Nardo's Cafe (已結業)

朋友介紹我嚟呢間cafe 聚一聚，同佢share一齊食，食物同環境我都好滿意忌廉蘑菇湯 (Dinner set +$14)好特別嘅一個忌廉湯，磨成茸一粒粒非常有口感，好鐘意佢既味道香蒜忌廉蜆肉煙三文魚意粉蒜香味好重而且好creamy，蜆肉同煙三文魚份量都好多，特別喜歡食啲蜆肉，比滿滿既汁浸住蒜香雞翼用半煎炸既方式烹調，香而不膩。雞翼二邊都煎到金黃色，外表香脆但內層有鎖住肉汁。調味方面唔會似外面咁鹹，更加能夠突顯蒜蓉嘅香味，而且蒜蓉都炸到脆卜卜墨西哥雞翼total 都係有8隻，隻隻都大大隻啖啖肉，上枱既時候噴晒煙，係即叫即整。雖然佢睇落好似水牛城雞翼，但唔同既係佢無咁酸，不過就一樣辣度十足特濃芝士薯條有少許拉絲，感覺有啲似薯蓉會比較淋啲，不過個芝士整得好香濃幼滑，融入左係啲薯條度原味朱古力 (dinner set +$10)有香濃既朱古力味，味道適中唔會太甜，我朋友都好鐘意呢度沖既朱古力oreo 朱古力曲奇奶昔口感幼滑，帶少許碎朱古力，感覺有啲似麥旋風，都幾喜歡呢個奶昔既口感同味道我覺得呢度係個三五良朋知己共聚一堂既好地方。枱同枱之間有一定嘅距離，所以環境唔會好嘈，而且有好多board

Nardo’s Cafe係位於一間油麻地嘅樓上cafe💛 地方唔算好大，一入門口就見到一個架，裝滿咗唔同種類嘅board games🤩 Cafe裝修係以紅白色做主調，仲有唔少梳化位，都幾適合同朋友坐一個下晝傾下偈，玩下board games👍🏼 值得一讚嘅係老闆娘/侍應嘅服務態度好好，好熱情咁招待客人，又會定期收走唔要嘅碟，仲好鼓勵客人將食唔晒嘅食物打包，減少浪費👍🏼•📸 二人套餐 (頭盤+特色小食+主菜 +甜品+飲品)$338 🥢 頭盤：忌廉蘑菇湯頭盤可以沙律或者蘑菇湯，不過我同朋友2個都揀咗湯～個湯嘅忌廉味比蘑菇味濃，黑椒味都幾濃，仲有好多蘑菇粒粒，但質哋唔算好竭，好濃厚～•🥢 特色小食：蜜糖雞翼拼芝士薯條套餐嘅特色小食係固定嘅～蜜糖雞翼煎得幾香口，煎好之後加上蜜糖，蜜糖味唔算好突出～芝士薯條係普通炸薯條再淋上大量芝士醬同少少炸蒜粒，但芝士味真係唔算好濃喇～•🥢 主菜：忌廉菠菜煙三文魚長通粉主菜係5款意粉/飯入面揀1款，份量係2人份，不過大碟到2個人都唔係好食得晒🙈意粉係即叫即焗，熱辣辣加埋大量芝士🤩 食落就忌廉味幾濃，菠菜同煙三文魚嘅份量都唔少，不過成個汁嘅味道有啲太甜，比較膩😬

今日約左個fd去呢間cafe，聽講老闆娘好好人，今日上到去都感受到佢既熱情好客，menu仲要好吸引，好多野都想食，我朋友都幾大食，所以大家想食咩都照嗌，佢會包底🤣首先同朋友叫個dinner set，黑松露海蝦帶子意大利飯，黑松露嘅香味融入左係啲飯度，啲飯好似有芝士咁，互相黏住仲有拉絲，入邊仲有啲配料例如洋蔥青椒同菇，感覺健康又好味，仲有主角既帶子同蝦都爽口彈牙。+12有忌廉蘑菇湯，有香草配搭香濃幼滑忌廉湯，真係令人回味。+15有朱古力蛋糕，個甜度我好喜歡，因為唔覺得佢好甜但有朱古力既香濃。+12跟薄荷朱古力，薄荷感十足又不失朱古力既濃味，口感清涼。一個話想食墨西哥一個話想食蒜香，咁就唯有嗌哂兩個。原來雞翼一碟有8隻，感覺幾抵食。墨西哥雞翼有少許辣味，好有特色風味，滿滿嘅特色醬汁包圍住嫩滑既雞翼。而蒜香雞翼，蒜味好香濃乾脆，雞翼外脆內軟好滋味。仲嗌左肉腸拼盤（小），雖然佢有比到醬我地，但我覺得唔需要點醬都好好食，有腸嘅肉汁係裏面同香腸既甜味，腸皮好脆，肉質好嫩滑，四款都好食！吉烈黃金蟹鉗，最好係會比勁多沙律醬，唔會驚唔夠點，外面就夠脆，如果入面既蟹肉可以再嫩滑d就更好。見到呢度有好多bo

朋友約我到位於旺角的樓上cafe ～ Nardo's Cafe 食晚餐，入到店舖裏面裝修似紅白色為主， 餐廳佈滿了玩具裝飾， 還有一些board game 提供給客人。 餐牌上的食物種類有小食，主菜，甜品和飲品。 當晚我們點的菜色有肉腸拼盤 ( 迷你司華力腸，意式香葉腸，迷你牛仔腸，熱狗腸）$168， 意式茄醬燴肉丸$68， 日式蛋醬蟹條雜菜沙律$88， king國王$42 （ 檸檬汁，利賓納，梳打）， 士多啤梨奶昔$49， 芝士忌廉雞肉闊條麵$115， 忌廉蘑菇湯$12， 藍莓芝士蛋糕 $15。King國王～ 味道偏淡， 帶點微酸。士多啤梨奶昔～ 入口香滑， 推介這杯飲品。忌廉蘑菇湯～ 味道偏清。日式蛋漿蟹條雜菜沙律～ 沙律菜份量好多， 蔬菜新鮮。意式茄醬燴肉丸～ 意式肉丸是大人或小朋友都喜歡的小食， 啖啖肉配酸甜番茄醬好好味。肉腸拼盤 ( 迷你司華力腸，意式香葉腸，迷你牛仔腸，熱狗腸）～ 點了大的份量， 如果喜歡吃腸仔的朋友，可以選擇這一個菜， 每一款腸都有兩條份量很多。芝士忌廉雞肉闊條麵～ 闊條麵的質地適中， 芝士忌廉香濃帶點甜。藍莓芝士蛋糕～ 最後到香濃的芝士蛋糕， 好豐富

-黑椒汁牛柳粒飯😎（$99）牛柳粒好多，而且好大粒，配埋黑椒汁就岩岩好😆牛柳粒食落好軟腍，不錯👍-蜜糖雞翼🐥（$58）蜜糖雞翼好好味，甜甜的，雞肉都算大隻，外脆肉嫩，好鍾意蜜糖雞翼-日式餃子🥟（$53）估唔到餃子都幾好食，一共有😍8隻餃子🤤，有好多木魚絲係餃子上面，味道好似食章魚燒，口感不錯😘-鮮雜菜沙律配日式蛋醬 （+$10）沙律好Fresh，不過份量比較少，有蕃茄🍅，沙律菜，青瓜🥒，粟米🌽等等，蔬菜都好新鮮😘-忌廉蘑菇湯（+$12）依個蘑菇湯嘅味道好濃，有好多蘑菇，十分香，飲落好Creamy，十分足料，依個真係忌廉蘑菇湯真係好好飲😍-特濃朱古力蛋糕🍰（+$15）朱古力味真係好濃，唔係好甜，口感軟綿❤️-藍莓芝士蛋糕🍰（+$15）芝士味好香濃，餅底整得不錯，成個藍莓芝士蛋糕都好美味😋-金橘綠茶🍹（凍）（$30）味道酸酸的，飲落好開胃☺️-玫瑰綠茶🍹（凍）（$36）玫瑰味好香，飲落唔會太甜😀-

早排約左屋企人出去傾屋企裝修的野，為左可以坐耐D，又有wifi，我們最終決定去旺角的樓上Cafe。不過我一向對樓上Cafe食物的質數一向有所保留，曾試過係去同類餐廳食物唔夠熱、食物淡而無味等問題，不過今次Nardo's Cafe的水準我係滿意的。我們三個人唔算太肚餓，最後決定要兩份Dinner Set，再加兩份小食齊齊Share。鮮雜菜沙律配日式蛋黃醬的份量比相像中大，配料都係沙律菜、車厘茄、青瓜。整體都幾新鮮，菜夠脆身，車厘茄又夠甜。如果你鍾意飯連鎖薄餅店的磨菇忌廉湯，你應該會鍾意呢到的忌廉蘑菇湯。蘑菇量多而厚，忌廉湯的忌廉味又香又濃，係口感好Creamy的湯。魷魚圈炸得黃金又夠乾身，唔會成隻油鴨咁。另外，魷魚圈的皮唔算太厚，整體食起黎外面鬆脆，內裏彈牙。蜜糖雞翼唔會太肥，味道甜甜地，焗得又香又均勻的雞翼好容易會食多左幾隻。黑松露海蝦帶子意大利飯煮得剛剛好，Creamy之餘又夠乾身。海蝦及帶子雖然唔算好大隻，不過都幾彈牙，口感ok。此外，意大意飯應該加左少量芝士去煮，食的時候會有少許拉絲。鍾意忌廉汁的你，仲可以選擇忌廉波菜煙三文魚長通粉。由於長通粉比較掛汁，加上份量不少的三文魚及少量

同女友出旺角諗住行陣街再食飯，奈何今日天氣真係好熱，再加上旺角長期累月都好多人，所以我地最後選擇搵個可以坐耐少少既地方食飯。要坐耐啲非cafe莫屬，然後醒起以前去過間cafe都唔錯，所以就決定黎左呢到。門口簡潔清新。我地每人叫左一人餐加小食。先黎左杯荔枝玉露，唔係好甜，大熱天時飲返杯清爽飲品，即刻降温。另一杯叫王子，因為係幾款果汁溝埋既沙冰，所以會係偏甜，不過味道唔錯。忌廉蘑菇湯，好香蘑菇味，一飲以為係加左黑松露，但飲真啲係好濃既蘑菇味，好好味！沙律唔少，亦都好新鮮，加上蛋黃醬無咁寡。蜜糖雞翼，熱辣辣出黎外脆內軟的，蜜糖味都好夠。忌廉菠菜煙三文魚長通粉，好大碟，因為有啲菠菜一齊，所以都唔會我好濃既忌廉味，令碟粉無咁咸，而啲粉都幾煙韌。黑松露海蝦帶子意大利飯，小弟的最愛意大利食，啲飯好香好creamy，蝦都好爽口。特濃朱古力同藍莓芝士蛋糕，一人一件自己食哂，我食朱古力甜得黎一啲都唔流，建議大家揀呢個。

今晚放工同好姊妹去左間旺角樓上CAFE閒聊食餐Dinner, Cafe提供唔少card game供食客借玩,設有幾張大檯, 岩哂一大班朋友聚會。menu上食物款式唔多, 反而飲品種類多選擇。除左散叫, 仲有set dinner 同 2人餐選擇。我地各人點左一個set dinner 同埋 share左一個小食炸物併盤, 勝在一個價錢食到不同款既小食。set dinner 加HK$12 ORDER左個忌廉蘑菇湯, 味道似金寶罐頭湯, 但入面既蘑菇係好足料, 超多蘑菇, 唔錯!餐飲就補錢order左個 Oreo milk shakemilk shake 很幼滑, 杰杰地, 唔會太甜【黑松露海蝦帶子意大利飯】HK$125意大利飯不會是生米粒口感, 飯質軟棉帶黏性, 黑松露不太突出, 隻蝦幾爽, 帶子不算鮮甜, 整體沒有想像中的濃郁味道, 喜歡食清清地既朋友可以一試。【西班牙芝士焗海鮮意粉】HK$108相反呢個set dinner 味道重口味一點。淡淡芝士味, 海鮮包括有青口、魷魚、海蝦同埋三色椒, 賣相很吸引。意粉軟硬岩岩好, 而且份量好多, 甜中帶微酸, 如果海鮮份量再多一點平衡一下會更好。

自1951年起已舉辦的日本紅白歌唱比賽是每年日本歌壇的盛事，一眾歌手施展渾身解數，是我小時候很喜歡看的節目之一。也許因為這樣，每次我看見「紅白」這樣的顏色組合，也不其然想起這個節目。這天來到以紅白為裝修主調的Nardo's Cafe，門面看起來簡單順眼，十分舒服。門邊放滿了不同的Board Game和Figure，讓人有種童心未泯的感覺。餐廳的裝潢十分有心思，餐牌的設計也美觀十足，可謂誠意十足。值得一提的是，餐廳的桌面是以小格子設計，不其然讓我想起小時候在大廈平台與友人玩樂時看見牆上的磚塊，回憶湧上心頭。附套餐加$10配送的忌廉蘑菇湯份量十足，十分鮮甜香濃！裡頭的蘑菇又多又大，只消$10便可喝到這樣美味的湯品，十分高質。這道小食炸魷魚圈可說是令人喜出望外。炸得金黃色的外皮，咬起來爽脆可口而不油膩，而且價格相宜，是不錯的選擇。繼炸魷魚圈後，這道蜜糖雞翼是另一道令我滋味無窮的菜式。雞翼的肉質鮮嫩，與外皮的蜜糖味道互相形成一種特別的口感，很有開胃的味道。作為食牛之人，我選擇了黑椒汁牛柳粒飯作為我的主食。圖中已可看出牛飯的比例各佔一半，牛柳粒口感十分好，把甜甜的醬汁混和白飯一起吃下，有種五味雜

每次同朋友聚會都會選擇樓上café， 今次就黎到旺角的<Nardo's Café> 呢度的環境寧靜，座位設計闊落， 可以同朋友好舒適地傾下計、玩下board game。 野食方面選擇都好多，味道絕對唔差， 呢晚我同朋友點左個set dinner，再散點左d小食一齊share~ 小食點左我最愛的<特濃芝士薯角>，亦可以選擇薯條， 滿滿香濃的芝士醬，上面係粒粒的炸蒜茸 新鮮即炸，香噴噴熱哄哄~ <墨西哥雞翼>  醬汁酸酸辣辣，十非惹味， 雞翼大大隻，肉質嫩滑，絕對要試啊! <忌廉蘑菇湯> 跟餐+HK$10 蘑菇味超濃郁，質地偏稠而creamy 湯料十足，啖啖蘑菇肉~ set dinner選擇左<黑松露鮮蝦帶子意大利飯> 有齊我的最愛，光賣相已經非常吸引， 飯粒的口感煮到岩岩好，每一啖散發出淡淡的黑松露味， 仲有大大隻的蝦，新鮮彈牙， 帶子雖然迷你但好鮮甜~ 飲品方面我就跟餐+HK$15點左<雪山玫瑰> 女仔一家大愛的粉紅色，用左乳酪、玫瑰汁、調製而成， 陣陣的玫瑰花香味，檸檬

去完信和增加完戰利品收藏後，當然要去吃晚飯。最近信和當然是來旁邊旺角新城，加上nardo's cafe近來網上火紅得很，當然自己也要追貼潮流來試試。因為口渴極了，想來點滋潤，所以加了10元添加這忌廉蘑菇湯。整碗忌麻湯喝起來滿濃郁的，同時搭配現切的新鮮蘑菇調製，淡淡的蘑菇香氣令人有種幸福的感覺。炸魷魚圈看似飽滿酥脆，不過入口後略嫌有點偏乾，魷魚圈也有眼看那麼肉厚。如果沒有沙律醬的滋潤下，魷魚圈應該會更乾吧。忌廉菠菜煙三文魚長通粉粉紅的三文魚，綠色的菠菜，雪白的蘑菇，鮮黃的長通粉，顏色漂亮，整碗長通粉引起食慾。煙三文魚本身帶點煙燻味道，吃起來風味特別，和忌廉汁一同入口，呈現柔和，溫順的煙燻味。三文魚本身味道稍微鹹鹹甜甜，和長通粉，菠菜，蘑菇混合吃，口感層次豐富，混在一起品嘗也不會顯得突兀，滑順入口。黑松露海蝦帶子意大利飯富黑松露香氣，野菌口感多汁，份量不少的鮮味海蝦與帶子在意大利飯坐鎮更是錦上添花，意大利飯粒粒分明不過於軟爛。我點香蕉朱古力，朋友則點oreo朱古力曲奇奶昔。香蕉朱古力一入口就可以感受到濃濃的香蕉味，交織著甜美的朱古力，喝起來不太甜膩，味道挺不錯的說。朋友深深愛上oreo朱古