グリル滿天星

營業中

休息中

幾乎每次行過海港城, 都會見到滿滿嘅人群喺呢間鋪外聚集等候, 所以一直都好想試吓, 一嚐呢間日本過江龍嘅蛋包飯🤩適逢shopping後有海港城dining coupon所以就去試吓👍🏻 揀咗星期一嘅收工時間去食本身預算要等起碼一個鐘我大概6:45pm到達, 前面仲有7個numbers, 估唔到最後等咗半個鐘就入座了, 比我想像中快坐低咗就嘟QR code 自己落單, 用餐時間係90分鐘同朋友order左三個items 1. 肉汁漢堡扒蛋包飯的確塊漢堡扒一咬落去係幾淋滑同有肉汁, 但係整個飯真係無乜特別, 蛋嘅部份亦唔算好厚身, 上菜時溫度亦唔係熱辣辣真係試過一次就足夠😅2. 忌廉蟹肉餅反而呢個小食比蛋包飯更好食好耐未食過呢浸味👍🏻忌廉蟹肉餅外皮夠薄,夠鬆脆蟹肉餡料十分creamy😋😋配菜嘅薯蓉都好出色3. 咖啡奶昔呢個無影相, 都幾好飲, 咖啡味濃總結係蛋包飯認真嘛嘛地不過都會想試吓疏乎厘Pancake可能隔多幾個月再嚟試吓有冇進步啦🤣🤣

始終咁耐冇得去旅行，係香港食下日本野真係生活中不可缺少既活動 。其實呢餐都好耐之前食，最近比較空閒先打返篇食評～聽朋友講長期都大排長龍，所以當日我就揀咗5:30左右去到，雖然已經有人排緊，但好似10分鐘左右已經入到座。嚟呢到最緊要當然係蛋包飯啦～同朋友一人點左一份：蒲燒鰻魚同埋滿天星肉汁安格斯牛扒。賣相已經相當吸引，雖然價錢真係偏高，但份量大，還好吧。聽講每份蛋都用咗3隻蘭王去整，唔怪得睇落顏色咁鮮豔～夠哂蛋香呀！除咗蛋包飯仲叫咗份前菜：忌廉蟹肉餅同埋朱古力香蕉班戟。蟹肉餅炸得非常香脆但略嫌味道軟清淡，有少少失色。唔記得影背面，幾中意佢比咗好多朱古力醬XD 見到都覺得開心。啖啖都係入口即溶，滿足～

近排呢間日本過江龍成為城中熱話，因為一個蛋包飯要$200以上😱，好奇心驅使之下，我同女友決定試下佢地既蛋包飯。平日餐廳仍然大排長龍，最後等左十五分鐘就可以入座。餐廳燈光十足，職員安排我地坐卡位，舒適度十足。其他座位就比較迫。- 滿天星肉汁漢堡扒蛋包飯餐廳採用蘭王蛋，成本價已經大大提升🤑。滑蛋顏色偏向橙色，蛋香濃郁，另外加入蝦仁同帶子一齊炒，口感更加豐富😋。滑蛋下面係香氣滿溢既炒飯，漢堡扒好厚身，口感鬆化，肉汁非常多👍🏻- 日式咖喱吉列豬扒蛋包飯咖哩汁香甜帶微辣，加上香濃既滑蛋，整體好惹味😝，滑蛋下面同樣係香氣滿溢既炒飯。至於豬扒幾厚身，肉質鬆軟，外皮炸得金黃，而且無皮肉分離😍- 忌廉蟹肉餅外皮酥脆，入面非常綿滑，配上茄汁味道一流😋。旁邊仲有蔬菜同薯仔沙律。- 日式梳乎厘班戟梳乎厘班戟即叫即整，唔知餐廳係咪一樣採用蘭王蛋，蛋香非常濃厚，面層淋上楓糖已經好足夠，楓糖牛油有啲過甜。梳乎厘入口即溶，不過略嫌唔夠挺身🤔整體而言，食物質素係高水準既，不過價錢真係有啲貴，間唔中奢侈一下都無妨🤣

最近海港城開了東京出名的蛋包飯，今日終於有時間黎試一試😋平日的晚飯時間，門口也排着長長的龍，不過總算唔係等咗好耐，原來佢出餐都好快👍一打開 menu， 😍有勁多款式嘅蛋包飯！全部都好吸引，仲有一些漢堡包，三文治，扒餐同埋小食。最後我選擇了鰻魚蛋包飯！😍超多的蛋及超大塊的鰻魚！蛋的顏色和一般蛋包飯有啲唔同，係橙色一點的，是真正高尚的日本雞蛋😙再加上一條鰻魚，非常滿足😜朋友就選擇了牛扒，雖然都是蛋包飯，但係飯的種類是不同的！鰻魚飯裏面是菇飯，而這個的飯是西炒飯類型😂當然唔少得小食，蟹肉餅，正宗的日本薯餅類型，隔離配上薯蓉及蔬菜，上面鋪上肉醬汁😋最後最後當然是甜品啦！每次見到餐廳有疏乎厘pancake也是必要選擇的😎今次我哋揀咗朱古力香蕉疏乎厘pancake，本身寫住要20分鐘，但係超快的上了菜。厚厚的pancake配上濃郁的朱古力醬😋超級飽。

來自東京的Grill滿天星終於登陸這家蛋包飯專門店來東京有數家分店今天星期二下午三時到達門外已經堆滿長長的人龍好不容易入座當然要試點名物蛋包飯一份肉汁漢堡扒一款咖哩吉列豬扒蛋包飯賣相如模型般精緻雞蛋呈深黃色餐廳用上蘭王蛋蛋味香味道濃郁飯是用茄汁炒過的珍珠米飯漢堡扒是典型的日式口味淋上肉汁一口肉一口蛋一口飯是極高質素的日式蛋包飯至於日式咖哩豬排也充滿風味飯底用咖哩炒過非常惹味小食則點了忌廉蟹肉餅外皮酥脆餡料非常creamy伴上薯仔沙律和其他配菜相當清新甜品點了雜莓梳乎厘班戟梳乎厘班戟空氣感強烈配上鮮打的鮮奶油好滿足

喜歡蛋包飯，更喜歡老店。為一嚐東京43年老字號蛋包飯專門店「滿天星」，絕對值得走一程到海港城。 蒲燒鰻魚蛋包飯 $248滿天星肉汁安格斯牛扒蛋包飯 $298忌廉蟹肉餅 $148蛋包飯的靈魂是蛋、飯與汁。蛋先談蛋，滿天星採用的蘭王蛋，是日本蛋中的名門望族，只吃原料穀物的壯年母雞之出品，橙色的色澤已比一般搶眼，蛋香更是份外濃郁，吃過好的，所謂：返唔到轉頭。 最令我驚喜的是，原來蛋下有帶子、蝦及蠔，怪不得吃到海鮮之味。 飯見到知道是有味飯，入口真的好好味，據說飯底依照日本總店做法，用竹筍、洋蔥、粟米、香菇及茄汁等8款素材，與日本米一起放入雞湯先煮後焗，原來有咁多材料，並非一般的炒飯，果然細緻。 汁醬汁是祕製的，例如蛋包飯汁、日式肉汁、咖喱汁配合不同的飯，不過，我覺得醬汁一般，尤其是牛排的肉汁。 若然重訪，該嚐嚐咖喱汁。  忌廉蟹肉可樂餅是經典菜式，的確炸得酥脆而內心濕滑棉棉，但是完全沒有蟹肉的口感！ 雜莓疏乎厘班戟 $138意猶未盡，想再坐多一陣，非常蓬鬆軟才小入口即化，甜度適中。 裝潢現代簡約，坐落於海港城之前 BLT burger 的舖位，人流極多，所以平日六點後已經開始需要排隊，我刻

今日於尖沙咀和朋友上午出席講座, 中午去海港城逛逛, 見到4年前於東京新宿食過的グリル滿天星蛋包飯竟然在尖沙咀開店, 於是便排隊食lunch, 我們排了15分鐘便入座, 這裡是QR code點餐,我們點了日式咖喱朱扒蛋包飯, 日式咖喱炸蝦蛋包飯和忌廉蟹肉餅。日式咖喱朱扒蛋包飯我點了咖喱汁另上,朱扒炸得金黃香脆, 食落啖啖肉, 喱辣度適中帶甜, 食落惹味, 這裡的蛋包飯是用日本蛋中之王「蘭王」烹調蛋炒飯, 食落口感濃郁濕潤香滑, 炒飯炒得乾身醬汁惹味, 蝦仁食落彈牙, 配菜有西蘭花, 粟米仔和賣相吸引的紅羅白, 食落新鮮鮮甜, 整份日式咖喱朱扒蛋包飯材料豐富, 食落美味, 口感十足；最後忌廉蟹肉餅是日本名物, 蟹肉餅炸得金黃香脆, 食落有香滑忌廉味, 蟹肉肉質鮮甜味美, 配上特製番茄汁食落開胃, 薯蓉食落香滑, 入口即熔。餐廳座位舒適闊落,食材高質新鮮, 日式咖喱朱扒蛋包飯和忌廉蟹肉餅, 兩款食物保持到我在日本旅遊食蛋包飯水準, 我和朋友食了一頓高質日式洋食。