有口福

營業中

休息中

天氣咁熱冇咩胃口，朋友異口同聲都想食酸菜魚刺激一下味覺。九龍城打鼓嶺道這間「有口福」開業多年，環境都有點歷史，但菜式依舊味道如一，每次去到都見到不少街坊、熟客捧場就知道極受歡迎。酸菜魚店家嘅招牌菜。也是少有用成條魚起肉再連魚骨魚翅部份，所以湯底特別有魚味👍🏻 魚肉嫩滑，配料豐富，有粗粉絲，酸筍，芽菜。干扁四季豆勁有鑊氣，四季豆夠乾身，肉粒鹹鹹地又有蒜香，送飯一流！酸辣腰花橙色和青色嘅辣椒又爽又辣，非常醒神。腰花厚薄適中，入口好爽，配以帶少少酸嘅辣汁好開胃惹味。加入左酸筍，夠晒風味！分別有中式和西式涼茶降降溫😁海蜇海蜇入口爽脆，撈勻芫荽和青瓜絲，夏天吃最適合不過。店家仲有好多招牌地道菜式，水煮魚，烤魚⋯⋯已經諗定下次嘅目標小菜😋

好朋友早已食過九龍城的「有口福」，特登帶我嚟食酸菜魚。餐廳位置都好易搵，訂咗6:00晚飯時間，已經有客人食緊飯了。我就坐低等食，朋友負責點菜。酸菜魚$188 （少骨）講到明少骨，真係每一口都係嫩滑嘅魚肉，好足料，芽菜吸晒酸菜魚湯，採用粗粉絲而不是木薯粉，更滑。兩個女仔可以食晒成盤，就知道非常美味。辣炒萵筍絲$68萵筍絲每一條切得均勻幼長，味道不太咸，剛剛好，成碟食清光。干扁四季豆$58 好夠獲氣，辣辣地好過癮，又一碟清光。孜然寸骨$108 呢碟好驚喜，用真的孜然，而不是用孜然粉，看得到廚師的認真用心。整餐晚飯都好滿意，價錢合理，性價比高，店員親切友善，與食客有講有笑，香港正需要一間有人情味的小店。下次一定再幫襯，食烤魚。