名館 (黃埔天地) (已結業)

老婆近排好鍾意食中菜, 尤其係環境, 裝修同食物賣相都比較講究嘅新派中菜店, 當中我地去得最多嘅就係名館, 因為名館3間分店嘅食物都好精緻, 裝修有特色, 環境又舒適, 最重要係價錢貼地, 我地每次食每位都唔駛$200, 同一般酒樓價錢差唔多。😙今晚係北角接老婆放工之後就直接搭船去黃埔呢間名館開餐, 我地去到嘅時候雖然仲未到7點, 不過已經有唔少食客, 去到19:30左右就開始多人。餐廳裝修以木色為主, 半開放式廚房, 配以雲石餐枱, 非常有格調。😍我地因為太肚餓, 又有好多野想食, 結果叫到成枱都係, 好彩我地係坐4人方枱所以先放得落。😆姬松茸燉花膠 $58老婆好鍾意食花膠, 呢款姬松茸燉花膠味道鮮甜, 花膠大大件材料又多, 兩個人share都好夠飲。👍和麻醬雞絲粉皮 $58估唔到和麻醬帶有少少辣味, 同我地平時食嘅日式麻醬有d唔同, 味道更有層次, 非常配合滑溜嘅雞絲粉皮。 😋鮮蝦野菜春卷 $38春卷超大件, 外層香脆, 餡料有野菜同爽口嘅鮮蝦肉, 口感非常好。蜂蜜柚子蝦球 $78呢款$78嘅蝦球份量非常多, 外層薄脆, 醬汁帶有濃濃柚子味, 味道清新自然。👍私房金黃球泡飯 $68

約好姊妹sss見面，第一次到黃埔站，變左好多，好在食飯地點就近地鐵站，一上地鐵就到美食坊。名館，openrice search 過係食新派中菜，有三間分店，之前已經想試，終於卑我試到！一行五人叫左史無前例多的菜款：-陳醋珊瑚紅海蜇頭($58)鮮蝦野菜春卷($38)鮮肉一口小籠包($58)和味豬手($68)金銀絲蒜蒸勝瓜金菇($58)鮮摘蟲草花滑雞蒸飯($58)石鍋鮑魚雞粒炒飯($98)糖心黑蒜燉響螺($58)姬松茸燉花膠($58)個人好欣賞燉湯，足材料，又燉得夠火喉，分量適中，就算兩個人都可夠食，又唔會多。清蒸系列-小籠包&勝瓜&滑雞飯，熱辣辣又冇味精，勝瓜呢道菜設計都好花心思，由底開始，金菇勝瓜蒜蓉，一層層吸哂味道。滑雞飯有藜麥，好健康。海蜇頭係一道好好開胃菜。春卷好別出心裁，蝦肉好鮮。豬手有火爐加熱，Keep住熱。

名館是一間新派中菜館，之前見親友食過評價不錯，趁媽媽生日，就預早訂枱來試試。＊＊＊＊＊＊＊＊＊＊＊＊雖然當晚是平日，但想不到店內都滿座，好彩我們預早訂座。名館予其說是中菜館，比較像是點心店，底面兩頁A4大小的點菜紙上有涼菜、點心、小菜、飯麵、燉湯和甜品，選擇都算多。和麻醬雞絲粉皮($58)這裡的粉皮偏幼身，雞絲份量都可以，配青瓜很清爽，如果麻醬再多一點更好。十三香雞蛋乾($48)雞蛋乾切成小丁方，食落像豆乾帶點彈口，但所謂十三香吃不太吃得出有甚麼特別。姬松茸燉花膠($58)燉湯內有花膠、豬肉、雞腳和本菇，都幾足料，花膠夠滋補，女士最啱。燉湯夠晒入味，油量可表受，一碗都夠兩個人飲。花膠都算大塊。私房黃金球泡飯($68)泡飯奉上時放在小火爐上，所以非常燙熱，建議虔到最後先吃。泡飯約有拳頭大小，因為呈圓球形，因而得名。我們先把泡飯弄散，再多浸一會先食用。泡飯軟硬適中，不會太爛，湯沒有油，但很濃味。菜式都幾特別，有八九成菜式都是幾十元有交易，比酒樓便宜之餘又比點心店坐得舒服，食物雖然只屬中規中舉，但如果住附近都值得一試。

自黃埔有港鐵後, 真係方便好多黎探朋友都快捷咗, 願意咗XD果度最出名就係黃埔船, 而唔熟悉果頭嘅我, 搵食緊係去返呢頭啦見到有間新餐廳"名館", 食中菜, 望埋網民post出來的食物照片都唔差, 所以來試試平日晚市都有d人流, 8點都差不多人滿今晚好想飲燉湯, 於是點了一客"姬松茸燉花膠", 喂...都係$58咋仲要唔細份喎, 呢個足夠2人份量添雖然花膠只得一隻, 但入面超多料, 一打開個湯蓋超香濃味道, 連平日唔係點飲湯嘅朋友都肯飲又有雞, 又有豬肉, 又有姬松茸, 所以個湯非常清甜香濃而佢真係真材實料, 飲完唔會口渴, 相信係無味精! 推介!飲完其實都飽飽地, 再加上食埋d湯料, 細食嘅人真係一碗夠哂!呢度有小菜又有小炒, 連甜品都有好幾款, 夠多元化, 我鐘意~男友是乳鴒控, 差不多去親中菜館都會叫燒乳鴿 聽講呢隻乳鴿都出名, 上檯時熱辣辣, 好香, 仲送埋2片好cute既濕紙巾~皮脆肉嫩, 男友都讚! 鮮肉一口小籠包, 一籠5隻, 皮唔算太薄, 入面唔算太多肉汁不過入面既肉唔會實的的, 味道都夠鮮嘅, 也是合格的菜式 蜂蜜柚子蝦球, 未入口都感到甜甜酸酸的味道, 比檸檬無咁酸