Lagom Kaffe (已結業)

桔梗姊妹店 Lagom Kaffe牛頭角店佔地8700呎，環境寬落樓底高，空間感十足。特別鍾意餐廳既落地大玻璃，採光度高之餘，亦會望到花草樹木、藍天白雲，好有「生活」而非「生存」既感覺。重點係餐廳不設用餐時間限制，唔少座位都設有插蘇位供客人使用，好適合大家帶電腦嚟做野、開會或者hea返個晏晝。▪️抹茶戚風蛋糕 $40外貌協會表示：一行入去見到隔離枱食緊呢個蛋糕勁吸引，就忍唔住嗌左抹茶戚風鬆軟有彈性，略嫌邊邊位有啲乾身。蛋糕望落都幾綠，不過食落茶香唔算太突岀。抹茶既味道主要嚟自頂層既抹茶cream，茶味香濃，甜度恰到好處，稠度比想像中低，但無礙提升蛋糕既濕潤感。▪️特濃咖啡 • 朱古力麻糬 • 冧酒提子 $138窩夫即點即製，外層相當脆身，中間夾有軟糯麻糬，外脆內軟雙重口感。雖説係特濃咖啡，但朱古力香氣反而更突岀，咖啡則消失得無影無蹤，有小小失望。不過好鍾意旁邊既冧酒提子雪糕同微酸既杏脯醬，稍微減輕左甜膩感。▪️Hot Dominican milk chocolate $48朱古力香氣滿溢，甜度低。雖然唔係走濃稠既路線，但冬天嚟到飲返杯依然會好滿足。▪️Espresso Tonic $48又係一

相信好多人都有聽過呢間餐廳啦😆佢為桔梗嘅姊妹店，小編覺得佢無論係食物質素定係環境都比桔梗優勝。餐廳空間感同採光度十足，如果坐係落地玻璃隔離嘅梳化位用餐經驗會仲正😆 餐廳不設限時，仲好work friendly，每個梳化位都有插蘇。如果大家想坐梳化位，記得要係攞位嘅時候request！小編去當日lunch hour去等咗大約十五分鐘，唔算等得耐😉 聽講佢嘅waffle幾出色，下次可以試下 🤩桔梗由今日起暫時停業😞同路人可以支持呢間餐廳啊！------------------------------台北燉牛肉意粉 $98 【7/10】燉牛肉同意粉嘅配搭同味道幾特別，第一啖食落去有啲似肉醬，之後就愈食到麻香味。牛肉煮得啱啱好，軟硬適中。不過整體偏鹹，食完有啲口渴☹️------------------------------松露干貝意粉 $98 【7/10】忌廉唔算杰，食落去有空氣感得黎幾creamy，不過小編鍾意杰嘅忌廉多啲🙈 帶子嘅表面煎至微焦好吸引，而且又大大隻，食落去真係好滿足🤤 不過意粉相比牛肉意粉有啲硬，可以煮耐啲🙈 同埋食完有少少濟🤣-----------------------

旺角嘅「桔梗」，最初開檔嘅時候都打算去睇睇，但拖吓拖吓就無咗回事，依家經常都好多人排，更打消咗念頭。最近，有咖啡友話佢有家姊妹店「樂感」（Lagom Kaffe）晌牛頭角開咗，足足8,700呎大，又自設炒豆房及烘焙餅房，今日行完山就順勢過嚟嘆吓下午茶。 雖然餐廳所處嘅商廈相對比較隔涉，但估唔到都有咁多人等位，的確，晌密集嘅市區中搵個舒服嘅地方唔容易，而呢度地方大，空間感強，兩面落地大玻璃窗，加上放置咗唔少植物，以及一室木系餐枱椅，裝修簡約，卻予人感覺開揚闊落，非常舒服，所以，嚟到一定要預多啲時間，慢活享受吓。 除咗空間十足之外，餐廳環境亦有唔少值得留意嘅地方，如長長嘅咖啡製作枱，睇到咖啡師沖泡每一杯咖啡。 而入門口位置，吸引眼球嘅喺炒豆機，大大座放晌玻璃房內，可惜喺睇唔到其操作，唔知咩時間會開動部機，真喺想見識吓，未親身見過嘛。 此外，上文都提過有自家烘焙，麵包產品唔喺來貨，所以，近門口櫃枱面亦擺放咗店家嘅出品，堂食又得，睇啱買返屋企慢慢享用又得。 當然，唔少得其他咖啡嘅相關產品作零售啦。講到食物方面，唔喺得輕食，亦有唔少飽肚嘢嘅，但款式就唔會太多。全日早餐啦、三文治啦、意大利粉啦、沙