醋娘子 (已結業)

星期日晚懶懶地唔想煮飯，叫網上外賣平台。想搵啲亞洲食物，就見到呢間叫醋娘子嘅上海菜。差唔多半個鐘左右就已經送到來啦。食物份量都ok大份。送到來都仲係熱辣辣嘅。一打開個醉雞，唔多好樣。食落肉質好鞋。牛展海蜇都合格嘅。牛展夠淋都叫入味，但係就好似冇乜牛肉味囉。海蜇呢就真係講唔出，佢好似唔係食緊海蜇咁囉？因為一啲味都冇？！肉質都脆嘅。但唔叫好食囉⋯⋯係得炸雲吞好食啲。個炸雲吞送到嚟仲脆。裏面嘅肉都好味道。但係就冇醬點。好奇怪唔通乾啃？好在屋企自己有支酸辣醬，點左即刻好味好多！我青瓜不過不失呀，＄35咁樣一兜野有啲貴囉。四季豆嘅最大份。喊味道適中，個豆新鮮。最差係酸辣湯！好辣又太油利。好似飲油咁呀係讚佢裏便多料囉：有筍有冬菇有肉絲。但係整得唔好飲囉。Overall嚟講都應該冇下次啦。

深深愛上醋娘子既擔擔麵同手拍青瓜，擔擔麵好香濃，加埋手拍青瓜清甜中味道好夠。但中午要等位囉，好彩等得唔耐。擔擔麵d麵底好冇口感，湯底又濃，擔擔麵必食。 環境都唔錯，招呼都ok啦算快手。 有下次

醋娘子呢間店鋪，間鋪細細地但估唔到咁好食。每碟都好足料一D都唔馬虎，價錢又平， 我叫左碗酸辣粉 ，本來share 食，但因為太好味最終我一個人食晒， 我都唔好意思即刻幫我朋友叫多碗,好好味呢生煎包都唔錯，waiter 一放上檯我第一時間食，熱辣辣食超正。 千其唔好攤凍食啊。手拍青瓜味道超得呀。 份量又多，正啊。 唔食菜食青瓜都係不錯選擇呢.