首推大家揀醬油拉麵！😛.另外叫咗份炙燒骰子肉share食😌炙燒豬肉粒，望落好似只係一粒粒瘦肉🎲但食落原來唔會乾唔會鞋🤩朋友話佢食到一兩舊帶有少少脂肪嘅，就更香更好食添。配上洋蔥醬食，都係一個唔錯嘅小食，2個人share一份就啱啱好。.可能我真係太大食，我食完之後唔夠飽🤣價錢上我覺得有啲啲貴，雖然都知其實一碗拉麵錢入面其實有

今日同老公突然間好想食拉麵🍜，本來係想去 麵屋一燈 既.. 不過去到剛好撞正佢地落場時間，所以立即轉場到附近的 蔦 拉麵店。之前有睇過介紹係米之蓮1星拉麵店，不過我對米之蓮既評價無咩概念，平時亦唔會刻意去米之蓮幾星食店，因為驚呢啲被米之蓮加冕既食店會大排長龍😂（不過想食好野 要付出時間麵好正常既😆）好，講返正題先😊可能因為唔係正餐時間既關係，去到唔使等🤩！係門口落完單比完錢就可以入座等麵到👍🏼～麵到左就緊係即刻飲返啖湯先啦🤪係聞到好香既，湯頭入口唔會係濃厚肥膩個種重口感，味噌味好香濃.. 不過無乜驚喜囉😅隻旦有驚喜架，生熟程度岩岩好.. 一咬落去啲旦汁湧出黎呀🤤👍🏼（溫馨提示：要叫味噌味玉拉麵覺有旦架！）塊叉燒就真係讚唔落喇，我覺得有啲似煲完湯既肉呀😩無味又乾🤦🏻‍♀️好彩得一塊咋～最後我都成碗食晒，仲可以飲晒碗湯添，一來佢其實唔係好大碗、二來湯底係我鍾意個種，唔會好油膩而且味噌好香👍🏼！