道頓堀御好燒專門店 (K11購物藝術館) (已結業)

今日，我哋Dinner去咗食大阪燒&燒肉🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽富士山：有蘿蔔、魷魚鬚、蝦、豬肉、雞肉、章魚🐙，DIY自己整係幾好玩嘅，我哋見到佢Menu上面有嗰教學QR Code，一掃就可以啦枱面有一個計時器，但嗰計時器都幾多油，最後我哋用咗自己手機黎計時⌛️我哋一邊睇一邊整，咁都整到似模似樣，食落當然好好味啦（完全喺賣花讚花香）牛板腱：呢個好味，果然喺店舖推介牛舌：鐵板火力太勁，我哋好多塊都好易燒過龍，食落好韌CP值🌟中

呢間有得自己煮嘅大阪燒店開咗嚟香港，點都要帶爸媽嚟玩一次！之前開張過咗一排試過打去book位食夜晚，已經話book到幾個月後先有位😱今次長假期想嚟食，一於試吓午市一開舖就去排，睇下食唔食到！公眾假期開11:30，心諗放長期應該唔多人肯咁早起身去食飯，我地11:30準時到達，見到已經好多人排緊隊等食第一輪😱攞咗14號飛，但眼見全間餐廳得十幾張枱，餐廳要求90分鐘交枱，以為要等個半鐘食第二輪，好彩等咗一陣最後有叫我地入座。Order咗兩個大阪燒(道頓崛特選御好燒&富士山)，一個有麵，一個多肉，除咗大阪燒，仲有烤肉，我地再試埋上級牛肋肉同牛舌，烤肉ok，個人覺得牛舌醃得好味d。等咗好耐，今餐嘅主角嚟啦🤗！每張枱附有說明書教客人跟住步驟煮，亦有QR code可以上網睇示範短片，我阿爸阿媽成餐飯就係成日睇張説明書驚唔識整😂！跟足步驟結果都算容易，第一個餅整得比較大，當要反轉個餅煎嘅時候，鑊鏟唔係大，所以有難度，好易爛😅。第二個有經驗，將材料整個細d厚d嘅餅就易少少反轉啦！實在太好玩啦，完成後可隨意加醬汁、沙律醬、鰹魚粉同海苔粉，味道亦真係好好味😋！最後再加個厚身pancake做甜品，食落好似蛋餅