斗滾 (銀座38) (已搬遷) 新店位置

來到位於尖沙咀山林道的斗滾，一步出電梯就已有好幾張枱在附近枱與枱之間擺放得好密集，環境狹迫。斗滾的雞煲及火鍋都是任食，海鮮則是限量的，每位$298，另收加一。亦可加錢加購海鮮或提前預訂龍蝦刺身/象拔蚌刺身。先上雞煲，雞煲可選不辣，辣度也有四種。斗滾的雞煲特別在於自己也有份煮！每隔兩分鐘就揭開煲蓋炒一炒，一共炒四次即可。當炒到第三四次之後，配料的味道開始飄出，雞煲變得香噴噴。雞件啖啖肉又嫩滑入味，豆卜及菇菌也有不少，而且是任食的，不夠喉的話，可再添加～～食完雞煲就輪到海鮮盛宴，一共有6款海鮮，份量按人頭數。海鮮有鮑魚、蟶子、扇貝、海蝦、花蜆及龍躉，還有少量蔬菜及讚岐烏冬。每款海鮮都好鮮甜，蒜蓉香惹味，但不會遮蓋海鮮的甜。海鮮的熟度恰好，爽口不會過韌，魚片嫩滑。火鍋湯底的選擇不算多，我們選了養生燉湯，即蟲草花烏雞湯。食火鍋前先飲湯，湯底足料清甜！任食手切牛頸脊，需要全枱在社交平台留言才可享任食優惠，除牛頸脊外，還有黑豚肉也是任食。值得一讚的是，每一round牛頸脊的質素都是同樣好吃，不會有參差的情況。牛頸脊的肉味香濃，入口稔滑無筋，好吃！丸類及蔬菜有充足選擇，需要去雪櫃自取，丸類質素正常。

斗滾 (銀座38)，位於尖沙咀山林道38號銀座38  12樓。 大約一個多月前已經訂枱， 星期五晚上 八點半到達，超多人，📌$298 一位(收加一) ， 再另加西澳龍蝦$368。 ▫️首先食雞煲， 點了微辣， 香濃入味，雞件嫩滑，仲可以任食添！ ▫️蒸海鮮拼盤， 人頭計每人都有一份鮑魚、蟶子、扇貝、海蝦、花蜆、龍躉和讚岐烏冬， 海鮮好豐富，打卡一流呀！ ▫️五指毛桃烏雞湯底 ～ 滋補美味又健康，打邊爐之前記得飲返一兩碗， 但用這個湯底食牛肉，感覺好似怪怪的。 ▫️龍蝦刺身，鮮甜美味的龍蝦刺身，蝦頭仲可以用嚟淆湯打邊爐。 ▫️手切牛頸脊 ～ 任食手切牛頸脊和黑豚肉， 因為太飽，所以只食牛頸脊了。 一次過食雞煲、打邊爐和刺身， 最後仲有糖水餸 ，性價比算高， 但環境比較迫，有待改善。 🏷️溫馨提示～ 整個用餐體驗均屬個人分享意見， 只作參考😊。

$298無限時任食人氣店，雞煲海鮮手切牛，抵食仲要好食，掙扎同唔同大家分享嘅程度😂，必save🔖！・・・・・・・・・・・・・・・・・・・・🥘 雞煲 少辣 ⭐️任食⭐️・味道：雞煲分咗5種辣，走辣、BB辣、少辣、中辣、大辣，揀咗少辣都幾刺激惹味。除咗雞仲有菇、紫洋蔥同豆卜，好吸味好正👍🏻XD 雞正常發揮，配惹味雞煲醬一定冇死。店員有教埋點煮，每隔2分鐘開蓋撈，total煮4次，有得玩下煮下都唔錯。・口感：雞有鞋有嫩，都係正常雞煲冇伏。🦐 海鮮拼盤＞ 粉絲帶子、鮑魚、聖子、沙白、蝦、魚塊、烏冬・味道：每一款都好好好鮮甜！！！配蒜蓉都唔會蓋過海鮮鮮味，既惹味又吊到海鮮嘅鮮甜～呢款按人頭計嘅，但真心抵食。懶人必備，幫你開晒殼，即刻好鍾意食海鮮😂😂😂・口感：爽彈脆口，就係期待嘅口感！🍲 老火湯＋邊爐 ⭐️任食⭐️＞ 蕃茄薯仔蜆湯＋手切牛頸脊・味道：媽媽的靚湯味，清甜好飲。店員會建議先飲碗湯先打邊爐～之後就係牛魔王狂歡時間🥳，任食手切牛頸脊！！！呢款牛頸脊係重肉香少油脂，gym-friendly🏋🏻同埋因為少啲油脂冇咁滯可以食多啲🤭・口感：作為冇乜油脂嘅牛頸脊食落依然好軟腍，少少筋都冇，一啲都唔韌，掂！🍨

呢間火鍋放題最正既地方就係可以任食雞煲，價錢唔算貴（$268/$298一位），視乎日子。🐥任食雞煲有五種辣度可以選擇，最低係BB辣，適合一些食唔到辣但又想食辣既香港人，8分鐘就可以完成一煲雞煲，可以加配料落去一齊炒。雞肉好結實，而且冇咩骨，十分好！🦐海鮮盛宴海鮮拼盤都好大盤，食材有鮑魚、蟶子、扇貝、海蝦、花蜆、龍躉、讚岐烏冬，每一款都好鮮甜，海鮮好新鮮。🐮滋補火鍋湯底係椰子烏雞湯，可以先飲湯，飲夠之後就可以叫店員加湯，轉做火鍋，可以任點手切牛頸脊，牛肉肥美。🍧甜品椰汁雪燕，甜甜地又滋潤，作為結尾非常好。

銀座𝟑𝟖 斗滾🥘比較難𝐁𝐨𝐨𝐤既餐廳 朋友表示想食幾次諗住訂枱嘅時候都話滿咗🥲食完今餐飯就知道點解佢長期都𝐅𝐮𝐥𝐥 𝐇𝐨𝐮𝐬𝐞海鮮盛宴 ⚓️鮑魚/蟶子/扇貝/海蝦/花蜆/龍躉加讚岐烏冬全部都好鮮甜 龍蝦啖啖肉 蟶子肉質肥美😋😋打卡一流今次朋友加左錢𝑶𝒓𝒅𝒆𝒓原隻龍蝦刺身同象拔蚌刺身，份量比想像多 賣相吸引 食落新鮮👍🏻👍🏻另外有蘋果竹絲雞燉湯 🍎非常足料 味道鮮甜同好潤☺️店員表示每人飲完一碗之後用湯底淥手切牛頸脊 肉質算嫩 招牌雞煲🐔有五種辣度可選擇🌶️今次試左BB辣同小辣 我覺得如果本身比較食得辣，可以直接叫中🌶️食晒雞煲之後可以再加湯打邊爐 有自助配料區可供拎丸類最估唔到嘅係最尾有椰汁雪燕糖水 唔會太甜 好味 好想叫店員黎多𝑹𝒐𝒖𝒏𝒅 😂餐廳性價比高 店員有禮貌 座位相對上比較擠擁 整體來講大家可以一試 食雞煲打邊爐 特別岩身邊有大胃王既朋友😎

上星期食屋企人生日飯🎂，好多朋友仔都介紹斗滾，所以特登book位試下。座位位置比較狹窄，同後面枱都幾近，店員又經常出入，坐得唔太舒服。1️⃣首先嚟嘅係雞煲 (可任食)，一共食咗三煲，第一次叫小辣，因為未掌握烹調時間，所以肉質比較硬，但味道可以；第二次叫咗BB辣，煮得啱啱好，味道不錯；第三次同樣叫BB辣，完全沒有辣味，沒有雞煲醬的味，完全不似雞煲。2️⃣之後嚟係蒸海鮮，全部海鮮上都放咗蒜蓉。除了魚同鮑魚都算ok之外，其他都麻麻地，無鮮味，肉質好鞋。之前睇相見到有蟶子，但係無，覺得幾失望🙀。3️⃣再嚟嘅係蟲草烏雞湯，非常足料，而且好夠味道，應該冇味精，好好飲。🌟同時間，上咗象拔蚌刺身 (額外加錢)。咁多食物之中最好，好有鮮味，而且好爽口。4️⃣飲剩嘅湯會加雞湯用嚟打邊爐，手切牛頸脊+出面拎到嘅配料都可以任食，牛肉嫩滑，而且很重牛肉味，值得重複再叫，但其他配料一般，而且選擇唔多。😼小熊私心評分：60/100價錢只係$328，仲有部份可以任食，但係只有湯同牛肉係OK，其他只係一般，坐得唔舒服，所以CP價唔高。

事隔大半年，朋友們終於夾到時間，再去幫襯。一個價，$268，另收加一，只收現金。雞煲，食咗兩煲，惹味，最好係雞件並不是雞脾肉。蒸海鮮，有六款（聖子、鮑魚、海蝦、龍躉、帶子、花甲），樣樣都新鮮，但有少少蒸過火。燉湯，清得嚟又夠味，烏雞健康又唔肥膩。打邊爐，主要都係食手切牛頸脊同黑豚肉。甜品，椰汁雪燕，味道正常。質素唔差（但整體感覺對上一次好食啲），收費合理，最重要係冇限時（5點食到9點），慢慢食，吹吓水，開開心心咁又一餐。

網上近期熱烈推介嘅食店，見星期六午巿可以食足5小時，最啱約埋班姐妹圍爐，呢度地方唔大，坐低之後睇下個menu先，咦…斗滾四式咁搞👻先嚟第1️⃣式 任食雞煲，揀咗小辣🌶，雞嫩有肉汁，個🐔煲幾重花椒八角味，仲食到濃濃嘅孜然味道，都幾特別第2️⃣式 海鮮盛宴，以蒜蓉清蒸，龍躉片較為出色，其他海鮮一般第3️⃣式  燉竹絲雞湯🥣，好足料，但個湯偏咸第4️⃣式 手切牛頸脊，只要同枱人士like佢哋嘅社交平台，就可以任食，牛頸脊幾，冇話嚟兩碟之後就走樣，相對火鍋配料就明顯失色，少選擇之餘，質素亦麻麻，仲有火鍋豉油偏咸🥴，最後每位奉送椰汁雪燕總括來說如能改善火鍋配料呢part，相信cp值會提升不少⬆️ 

近日在市區再下一城，以蒸、煮、滾三部曲聞名，分別是雞煲、海鮮、及火鍋，當中以海鮮盛宴最令人目不暇給。(1) 雞煲隨枱有計時器，每兩分鐘將雞件及香料爆炒，最後放上芫茜。除了雞件，還有秀珍菇、豆卜等，充分將醬汁收入囊中。但辣度偏猛，因為有花椒、八角及麻椒令辣度層次更為鮮明。(2) 海鮮盛宴打卡名物：鮑魚、扇貝、花蜆、龍躉，海蝦及讚歧烏冬。是日不見聖子蹤影，而龍躉及烏冬與其他海鮮並不合襯。味道亦被蒜蓉蓋過，掩蓋每款海鮮的鮮味。(3) 養生燉湯原隻烏雞，有杞子、龍眼肉、紅棗及蟲草花。(4) 手切牛頸脊牛頸脊的部位油花細緻而滿佈，口感爽嫰。養生湯底突出牛頸脊的味道及口感，但湯底濃度不夠，略嫌不足。最後還有一道椰汁雪燕。以整體來說，這個放題套餐的確滿足到香港人的博愛，所有的肉食、海鮮、及甜品都考慮到位。奈何每道食法的銜接有點唐突，無法一下子消受。不過，性價比很OK，店員亦大多友善，也有時間顧及食客的情況。

呢間食店一個價（$268，另加一），但有好多嘢食，而且質素唔差，仲可以無限時，真心抵食。先食雞煲，食完可以再添。雞肉嫩滑，味道正常。跟住蒸海鮮，有帶子、鮑魚、聖子、花蜆、海蝦、龍躉，款款都好新鮮，另外烏冬索哂味都好好食。之後到燉湯，係烏雞瘦肉湯，勁清甜。飲完湯，就加上湯打邊爐，手切牛頸脊、黑豚肉任食（但要全枱 like FB 同留言），其他火鍋料出去自助拎。最後椰汁雪燕，畫上完美的句號。PS：只收現金