元朗燒賣皇后妙舒

營業中

休息中

🎊荃灣掃街 | 第三彈.元朗燒賣皇后係我以前去元朗必食，估唔到而家開左幾間分店，黎到荃灣都食到🤗招牌香菇豬肉燒賣$15/ 5粒，粒粒都食到大大舊冬菇，超香冬菇味😍不過比起我印象中好似細粒左啲，冇以前係元朗食咁大粒🧐不過勝在好夠熱，落完單即刻係個蒸籠度夾出黎，正😇佢都有真空包裝既燒賣同其他小食可以買返屋企自己整黎食😌未食過而且中意食冬菇既朋友都好值得一試😍/📌元朗燒賣皇后妙舒荃灣荃興徑10-18號富榮大廈地下04號舖/😋食物質素：7.5/10💰性價比：7/10👣回頭率：7/10

🇭🇰 元朗燒賣皇后妙舒·招牌香菇豬肉燒賣$12/5粒呢個我之前已經食過架啦 我自己好鍾意 所以難得行完山嚟到荃灣就即刻買黎食😎佢個肉餡好彈牙 加埋啲冬菇口感好好 配埋佢個甜甜地嘅豉油我自己好鍾意🤤🤤·📍荃灣荃興徑10-18號富榮大廈地下04號舖📍元朗阜財街14號宏豐大廈地下11B及11C號舖📍紅磡德民街2-34E號黃埔新邨地下4J號舖📍九龍灣牛頭角道77號淘大花園三期地下276A號舖·#rby💛·#rbyeat #rby好去處#rby港式#rby深水埗

其實小編喺開呢個page之前食過一次燒賣皇后，嗰陣時覺得中曬伏，唔明點解咁多人吹捧😅，就係普通酒樓嘅燒賣，仲要唔彈牙加冇咗隻蝦，有好幾粒燒賣仲要皮肉分離。小編覺得可能係自己嗰日運氣唔好，睇在佢係黃店份上，不妨比多次機會。所以事隔幾個月，我決定鼓起勇氣再次試伏🤓。------------------------------招牌香菇豬肉燒賣 ($12/5粒)味道依然係冇蝦嘅酒樓燒賣味😂，有進步嘅係燒賣們冇再甩皮甩骨，冬菇味重得嚟唔會好次上次咁完全蓋曬豬肉味。豬肉係半肥瘦，味道都ok香濃，不過有啲似係鬆肉粉味(？)，口感亦幾鬆散😕，但就冇上次咁乾，香菇味都有少少。小編建議大家唔好expect佢地係好juicy彈牙，否則可能會失望。但係小編都承認佢地嘅辣醬係香兼好食嘅😋，辣味十分唔係淨係得個麻，比味蕾有少少刺激又唔會好搶。價錢方面，小編覺得都幾貴下，不過可以一試，但我自己食過之後就寧願齋買佢罐辣醬返屋企送飯💁🏻。------------------------------整體評分：6.6/10小編回頭率：5/10

好多人都聽過燒賣皇后呢個名😛本身去開元朗都會幫襯 依家荃灣都有埋 太好喇!招牌香菇豬肉燒賣 並唔係浪得虛名食完真係會講好食 放心唔會中伏( ´▽｀)豬肉係半肥瘦唔膩 口感岩岩好 配埋冬菇香好正重點係必加佢嘅秘製辣油🔥 個回辣好正 仲要帶種少少嘴麻感 但轉瞬間又無咗 好鬼頂癮🌝

💛 元朗燒賣皇后妙舒 (荃灣) 💛..............................上面個地址整唔到荃灣店 整住元朗店先今次要介紹嘅係好好食嘅香菇豬肉燒賣😋總店喺元朗 但上年就係荃灣開多咗間分店終於唔洗山長水遠入元朗食燒賣啦🤤食咗呢間咁多年都仲係咁高質 仲要係黃🤩所以次次經過路德圍 都忍唔住會去食翻幾粒🤪.🔅想知黃店原因請Pm💛..............................🍽招牌香菇豬肉燒賣 $12/5粒 $20/8粒（👏🏻9/10）.食過一次就上曬癮 個燒賣加埋辣椒豉油真係無得彈😋燒賣好香豬肉味 咬落好彈牙 唔會有粉嘅口感幾乎粒粒燒賣有大大粒嘅冬菇 食落好香冬菇味🍄重點係佢哋個辣椒豉油 食得辣嘅必試！！辣得黎唔會蓋過燒賣本身嘅味 食完包上癮🤤鍾意食辣嘅朋友 絕對唔可以錯過🌶不過近幾年唔知係咪我地食得辣咗 好似無以前咁辣唧所以👦🏻👧🏻次次都會嗌多多多多辣 因為真係好正😂.題外話：妙舒係可以買佢哋未加熱嘅燒賣🤩以前👧🏻娘親去開元朗一定會買一盒生嘅燒賣走😂不過依家進步咗 變左真空包裝 衛生咗好多🤣...............................🎈元朗燒

/元朗燒賣皇后妙舒/招牌香菇豬肉燒賣💰HKD$12/ 5粒-元朗燒賣皇后名聲響亮，可惜我平時不太會到元朗所以甚少機會可以試試。現在荃灣路德圍開了分店，「機會嚟啦飛雲」！-香菇豬肉燒賣配上鼓油和辣油，使到燒賣的顏色非常鮮艷，看得令人食指大動。他們的燒賣由豬肉、魚肉、香菇所製成，這與平時所吃的魚肉燒賣大為不同；每粒燒賣大大粒，肉質實淨，口感豐富。最值得讚揚的是每粒燒賣裏面有很多片冬菇，菇味香濃，配上辣油吃的話既不會被蓋過味道之餘，甚更為惹味。-►好食指數：9/10喜歡吃燒賣的你　不要錯過啊~-🔎✎想看更多的請去IG @wd.smallworld