小火焰韓式咖啡廳 (樂富廣場A區)

營業中

休息中

放工之後同男朋友周圍覓食，又好耐冇食韓國嘢就去試下啦！可以見到店鋪面積都幾大下，入邊座位都好舒服😌空間感十足🙆🏻‍♀️坐低可以慢慢睇menu, 睇完就可以用手機scan QR code 落餐，成個過程好方便快捷🥰見到menu五花八門，睇到眼花撩亂，實在太多選擇啦！樣樣都好想食呀！最後我哋揀咗明洞二人套餐（$368）包咗沙律，小食，主食，鍋物，🍮甜品同飲品❤️其實係幾抵食！薄烤牛肉野菌沙律🥗牛肉份量都唔少，肉質唔會太乾或硬，幾香牛肉味。中間仲有個溫泉蛋🥰督穿佢撈埋一齊食真係好正😀韓式煎餃子🥟韓國嘅餃子一直都係我嘅最愛😍呢個都冇令我失望！咬落去係好香肉味，仲有啲肉汁鎖住喺入邊，一咬就流咗岀嚟。配有兩個醬汁，但我覺得唔點醬都好食😋原汁原味最食得出佢嘅味道🥟迷你肥牛粉絲鍋（豬骨湯底）😆韓食點可以少得鍋啊～ 呢個肥牛粉絲鍋仲有幾種蔬菜🥬有娃娃菜、翠肉瓜、紅椒，仲有年糕！口感好豐富！豬骨湯都幾好飲🙆🏻‍♀️飲完湯就到主食啦🍙拉絲芝士香燒雞翼伴泡菜炒飯😆有成四隻雞翼畀大量芝士包圍住，仲有好多紫菜碎，救命🆘點可能唔好食！見到都流晒口水啦！甜品🍮同飲品方面，我哋就揀咗牛乳布甸，巨峰乳酸同白桃乳酸😌布丁🍮好滑，

兩三個月冇去樂富廣場，突然發現新大陸😳居然開咗間韓國嘢！所以要試吓先💙燴牛肋淮山麵 $78呢個係蕃茄湯底，個湯底酸酸甜甜勁好食😋個牛肋炆得勁淋，超級建議大家去食🥰羽衣甘藍特色菜餅 $78我見佢用羽衣甘藍整菜餅咁特別，而且仲係推介嘅，咁我就試吓啦～我就覺得冇咩羽衣甘藍嘅味，唔係好食得出🙈 就咁一般嘅菜餅，如果大家想試嘅話建議食返海鮮泡菜煎餅嗰啲會好啲💛拉絲芝士香燒雞翼伴泡菜炒飯$98個雞翼幾好食，個醬汁係BBQ醬，酸酸地幾開胃😌加埋啲芝士一流，覺得呢一餐好邪惡😈 食完真係要跑返幾日步減肥先😵‍💫冰梅有機甜蕃茄 $38突然之間好想食梅，所以就叫咗呢一個，啲蕃茄食落去好fresh ，d梅汁冇我想像中咁酸，而且甜甜地幾好食🤤總括而言 (5個💜係最高)好味指數 : 💜💜💜🤍🤍服務態度 : 💜💜💜🤍🤍環境打卡 : 💜💜💜🤍🤍回頭指數 : 💜💜💜🤍🤍📍小火焰韓式咖啡聽🏢樂富聯合道198號樂富商場A區一樓1171-1179號舖🕗星期一至日 12:00 - 22:00

呢間餐廳環境好好，一入到來見到卡位闊落，唔會好迫，台都好大，坐得好舒服！食物方便選擇又多，有沙律、炸雞、燒肉、飯麵、甜品，唔會怕悶，仲有懶人之選嘅set menu！ 價錢平得來又唔會無野食選擇，好岩選擇困難症！因為兩個人唔太餓，叫左香芒炸雞沙律$98，因為怕半份炸雞太多，怕食唔晒，又見到香芒感覺酸酸甜甜又有蔬菜🥬好開胃，就叫咗一份呢個，其實炸雞份量都唔少，每人2-3舊，呢一間炸雞個皮唔會太厚，肉來講唔算超級滑，但係都係啖啖肉唔會柴，配埋呢一個芒果感覺酸酸甜甜好開胃，沙律菜唔會梅身軟林林，幾爽脆，以一個開胃菜又想食炸雞嘅人來講就啱啱好啦！另外叫左個大醬龍蝦海鮮鍋暖下胃，啲料多到不得了，有龍蝦所以好想叫，龍蝦係見到真人唔細架！龍蝦唔會話淨係龍蝦膏湯咁，真材實料，龍蝦肉比起蝦來講更加鮮甜同彈牙，口感更加好，韓式大醬味道濃郁，有少少似日式味增嘅感覺，唔會太咸，再加埋海鮮本身嘅鮮甜味，感覺好暖胃同埋幾飽🤣主菜叫左拉絲芝士香燒雞翼伴泡菜炒飯$98,呢一個係上網見到好多人叫，好似好打卡嘅一道菜！呢一間芝士真係毫不吝嗇，超級多！唔會話唔夠撈飯，唔會好似咬擦膠咁樣，又有芝士香味，加埋泡菜味好香口，辣度小