pal.

營業中

休息中

原本諗住好chill嘅下午茶，入到店內剛有2個位，但吧枱上已報滿收回的餐具，環境擠迫混亂及店內的匆忙感，order 食物後真的足足等左好耐先上第一份意粉Chicken Pesto Pasta， 等左咁耐已被情緒扣分所以沒有覺得特別好食，食完意粉先來柸凍mocha, 跟住就再來 All Day Breakfast 正正常常沒有特別驚喜, 最後再上一柸沒有誠意的 Cappucino。用餐時間大約一小時多，但等候食物時間用左45分鐘。店舖、吧枱環境及上食品時間先後次序有待改善。

又試屯門區內新Cafe，名叫pal. 朋友嘅意思。·走一般簡約文青風格，門口半開放式加落地大玻璃窗，引入自然光幾舒服同chill，影相打卡都靚啲。·點左杯flat white，ADB 和慢煮雞胸自家製青醬意粉。咖啡用巴西混合埃塞俄比亞嘅豆，酸味突出，但不是我杯啡😆，拉花仍有進步空間。·ADB裡每樣食材都做得唔錯，我覺得比附近嘅Thre3 concept更好食。·意粉個青醬幾清新，加埋啲松子增加口感層次，分量十足。雞肉就正常水平喇，但是食落有點似我喺日式超市買嚟撈沙律食嘅熟雞胸肉😆，係ok唔鞋的。·開業一個月左右，結論係可以再幫襯嘅小店，希望保持到水準喇。地點在何福堂輕鐵站附近，隱啡後面，屯門法包隔離。

有一日諗住嘆返杯咖啡☕️☕️，就想去屯門好出名”兩個字”咖啡店飲返杯手沖咖啡，但星期六實在太太太多人。係等位嘅時候見未咁快到自己，就選擇周圍行下，點知係後面見到一間簡樸嘅門面就行前睇下，首先我第一睇就俾佢個餐牌吸引到。佢地有趣地由大多數咖啡店常用嘅英文餐牌轉成中文字的咖啡名，令我用咗啲時間去思考餐牌上嘅中文字😁😁首先叫咗杯平白(Flat White)同一杯美式🤤再之後就要開始叫食物一個全日早餐(All Day Breakfast)同埋一個慢煮雞胸自家製青醬意粉，食物同咖啡都好好好食。諗走前再叫多咗杯湯力黑(Espresso Tonic)嚟完結咁美好嘅一餐

最近樓下開左間新cafe，今日終於得閒去食一入門口已經見到簡單舒服嘅設計，好搞笑嘅人手寫嘅Menu，跟住睇下啲野食點先～飲品方面叫左一杯奶油黑、一杯Dirty咖啡味好香，充斥左成個鼻哥窿食物叫左一份慢煮雞胸自家製青醬意粉、一份All day，叫「全日的早餐」哈哈意粉份量好充足，青醬調味剛剛好，係我鐘意清清的又吾會太濃稠蔬果好新鮮，番茄鮮甜好欣賞佢哋個煙肉吾會太乾，同埋好豐富嘅All day！喺度享受左一個下午，令人可以放鬆的好地方，一定會再回來！