堅信號上海生煎皇 (形點 II)

營業中

休息中

之前已經去過幾次呢一間堅信號食嘢。最主要係食物唔差，價錢實惠同埋抵食👍今次帶埋小朋友去食，發現原來佢而家有兒童餐。小朋友見到即刻話要叫兒童餐食。佢個兒童餐係用一個飛機型嘅碟承載住，好得意。😍如果享用兒童餐，餐廳會送一份小禮物俾小朋友。本身我都唔記得有一份小禮物，之後有一位員工俾份禮物我小朋友，我小朋友望一望個袋入面份禮物。佢超開心超鍾意 ！😍入面有一支七彩繽紛嘅顏色筆，有齊晒好多種顏色的。好靚！份兒童餐本身都好平，好抵食。冇諗到仲有小禮物送俾小朋友。小朋友見到份小禮物，食嘢都食得開心啲！😊下次都會再嚟呢間食兒童餐。😄

食物好味👍員工服務態度好好。我叫咗一個兒童餐比我小朋友。本身都唔記得有一份小禮物。之後有一位員工俾份禮物我小朋友，我小朋友望一望個袋入面份禮物。佢超開心超鍾意！😍入面有一支七彩繽紛嘅顏色筆，有齊晒好多種顏色的。好靚！份兒童餐本身都好平，好抵食。冇諗到仲有小禮物送俾小朋友👍 下次都會再嚟呢間食兒童餐。

東奔西跑咗一日9點幾先有得食晚餐係西鐵站商場求其買啲嘢嘢食唔想諗，直接問收銀姐姐有咩推薦.佢推薦咗個胡麻五彩冷麵+3隻紅油韭菜餃套餐（$65），飲品($6)同酸辣湯($12)要加錢，我再另加咗兩隻小籠包（$14），埋單$97對我嚟講有少少重口味🤏🏻但味道係唔差嘅，不過不失啦飽肚嘅，個胡麻冷面睇落得份量好少，但因為醬汁好Rich，所以其實好滯.只係以$97嚟講，呢個份量，真係有點少🤦🏻‍♀️

下午肚餓諗住食少少野，睇網上食評話唔錯，所以同friend一起去試下生煎包。個招牌生煎包係OK既，裡面既肉餡份量夠，都有少少湯汁，皮唔會好厚，物超所值，真係好好吃，不愧係招牌菜。炸醬麵面底OK，但個炸醬真係好鹹，太重口味，我個人本身都係偏淡，所以唔係好鍾意呢款。上海粗炒麻麻地，好一般既食物，雖然知道炒麵會好多油，但係都係頂唔住，味道一般般。酸辣湯麵同炸醬麵好似，面底OK既，都係個酸辣湯好鹹，但酸辣味係足夠既，如果口味唔係好淡應該會鍾意。黃瓜同雞翼幾好味，黃瓜爽口，雞翼入味，值得試下。而小籠包有湯汁，幾好味，但生煎包會好味過佢。總體唔錯，生煎包同小籠包可以一試。

生煎包外表吸引，但內裡的豬肉不夠香嫩。菜飯換咗三次都係生硬，好難食。酸辣湯水餃（6隻），同生煎包餡一樣係豬肉，湯唔夠熱，餃皮爛溶溶。最好的就是冷小食鷄絲粉皮，好香芝麻醬味。小籠包即叫即製，餡料普通，都係豬肉。芝麻鷄翼夠熱，但唔知點解加了孜然，好似食串燒羊肉就加呢香料，味道有啲怪怪地。熱水和熱飲的豆漿夠熱，服務員態度有禮換咗三次飯都臉帶笑容。下次未必再來，因為價錢都未夠貼地。$18兩隻鷄中翼，中式酒樓$40都有八隻，仲好好食𠻹。