兩草 (銅鑼灣道) (已結業)

這間大坑小店，裝修幾簡單，價錢唔貴但份量唔算大份，叫個飯加個小食，人均消費都接近$60。招牌炸雞翼 $22 4隻雞翼炸得金黃色，正常大小，皮脆肉嫩。咖央多士 $20 烘得少少脆，咖央多到吱出黎，正！小籠包胡椒湯 $35 好似未試過湯浸小籠包，其實都係分開食，小籠包皮略厚但有湯汁，胡椒湯味濃但又唔會覺得太辣。香茅雞扒飯 $35 碗飯唔係好大碗，雞扒少少柴，之後就係豉油撈飯，非常普通。網民力推脆邊蛋，可能比較有驚喜。.小插曲，店門有個排隊等入座的指示，我排在一個人後，等左5分鐘，店員拿外賣出來，我前面的人拿外賣就走……店員之後都無理我，存在感等於0。

星期日，喺銅鑼灣搵食，上網見人介紹呢間平民好嘢，拿拿聲試下。 位置係皇仁隔離，近天后站，都幾方便去。早上十一點半多啲到，差不多全滿，好彩好快有位。細細間有幾張枱，都算闊落餐牌好簡單，一眼睇曬，嘢食都算係平價，反而嘢飲好貴先來個胡椒肉骨茶，少少辣，熱辣辣，幾好味再來個咖央多士，咖央味唔夠濃，牛油味重啲蛋炒豬腸粉，真係幾好食！20蚊算抵！滑蛋叉燒飯， 細細碗，如果多啲蛋就好香煎脆邊蛋肉餅飯，肉餅幾好食，但撈飯也不錯！再叫咗兩罐嘢飲，埋單平均$50人，好ok呀！當去咗台灣食嘢㗎喇