圓圓小姐 (快樂大廈)

營業中

休息中

行街行到口乾, 去左搵野飲買, 利園山道本身已經有3間台式飲品舖頭, 淨係呢間<圓圓小姐>未飲過, 所以就買杯黎試下先! 圓圓珍珠炭焙烏龍奶茶 $26茶底幾香既烏龍茶味，仲帶有淡淡既炭燒味，叫左微甜真係唔甜，無咁膩，非常好！佢既珍珠幾特別，係混珠（黃金珍珠+黑糖珍珠）兩款珍珠都煮到剛剛好，唔會太軟，亦唔會好硬，大大粒，而且仲好煙韌，而黃金珍珠口感則再腍多少少。黑糖珍珠粒粒都有滿滿黑糖味，讚～幾驚喜，下次再試佢既芝士茶！

圓圓小姐係由一位嫁到香港的台灣人妻創立，第一間店「圓圓」是開在深水埗，開業約2年後才在銅鑼灣開設「圓圓小姐」。我第一次飲圓圓嘅時候係喺深水埗嘅創始店飲，一飲之後真係唔想飲返其他嘅珍奶🤤 好可惜嘅係今年年初深水埗店就因為各種原因而無做😭😭 所以都好耐無飲過圓圓喇🥺 今次去開港島就專登去銅鑼灣飲返杯，懷念一下～好彩味道都無變🤤•🥢 圓圓珍珠炭焙烏龍奶茶 (微糖少冰) $30(大杯)圓圓珍珠即係黑糖珍珠+黃金珍珠~ 兩款珍珠飲落嘅口感差不多～但仔細咀嚼其實都分到，黑糖珍珠嘅黑糖香味好濃🌑而黃金珍珠就係單純嘅甜味🌕兩款珍珠嘅口感都好Q彈煙韌～而茶底方面有淡淡嘅炭燒味，烏龍茶味都好出，加埋奶之後飲落都好順滑！🤤仲有，奶茶同珍珠各自都幾甜，所以平時飲少甜嘅我多數都會叫微糖～但大家第一次飲嘅話建議最多都係叫少糖試咗先～•🥢 熱情鳳香優格晶球 $46 🥢 火龍葡萄優格晶球 $46第一次飲優格系列，其實係沙冰加乳酪同晶球，整體成個配搭都幾夾，不過呢個系列得大杯，所以飲完都幾飽😂 Order嘅時候，店員話係本身嘅果糖再加糖，所以我哋叫咗半糖～熱情鳳香嗰杯偏酸啲啲，但係天然水果嘅酸甜味，所以都好易接受，個人

早前黑糖珍珠鮮奶熱潮一發不可收拾，黑糖珍珠鮮奶可謂俯拾皆是，但不少都是邯鄲學步質素參差，而深水埗的圓圓卻能於眾多過江龍連鎖店中突圍而出，最近更在銅鑼灣開設分店——圓圓小姐。除了好評如潮的舊有飲品之外，新店更推出了一系列鮮果及奶蓋飲品，而配料方面亦增設了寒天晶球和奶凍等，不但飲品款式抑或是店內的粉色裝潢都充滿少女風。圓圓珍珠炭焙烏龍奶茶 ($29)招牌圓圓珍珠炭焙烏龍奶茶茶味香濃亦與奶味平衡得宜，滲出陣陣炭焙氛香更具層次；用上黑糖珍珠及黃金珍珠，另外我更加配了手作芋薯圓($6)，珍珠熬煮得香甜入味，口感比芋薯圓更加煙韌，而芋薯圓則比較軟糯，但與奶茶和珍珠共冶一爐難免難以嚐出當中的芋頭或番薯味。草莓優酪晶球 ($42)整杯分為草莓沙冰、乳酪及寒天晶球三種層次，士多啤梨酸甜自然加上乳酪更加清新，而寒天晶球有別於一般啫喱，口感結實彈牙之餘略帶煙韌，微微帶甜與沙冰和乳酪相得益彰。珍珠奶茶向來是圓圓的拿手好戲，但出乎意外地新推出的鮮果飲品亦出類拔萃，而且比起珍珠奶茶更加輕盈清爽，難怪客人甚至比旁邊兩間過江龍茶飲店更多。