上海婆婆 (已結業)

今天約了朋友在荃灣地鐵站見面，自從綠楊坊裝修後，真係多了很多食店，朋友突然話想食小籠包，於是就選擇了上海婆婆。今日發現原來星期一至五，這裡有下午茶，都有很多選擇。自選套餐，我們點了炸菜肉絲麵加一個點心，點心選了有兩隻小籠包，加$12 有雞絲粉皮。如果一個人嘅話，選點心套餐份量剛剛好另外炒粉麵套餐，點了婆婆粒粒炒飯，個人覺得炒飯太肥膩唔夠乾身。每個套餐都會送凍豆漿，遺憾沒有熱豆漿選擇，但整體嚟講，這個套餐幾抵食。

晚餐時間就黎呢到食我地三個人嗌左小籠包、醉雞、白菜仔、擔擔麵同黃金炒飯小籠包皮薄多汁，唔錯幾好食醉雞面頭既雞肉就冇咩味，係底既就濃味好多，濃d既雞肉會好味好多雞肉唔會硬，腍腍的、都唔錯擔擔麵冇咩味，我個人覺得可以再濃味d另外麵就過腍，不過整體黎講都接受到而屋企既老人家就覺得好味，因為麵夠腍同唔會太濃味黃金炒飯有好多咸蛋黃、炒到乾身，飯就粒粒分明，可惜咸左少少之前食開婆婆炒飯，我覺得都係婆婆炒飯好食d

暑假日子真係日日精彩，除左做媽媽嘅我要去諗一連串嘅活動之外，連佢地所有親戚都會一齊諗下安排咩節目比我三個妖怪，好等佢地唔洗白白浪費左個暑假。星期一，佢地嘅二伯公就一登請假去陪佢地去玩，玩到下午2點幾肚餓啦，就決定去醫肚啦。因為我地去完金鐘返荃灣，所以決定近近地係綠楊食算，我隻大妖怪見到呢度有小籠包食就大叫話要食呢間。可能因為係星期一嘅下午時間，所以冇咩人。一坐低全程由我二伯父拍板。黃金炒飯：即係咸蛋黃炒飯，咸咸香香咁，飯粒分明唔會痴埋一齊。但蝦仁就好大陣雪味。上海粗炒：炒得好香，味道剛好，但好少肉絲，可能係因為下午茶餐關係？！三鮮湯年糕：湯底算鮮但偏淡，可能係我先入為主左上海菜係比較濃味，三鮮有火腿，雞粒同蝦仁，蝦仁一樣係好大陣雪味，但其他都唔錯，d菜加埋個湯底食係好甜。炸春捲：好香脆，入面嘅餡都好味，冇肉嘅（啱哂我個2個唔中意食肉嘅妖怪），入 母中有蘿蔔絲，木耳，沙葛等。小籠包：湯汁都算好味但偏少，肉好淋好夠味，所以2個大女都食唔停，皮厚少少但都可接受。下午茶算抵食，如果係當午餐食個份量可能就唔夠飽了。另外每個飯/面餐都會送豆漿一杯，豆漿唔會太甜但飲得出係唔夠豆味。

綠楊坊2樓越棧對面以前是南翔小籠包，開張初期人流很多，到最後客人寧願站在門前等位吃對面的越棧也不踏足空空如也的南翔，有一次在午飯時段我硬著頭皮去南翔，終於知道為什麼它會沒落：食物質素差，服務態度更差。不久南翔小籠包便結業了，是預料中事。沒想到在同一地點居然開了同樣是經營滬菜的上海婆婆，原本以為隨著南翔小籠包的倒閉，這裡應該會開設其他類型的餐廳，免得重蹈覆轍嘛。偏偏又來了個上海婆婆，多說無用，試過才知道真偽。當日是下午茶時段，店內客人满多的，我的座位是中間的二人檯。雖然店家有提供下午茶餐，不過我仍未吃午飯，向店員查詢後決定還是點午飯套餐，因為午餐的份量比茶餐多，而且午餐可以選擇跟小籠包，茶餐就沒有小籠包這個選擇。我點的是婆婆擔擔麵加小籠包，價格是$63，後來媽媽也來join我，她點了茶餐的擔擔麵配芝麻餅（$48)，還贈送一杯凍豆漿。午市的擔擔麵比茶餐的多1/3左右，碗也較大。擔擔麵帶著濃厚的花生和麻醬香氣，基本上沒有辣味，倒是很開胃，麵條有彈性，不會太冧太生，麺越吃越好吃，應該是手拉的。小籠包也是上品，皮薄餡鮮，用筷子夾起，原來每個小籠包底下都放了一片薄瓜，有這層薄瓜墊底，小籠包更容易夾

今日和太太往荃灣上海婆婆食上海菜, 我們點了清炒白菜仔, 雲吞湯拉面、婆婆炒菜飯、糖醋魚塊、小籠包和凍豆漿。清炒白菜仔菜好新鮮,炒得爽口乾身, 食落不會太油膩；雲吞湯拉面雲吞皮薄餡靚, 雲吞肉汁鮮甜味美, 拉面食落爽口, 湯底好清甜, 配埋蛋絲, 荷蘭豆和蔥花食落口感豐富, 蛋絲好香滑, 荷蘭豆爽口清甜和蔥花則帶出湯底的鮮味, 味道不俗的雲吞湯拉面；婆婆炒菜飯, 菜飯炒得乾身, 食落不會太油膩, 菜飯配上火腿粒, 火腿粒味道剛剛好, 不會太咸, 份量十足的菜飯；糖醋魚塊賣相一流, 糖醋魚肉質鮮嫩, 好開胃, 配菜有青椒, 紅椒、洋蔥和菠蘿, 青椒和紅椒食落爽脆, 洋蔥爽口,菠蘿清甜開胃, 送飯一流；小籠包熱辣辣, 皮薄肉汁鮮甜, 湯汁味道香濃, 好好食；最後凍豆漿甜度適中,豆味香濃。餐廳環境舒適, 食物美味一流, 其中婆婆炒菜飯,糖醋魚塊和小籠包好高水準,質素甚高的上海菜

難得有家人由加拿大返港，咁咪出下街食下飯，我地因爲要就一就老人家，所以去左綠楊食飯，家人偏好食上海菜，近近地冇得揀就決定黎食上海婆婆。蒜泥白肉：幾好味，但腩肉真係好薄.....個汁好味，但有別於我食過其他地方嘅蒜泥白肉，但好少蒜同埋係唔辣。鍋貼：皮好厚個底部亦冇煎到香脆，上檯時只係溫暖唔係熱，差不多四十蚊一碟得3隻...仲要唔好食。炸醬麵：面條係一舊舊痴埋，但個炸醬幾好味，不過都係一樣好細份。咸蛋炒四季豆：呢個係全晚最好食嘅餸，起哂沙一樣嘅咸蛋黃包住每一條四季豆，但又唔會奮咸，好惹味。上海粗炒：好咸，好多汁係底，成碟面好濕，菜多少肉，一隻手可以數到有幾多肉係入面。小籠包：呢個不過不失 但唯一都係唔夠熱，入面嘅上湯係夠嘅，肉嘅調味都剛好。 鱔糊炒年糕：好重味，好大陣胡椒粉味，令人食完要飲成杯水先得。生煎包：同鍋貼一樣冇煎到個底香脆，一樣只係暖而唔係熱，入面嘅肉好細，成個包都比一般出面食過嘅細。上海炒面：同粗炒一樣冇咩配料，佢再用上少少豆瓣醬去炒，所以比起粗炒更咸。南瓜餅：一碟四個，面頭有椰糖，入面係紅豆蓉，塊皮係南瓜搓成，南瓜味係完全食唔出，似係一舊粉糰比人拎去煎。我知係香港食上海菜普遍

每隔一段時間總會心癢癢地想吃小籠包，剛好路過看到新開的上海婆婆，當然要嚐嚐。「歡迎光臨」，雖然場內已有不少客人，但他們仍一視同仁。跟朋友兩位坐在小雅座裡，剛好能看到全場。餐廳裝橫別緻，像帶人回到七、八十年代上海廳中。帶點嬉皮士感覺的水晶燈配上古銅色的鏡子增添懷舊的味道，舒適的環境令人食慾大增。小籠包、鍋貼是必點的。翻開菜牌，精美的菜餚琳瑯滿目。菜牌的分類也算清晰，輔以圖片，相信可以幫助我們在花多眼亂的時候做個抉擇。花了點時間，終於有了決定：前菜來個四小拼，點了個雲吞雞，主菜要了素菜叉子、松子魚、開洋拌麵，當然不少得小籠包跟鍋貼。四小拼包括肴肉、燻魚、鎮江小排骨和烤夫。烤夫甜度適中，有咬勁又鬆軟。燻魚鬆化入味，鎮江小排骨，酸甜醒胃。不得不提是那肴肉，晶瑩通透，瘦肥分佈均勻，入口即融，給人一種清爽的感覺。這是一道不錯的開胃菜。素菜叉子，粒粒分明，包在叉子之中，一口令人感覺富足。至於雲吞雞，金華火腿的香在口腔中迴盪，湯味鮮濃，膠質豐富，雞肉儘管經過長時間的烹煮也不失其嫩滑。雲吞皮不厚，大小適中，配以小棠菜，添上一份清新。松子魚，雖不算傳統上海菜，但圖片太吸引了。上菜的時候，一點都沒有「走樣」