新景園咖喱小廚

營業中

休息中

相信見到灣仔同咖喱都應該估到我要講新景園😎！好耐無黎過堂食，同同事lunch去排隊，前面大約有10幾人，但一場黎到梗係食埋先返去😛。但等等下都等左大半個鐘…天氣再熱啲既話真係搞唔掂🥵😂堂食坐位唔算好多，唔好預坐得好舒服😂，但我同同事2個，再加1個人搭枱坐4人仔枱，唔似茶記會湊齊4個人坐🤓。同埋店員好貼心俾張櫈我地擺袋💕🔅咖喱豬扒飯 ($96)佢既咖喱同豬扒都好出色，真係久唔久都想食一次🧡。豬扒炸到啱啱好，肉質鬆軟～咖喱少辣🌶但好香，唔重椰味啱我😋，雖然望落偏稀但撈飯一流見人可以叫無咁辣，咖喱望落濃稠啲，似外賣咖喱既texture(外賣平一半不過真係差好遠😂)🔅咖喱雞扒飯 ($96)第一次試佢既雞扒飯，份量同豬扒一樣都係巨扒😂，炸得幾脆，都算嫩，不過無咩調味😂🔅凍檸茶 ($21)無跟餐價，雖然貴少少，但食咖哩太重口味都係想飲杯野，同埋個0T都唔hea既🥤😌💬呢間份量係超多，又限左每人最低消費($80)，建議女士們可以叫少個飯，每人加野飲😂，或者準備定打包🥡😼

長期排長龍的小店，確實有佢無可取代嘅吸引力。第一咁忙嘅小店入面，每位店員都好有耐性好有禮貌，完全唔駛貼錢買難受、第二食物質素真係滿分，咖喱香濃，企門口都聞到流晒口水、第三份量十足，一個餐兩個人食都食得飽今次中午一點我哋兩個用咗十分鐘就排到入去，分別叫咗咖喱豬扒同咖喱雞扒。平凡嘅食材加上廚師嘅悉心製作，每啖都不平凡。豬扒夠厚身，高溫油炸鎖住豬扒嘅肉汁，加上香辣嘅咖喱，我成碟飯都食得晒雞扒鮮嫩，外脆內滑，炸得夠哂乾身。每樣都即叫即炸，真係夠晒誠意值得一提佢嘅咖喱係帶少少辣嘅，唔係日式咖喱嗰種甜嘅。