Velo Italian Bar & Grill

營業中

休息中

蟹肉牛油果沙律蟹肉份量多，用少少檸檬汁調味，帶出蟹肉鮮甜味。蟹肉同牛油果一齊食好夾，推薦！  ..............................黑松露自家製闊條麵意粉軟滑，配上creamy嘅黑松露汁好夾。但係cream味比黑松露味重，自己食哂一碟嘅話會比較膩，適個兩個人share食。..............................意大利巴馬火腿火箭菜薄餅巴馬火腿一啲都唔油，唔會過咸，質地柔軟，份量亦都好多。餅底薄得嚟又有口感，邊邊位就算擺耐左都仲好脆。..............................安格斯牛扒塊扒一上枱就聞到好香嘅grill味。叫咗medium rare，肉質軟淋，而且肉味濃。配菜嘅三色蕃茄仔好甜，完全冇青味，夾埋火箭菜食好清新。..............................奧利奧曲奇蛋糕配意式香草雪糕蛋糕上面嘅朱古力醬味道濃郁，一啖蛋糕一啖雪糕令蛋糕本身甜膩嘅感覺冇哂。P.S. 餐廳好貼心，喺openrice訂枱時揀咗用餐目的係紀念日，喺冇提出過要求嘅情況下佢主動喺甜品上寫上happy anniversary

特級生蠔($48) / 黃金生蠔($28)，order左兩款生蠔，兩者海水味都濃郁，好新鮮，肉身較為飽滿同埋顏色較白既係特級生蠔。安格斯牛扒($298)，要求左7成熟，而目測亦煮出正是我想要既7成熟，哩點值得比個讚，牛扒外層熟透，內層呈鮮嫩粉紅色，用叉拮落去還會滲出少量肉汁，這樣既牛扒先係最好味，咬落軟腍亦食到牛味，外層曬左黑椒碎更加香口，醬汁亦有多款選擇，我揀左芥末醬。蒜香蟹肉幼扁麵($268)，已經拆去蟹殼，啖啖既蟹肉粒，最岩我哩d鐘意食蟹又懶得拆殼既人，幼扁麵係餐廳自家製，口感好滑溜。意式辣肉腸薄餅($188)，批底拉得夠薄焗完出黎夠晒鬆脆，芝士份量都幾足料，值得一提係辣肉腸，因為每一片都有適量厚度，食落有口感一d，而且帶出微微辣味，好食。Oreo曲奇配雲尼拿蛋糕($88)，先講賣相，朱古力醬有滴流效果，見到都已經流口水，Oreo餅沾上黃金顏色，令整個蛋糕感覺貴氣，味配方面，Oreo同雲尼拿一向係絕配，連同Oreo碎粒一齊食可增加口感。