BRICK LANE (利園六期) (已結業)

Brick Lane處於禮頓道與邊寧頓街交界，稍稍偏離了最繁喧的銅鑼灣中心。喜歡它簡潔浪漫的裝潢，早就想來吃了。果然由環境、食物、服務都是一絕。二人晚餐卻有太多想吃的了，最後點了一個套餐、燉牛肉和玉米片。套餐前菜為巴馬火腿配芒果莎莎，芒果清甜可口，與巴馬火腿的配搭十分新鮮醒胃。 主菜燒豬手的皮極香脆又煙韌，肉也保留了肉汁沒有變乾，但只可惜豬手有些臊味。 酥皮黑啤燉牛肉的酥皮充滿牛油香味，黑啤入饌後並沒有原來的苦澀味，效果與紅酒汁相近，微酸又帶回甘。牛肉燉得鬆軟，這道菜真的十分適合配上飯或是墨西哥薄餅。 至於焗芝士玉米片(碎牛肉)沾上幾種醬汁加上肉碎，味道豐富，食得停不了口。 我們點了一杯叫Child Only的Mocktail，後來才發現原來是沙冰，酸酸甜甜的很好飲但太細杯了。值得一提的是，店員很熱心有禮，絕對為是次餐飲體驗添了分數。Brick Lane有幾間分店，下次再到另一間品嚐美味 

收工想喺銅鑼灣食餐寫意既飯，唔想同人逼，見網上呢間評語唔錯，就特登黎食。可能因為平日，唔多人。餐廳給人一種高格調，舒適的感覺。值得一讚既係呢度既侍應好親切，好有禮貌。會好似朋友咁推介食物。其實花多眼亂，最終同朋友各叫左一個set dinner. 前菜-巴馬火腿配芒果莎莎。火腿捲住芒果，好味餐湯-大蒜薯蓉湯。另外點左杯無酒精雞尾酒--Blackberry Earl Grey. （$68）主菜-德國燒豬手。皮燒得好脆好香，好好味。絕對高水準。侍應好細心將豬手切好再上枱。等我地食得方便唔費勁另一主菜-香烤野生鱈魚柳。啖啖肉，魚皮烤得又脆又香，底下仲有薯蓉。份量好足，好飽，好滿足。但甜品又係另一個胃，所以又嗌左個Vanilla ice cream pancake. 細細個份量剛好。雪糕配pancake, 絕配。呢間絕對係一間高質素既餐廳，希望下次再過黎食佢另一個推介食品-啤酒雞。