有錢佬靚粥

今日和朋友到筲箕灣食粥，食到呢間粥品小店嘅粥都幾有特色， 而且價錢都幾親民。同一般嘅粥店有少少唔同，佢嘅粥有啲似台灣同埋潮州粥嘅食法，亦都有啲係生滾粥嘅食法，同埋用作送粥嘅小食種類都好多，唔會話齋食粥咁寡。我同朋友叫咗一煲招牌有錢佬靚粥（$33），同一碗叫做紫醉金迷嘅粥（$22）招牌有錢佬靚粥用砂煲起，都幾地道風味，材料係用魚蛋頭，鹹蛋，皮蛋，瑤柱，豬骨等煲成，我都第一次食魚蛋頭煲嘅粥，可能係豬骨湯同瑤柱關係個粥底又幾鮮甜啵，鹹蛋同皮蛋份量都多同埋幾香，不過瑤柱唔算多，但只是＄33一煲算係咁啦。下次有興趣試佢嘅鮑魚雞粥，好似都係30幾蚊就有鮑魚食喎😋跟住就試吓成碗都係紫心蕃薯和黃金番薯煲成的紫醉金迷🍠就咁睇成碗紫色都幾特別，估唔到食落去係超甜，但係唔係落糖假甜嗰隻，係真係番薯嗰隻天然甜味😍👍👍我唔知點解佢揀嘅番薯可以咁甜，因為有時候我自己買嘅番薯都唔係好甜😅真係好有驚喜喎呢個甜嘅粥！好似食緊糖水咁👍我同朋友都高度讚揚呢碗紫薯粥！😋而且只係＄22，下次一定encore😋環境：7/10服務：8/10 價錢：9/10 食物質素： 8/10整體：8/10 …查看更多

天氣炎熱,但我都心癢癢想食粥,lee間粥鋪環境真係好淺窄,只有1張長枱和1張方枱,有感食物用心製作,味道不錯,所以我第2次幫襯.今次嗌o既食物同上一次唔同,上次叫左招牌有錢佬靚粥,紫醉金迷,蘿蔔糕,燒賣兩份,韭菜餃,今次除左encore招牌有錢佬靚粥 (配料有皮蛋,鹹蛋,魚片,瑤柱),亦都有試其他野.…查看更多

前排晩晚有朋友聚會食多咗，怕肥😛，所以今晚趁住冇人約，食粥清下減返幾磅先！💃🏻揀咗招牌有錢佬靚粥，粥底煮到又綿又滑，而且個粥好足料，有元貝仔、鹹蛋黃、皮蛋、豬骨、魚蛋粒。最中意食呢款粥，啲料好夾，食落又有口感，正！😋👍🏻另外點咗即叫即煎嘅蝦餅，同兩個粉果，過下口癮！剛煎起嘅蝦餅外脆內香，口感一流！粉果個皮好彈牙，加咗豉油、辣油，好食！👏🏻😍本身諗住減下肥，點知最後都抵擋唔住美食嘅誘惑😜！不過，我覺得價錢都算是ok啦。😄…查看更多

尋日兩個人👫來食，叫咗一個招牌有錢佬靚粥、一個醉翁亭、一碟煎韭菜豬肉餃同一碟煎黃金蝦餅。有錢佬店面細，外賣為主，但都有幾個堂食位，不過繁忙時段要等位，但仍有捧場客等堂食。點餐後沒多久，食物陸續送到🤗。煎韭菜餃脆卜卜，落少少特配黑醋，更提升了味覺享受。$20碟，4隻，性價比高，讚！👏🏻煎黃金蝦餅水準亦相當高，個餅底係墨魚膠，裏面有鮮蝦肉同粟米粒，煎到金黃酥脆，落咗少少辣油，香辣惹味，👍🏻但要適可而止，太辣不是人人受得了。$25三塊，可以接受。兩個粥都出奇地好食😍，招牌粥$33，粥底用北海道大瑤柱絲同豬骨熬製而成，另外加咗皮蛋，鹹蛋黃，青島乾貝仔，材料相當豐富😋！醉翁亭$36，有蟲草花，滑雞件，配上花雕酒，揭開煲蓋時香味撲面而來。🤤兩個粥嘅粥底都夠綿夠滑，調味啱啱好，唔會搶走曬個粥本身嘅清香味，同埋材料本身嘅鮮味，而且有住家粥feel, 應該冇落味精，襯得起「靚粥」個招牌。🙂一句講晒：啲粥好掂！👍🏻👍🏻👍🏻…查看更多

到底堂食個砂鍋定外賣個碗嘅容量大啲呢？呢個問題已經喺我屋企熱議咗兩鑊。事關我哋一家四口次次都係嗌外賣，每次要4-6個粥全家食；有次行過見到堂食啲粥係用砂鍋，感覺上size好似大啲（而且非常滾熱辣好正咁）作為慳家急先鋒嘅我為咗找出事實真諦，當仁不讓，前日專程同阿爸阿媽細佬再去堂食番轉，親身求證下。一坐低就叫咗個招牌粥(最鐘意食呢個粥），細佬食蔥爆牛肉粥，阿媽嗌蟲草花醉雞，老豆就食濟洲蠔肉碎粥，全部都係新嘢。另外仲嗌咗啲同求證事實無關嘅小食，包括煎蝦米腸、蘿蔔糕、餃子同蝦餅。啲小食煎得好香脆，值得一提嘅係個餃子配左店家特製嘅香醋之後出奇地好味。食完之後我哋就開始討論，我同細佬覺得砂鍋好似係大啲，但阿爸阿媽就話唔覺喎。正當我地七嘴八舌之際，店員就行過嚟同我地講其實兩者嘅容量係一樣嘅，佢哋一早已經度過晒。噢...得知慳唔到錢後有種淡淡嘅失落，算啦，啲嘢好食就得喇！…查看更多

「筲箕灣東大街」，果然是一條包羅萬有，日新月異的美食街。上一刻我還在「筲箕灣東大街」近港鐵站的一邊，試食過「低調高手」雞蛋仔格仔餅，和「北村X食館」的韓式炸雞飯跟韓式炸雞。現在我再深入一點，走進「筲箕灣東大街」內部，看看「筲箕灣東大街」還有甚麼有趣新穎，甚麼適合我一個人試食的食店。結果給我找到這一間歷史好像比較短的食店，「有錢佬靚粥」。這間「有錢佬靚粥」不單止歷史疑似頗短，甚至店舖的樓面面積亦不大，連檯櫈也要擺出店門外附近位置，食客可能要有心理準備，試食時可能更面對日曬雨淋，和汽車廢氣的滋擾，這或許是享用店舖新穎粥品的代價。或許是「有錢佬靚粥」店舖歷史尚短的關係，店員還有很好的招呼，甚至餐牌可以說是，一是印在店門頂層的位置，不是的話就是我手上那張紙，連過了膠的餐牌都暫時未有。「有錢佬靚粥」的粥品，屬於即叫即做的生滾粥品，不計算最原始味道的「簡單是福」白米粥，和混合了泰國紅米的「鴻運當頭」的話，現在「有錢佬靚粥」的生滾粥品大概賣港幣二十至二十九元不等。單靠賣生滾粥品，或許不足夠維持「有錢佬靚粥」平日的生意額，所以現在的「有錢佬靚粥」還要同時賣街頭小食，例如潮州粉果、蘿蔔糕、牛肉球和魚蓉燒賣等等來維持食店生意穩定。不過「有錢佬靚粥」的小食還不能散買，每次都要合共買三件以上才能成交。我上兩次試食「有錢佬靚粥」就是忘記了那些小食，或許到下次我再來「筲箕灣東大街」，來光顧「有錢佬靚粥」的話應該可以一試。當時我第一次試食「有錢粥靚粥」，就點了他們的鎮店招牌，同名的生滾粥品。「招牌有錢佬靚粥」現在售價是港幣二十九元正。由於堂食外賣同價，所以所有粥品，粥品以發泡膠外賣盒裝着亦無可奈何，理所當然的事。大概等待數分鐘之後，即場製造的鎮店生滾粥品「有錢佬靚粥」就順利完成。我選擇即場「堂食」，店員把外賣盒裝着的「有錢佬靚粥」放在店前的檯上，就在我的面前。驟眼看，「有錢佬靚粥」的外表就好像，我以前晚上在西貢，會吃到的即製生滾豬骨粥，粥面呈暗啞的淺啡色，是豬骨精華熬煮出來後的顏色。我在粥面上，隱約看到少許的鹹蛋，鹹鹹蛋已被掏碎，蛋黃蛋白散落在「有錢佬靚粥」的不同地方。粥面除了鹹蛋黃和鹹蛋白外，我還看到少量像豬骨和皮蛋的物體。我用膠匙羹開始撥開「有錢佬靚粥」的粥面，開始發現「有錢佬靚粥」除了有鹹蛋黃、鹹蛋白之外，還有少許潮州魚片、魚蛋、皮蛋、瑤柱絲、瘦肉等等材料。其實香港很多富豪都不是餐餐大魚大肉的，李超人聽說都是這樣。不過，如果「有錢佬」的定義，就是每天都是大魚大肉，餐餐都在吃像鮑參翅肚那些炫耀財富，很靡爛很浮誇的食物的話，那麼我寧願不當什麼「有錢佬」，做回一個平凡的黎民百姓好了。如果你最近有看新聞的話，相信你應該已經了解，什麼叫做「為富不仁」，「為富不仁」就是做「有錢佬」的副作用後遺症。做「有錢佬」本來沒有錯，但是「為富不仁」，卻令「有錢佬」對世界構成了禍害。鹹蛋黃和鹹蛋白，令到整碗「有錢佬靚粥」充滿了鹹蛋的鹹味，瑤柱的鮮味，還有其他的味道來自於魚蛋、魚白、皮蛋、瘦肉等等，種種不同味道的材料，令整碗「有錢佬靚粥」塞滿所有材料和味道，百味交雜。吃到中間，見到已經差不多被煲爛的鹹蛋黃，我才明白，「有錢佬」的本質就好像被煲爛的鹹蛋黃，本來就跟一般尋常百姓的飲食習慣都相差無幾。問題是有人財迷心竅，財富令某些人本質開始敗壞，最後要全世界所有人一同陪葬，走向滅亡。第二日，我再來到筲箕灣「有錢佬靚粥」，今次點了「紫醉金迷」，所謂「紫醉金迷」，其實即是生滾粥底加上「黃金蕃薯」和「紫心蕃薯」而成的粥品。驟眼看，「紫醉金迷」味道好像是甜味的粥品，但因為「黃金蕃薯」和「紫心蕃薯」都是甜味的蕃薯原料，所以「紫醉金迷」的製成品，粥面都是呈現一片紫色，好像被「紫心蕃薯」染成一片紫色的樣子。「紫醉金迷」外表好像被染紫了一樣，但其實粥底其實味道還是很淡，區區一點甜味的「黃金蕃薯」和「紫心蕃薯」，其實不足以將「紫醉金迷」粥味完全變成甜粥一樣甜漏，「紫醉金糕」本質還是一鍋清純的生滾白粥。其實，「有錢佬」不是你我想的那麽易做，世界上不知有幾多人，還是不了解何謂「發財立品」，只知道「升官發財死老婆」。同樣，真正的「有錢佬靚粥」和味道，大部份人還不了解如何才做得好。「有錢佬靚粥」不只得「有錢佬靚粥」和「紫醉金迷」，還是有一些粥品如「鮑你滿足」。或許「紫醉金迷」滿足不了我的要求，下次可能要看看「鮑你滿足」和「金牛」的味道。…查看更多