花椒八角

營業中

休息中

曾經有素友响 IG 同我傾開，問東涌有咩素食選擇，果刻真係答唔到，不過而家有喇，就係位於東涌達東路花園嘅「花椒八角」。🌶️💠公園之中如果有嘢食賣，一般都係小食亭賣吓燒賣，魚蛋，汽水咁，估佢唔到有間餐廳，仲要係川菜館，竟然仲有素食餐牌？😱心諗個餐牌如果有四五款素食揀都唔錯喇啩？望一望，前菜，小食，招牌川菜，湯羹，豆腐，蔬菜，麵飯，甜品，總共六十款素食選擇，我電話個 mon 太細爭啲裝唔哂個餐牌添，係時候要換手機。🤣菜式如果有需要走蛋，蔥，蒜，韭菜，或者有任何特別要求都可以同職員提出。辣度都可以揀喎，大中小辣，甚至走辣都得，即係連 BB 辣都食唔到嘅素友都可以同嗜辣嘅朋友一齊食飯。😋🤝🏻作為專做川菜嘅餐廳，佢哋菜式嘅辣同麻當然做得好出色，就算我本身唔係好食得辣，都覺得辣得好過癮。🤤🤤餐廳雖然唔响東薈城入面，但其實地鐵行過去係唔難（如果一個路痴同你講一個地方唔難搵，就真係好易搵 😂）。我要強調呢點係因為，試過响東薈城繁忙時間搵食就知道係幾困難，稍為平啲同好食啲嘅餐廳都要等位，何況仲要搵有素食嘅餐廳？所以去開東涌玩或者 shopping 嘅素友都值得過嚟呢度試一試。👍🏻

幾個舊同事一齊收工就去聚一聚舊，東湧海傍附近有一間有酒又坐得舒服的川菜店，就吃個晚飯。川辣茄子，一道色香味具全的佳餚，其鮮嫩的茄子搭配川辣特有的麻辣味道，令人回味無窮。生炒牛肉飯，牛肉的鮮嫩多汁與香氣撲鼻的米飯完美結合，每一口都是滿足感的極致體現。乾扁四季豆，這道菜色澤鮮亮，口感脆嫩，四季豆的自然甜味與乾香辣椒的微辣相結合，簡直是下飯神器。烤魽魚（青椒清香），魚肉鮮美多汁，搭配清新的青椒香味，而且有不同的配料，烏冬、萵荀、金菇等。最後，每人一杯清冽的Asahi啤酒，是這一餐絕佳的收尾，其爽口的泡沫與淡淡的麥香，平衡了辛辣與鮮味。